السلام عليكم انا عندي 14 سنه وفي تالته اعدادي وخلاص امتحانات قربت بس المشكله أن انا صحابي بيحسدوني وبيحقدوا عليا وبحسهم بيحبوني حب مصلحه عشان اغششهم في الامتحانات ومن كتر حسدهم ليا قعدت في السرير أسبوع حرفيا بتمني الموت من شده الالم اللي كان فيا بس في نفس الوقت عما اللي انا بشتكلهم من اي حاجة بتدايقني وأهلي مش بيفهموها ودايما بحس ان هما غيروني 180 درجه وده للاوحش لاني في الاول كنت انطوائيه وهاديه وعمري ما كنت بتكلم في حصص وحصل موقف معاهم وانا صغيرة ووحده فيهم ضربتني بالقلم ولما جيت أصلي استخارة صلتها 5 مرات ورا بعض ومجليش رؤيه وفي مرة صلتها بس انا صحيت في نصها ومش
فاكرو حاجه فيريت لو تنصحوني ولو هتنصحوني بالبعد عنهم قولولي ازاي ووجه نظركم مع العلم اني مليش صحاب غيرهم
اولا برافو، كونك ١٤ وبتسالي وتسمعي وجهات نظر مختلفه دا كويس جدا وهيساعدك في حياتك. ثانيا بالنسبه لسؤالك، بشكل عام ف كل علاقاتك، اي حد يستنزفك نفسيا او صحيا، دي تبعدي عنها مفيهاش خلاف لانها هتاثر عليكي بالسلب. وف نقطه كمان بخصوص الغش ف الامتحانات، حاولي لا تغشي ولا تغششي، لانك لو محستيش بالضرر ف مرحلتك الحاليه فانتي هتحسي بضرر الغش دا بعدين. سواء ف الثانوي او الجامعه. واختاري اصحابك كويس ف بداية الثانويه وتجنبي الدخول ف اي علاقه مع اي شاب سواء علاقه صداقة او عاطفيه.
تم النشر الاثنين، ١ يناير ٢٠٢٤
كأنك بتتكلمي عني انا بس انا عديت المرحله دي بصي انتي حاولي متتكلميش مع اي حد فيهم ف حوار الدراسه خالص و حاولي تروحي دروس تانيه غير اللي بيروحوها عشان ميفضلوش مدينك مسمى الدحيحه و كمان وقت الأمتحان متغششيش حد حتى لو صحابك عشان اصلا حرام خلي عندك علم ب ان دول مش صحاب طالما عايزينك مصلحه يبقا مينفعش تسميهم بمسمى صحابي الوحيدين خلي علاقتك بيهم سطحيه صدقيني هيدخلوكي ف حوارات تخليكي بعيده عن المذاكره طالما مش بيتمنولك النجاح او سيبيهم من دلوقتي عشان ميأثرش على مذاكرتك لما تيجي تخشي ثانوي السنه الجايه إن شاء الله كللل دول كل اللي كانو معاكي ف اعدادي هيتفرقوا كل واحده فيهم هتدخل ع حسب مجموعها و في مش هيحبو يدخلو ثانوي (بتكلم ع اساس لو انتي مقرره تدخلي ثانوي ) كلهم هيتغيروا ف ثانوي هتعرفي ناس جديده ف ثانوي صدقيني صحاب كل مرحله بتبقا غير اللي قبلها ف متحطيش ف بالك ان انتي لما تسيبيهم كدا مش هيبقا عندك صحاب لاء ف ثانوي هتعملي صداقات مع ناس كتير من دروس هتلاقي كذا حد بيروح نفس الدروس بتاعتك هتتعرفي عليه و تروحي و تيجي معاه ف الدروس انا ونا ف تالته اعدادي او بالأصح ف اعدادي كلها كنت انطوائيه و حتى مبعرفش اتعامل مع الناس خالص بس لما دخلت ثانوي اضطريت عشان كلها دروس كتير هاخدها ف حوالي ١٠ مواد و اتعودت اتعامل مع اي حد و اتعرفت ع ناس جديده و اللي كانو معايا ف اعدادي دول معيش حتى رقمهم لأن انا كنت عارفه انهم مستحيل يكملو معايا عشان هم بتوع مصلحتهم ف غيرت الخط و نسيتهم خالص بقا حتى بشوفهم ف الشارع بعمل معرفهمش عشان مكنوش يتسموا صحاب اصلا و كنت دايما ببين قدامهم اني ذيهم مبذاكرش عشان كانت عينيهم كفيل تخلي الواحد يموت مش بس ينقص دراجات و كنت بقولهم ان انا مبذاكرش عشان يفتكروني بقيت ذيهم و يبطلو اللي بيعملوه و يبعدو عني بس طبعا لما تتعرفي على حد جديد و تلاقيه كويس و بيتنمالك الخير متعمليش كدا لا بالعكس شجعيه ع المذاكره عشان تنجحوا سوا
تم النشر الاثنين، ١ يناير ٢٠٢٤
وعليكم السلام ورحمة الله وبركاته .. بصي يا جميل انتي لو شايفة ان فيه حاجه غلط بتحصل يبقى طبعا ابعدي .. يعني الصحاب ايه دورهم في حياتك؟ الصحاب يكونوا كويسين، يعينوكي على الصح، يرفعوكي معاهم لقدام .. مش لتحت. ف انتي بقى شايفة انهم بيغيروكي للاسوء .. فطبعا ابتعدي عنهم. ازاي .. بقى؟ بالتجاهل .. واحدة واحده كده قللي من وقوفك معاهم، قللي من كلامك برضه. ابدئي كوني صحاب جداد .. لو تقدري تغيري مثلا مواعيد دروسك لو كانوا معاكي وهكذا.
تم النشر الأحد، ٣١ ديسمبر ٢٠٢٣
نيتهم الله اعلم بيها... المهم هنا انك لو معرفتك بيهم مش بتساعد تكونى افضل فيبقي نبعد بالتدريج نوقف كل شوية حاجات من اللى متعودين عليها لحد ما المسافة تبعد بينك وبينهم وهما هيفهموا لوحدهم انك مش حابه تكونى قريبه تانى منهم. واختارى صحبه تكون نفس اتجاهك وشبهك فى بعض او كثير من الشكل اللى حابه تطور نفسك فيه
تم النشر الأحد، ٣١ ديسمبر ٢٠٢٣
لعرض السؤال في فدني اضغط هنا