انا ام لي ولدين الاول عندو 3سنين والثاني عندو 2س انا عندي مشكله بنسبه ليا هي كبيره هي اني عصبيه جدا وبضرب بس بعدها بحس بندم شديد وبحس اني مكنش المفروض اعمل كده وكمان ابني الكبير تعب جداً جداً 😭😭بقا عندو مشكله في الكلام بقا يتهته كتير وحتي وهو بيتكلم بقا يرفع ايدو بدون اراده علي عينو وهو بيتهته من نحيت المشاكل العائليه بنحاول بيني وبين زوجي بنحاول الفتره الاخير انها تكون بينا وبصوت واطي بس ده اعتقد بردو انو اثر علي ابني كتير محتاجه مساعده وكمان محتاجه اعرف اودي ابني دكتور مخ واعصاب ولا اعمل اي كذا حد قالي اني اوديه لي شيخ يرقيه وهيبقا كويس انا بس محتاجه اعرف ازاي احسن من نفسي بحاول مش بعرف وديماً مشتته انا عندي 20سنه متجوزه سن صغير والمسئوليه بنسبه ليا حاجه حلوه وجميله والحمد الله الدنيا ماشيه معانا وبعرف اتعامل ولاكن برغم ده مش بعرف اعمل كنترول علي عصبيتي عصبيه جداً مش بعرف اهدا او اعدي اي حاجه غير لما اصوت كدا واقول كلام كتير زي اني بلوم نفسي وبعد اقول انو يارب خدني وريحيني من العيشه دي ديماً حاسه بتوتر ومش بعرف افصل ويبقا في وقت لنفسي 😭 متلغبطه اوي بجد ونفسي اصلي انا بقطع في الصلاه ساعات اصلي وساعات لا وساعات ابقا متظمه ومره واحده انتكس 💔💔
حاولي تقربي من ربنا اكتر و ادعي ان ربنا يهديكي ولازم تصلي لان الصلاة فرض و صدقيني مش هتندمي وهتلاقي حياتك كلها بقت كويسه و مفيهاش اي مشاكل
تم النشر الثلاثاء، ٦ فبراير ٢٠٢٤
بلاش حوار الشيوخ للرقية، ارقيه انتِ او والده افضل واحسن من احسنه شيخ
تم النشر الخميس، ٨ فبراير ٢٠٢٤
اياك ثم اياك ان تفعل شيء لاحقا فيه ضرر وظلم للناس لانك لو شخص ذو ضمير حي ستصاب بعقدة الذنب التي ستلاحقك مدى حياتك وطوال حياتك
تم النشر الخميس، ٨ فبراير ٢٠٢٤
للأسف الشديد انتي ضحية بردو، ٢٠ سنة ومعاكي طفل ٣ سنين يعني اتجوزتي ١٦ سنه اقل حاجه، يعني كنتي قاصر، ولما القانون حظر زواج القاصرات مكنش لعبث، كان لأسباب واظن انها واضحة كفاية. ١٦ سنة بالتااكيد كنتي لا زلتي محتاجه رعاية، ومعظم الي ف سن ٢٠ بردو لا زالو محتاجين رعاية. انا مش بلومك ع فكرة انا بلوم الي كانوا السبب في مشكلتك الحالية. انتي وقتها كنتي غير مؤهلة للجواز ولا انك تشيلي مسؤلية طفل، بس حاليا وبعد ما كبرتي شوية بدأتي تحسي بالمسؤلية الي في ايدك وبدأتي تاخدي بالك ان لاء المعاملة دي غلط وممكن تدمر الطفل، فانا بكل امانة بحترمك ع دا جدا وبرافو بجد ليكي انك بتحاولي معاه وتصلحي اخطاءك وانتي لسه ف سن ال ٢٠. حاليا تقدري تتاكدي الاول من صحة اطفالك الجسدية، مخ واعصاب زي ما قلتي، وباذن الله يكون بصحة كويسه تاني حاجه، تحاولي تنظمي حياتك وتفصلي بين علاقتك بجوزك والبيت ومسؤليته وممكن مسؤلية اهله كمان، وبين علاقتك باطفالك، اطفالك اهم بكتير ورقم واحد ف الاولويه. وممكن تشغليهم ف اي لعب يلعبو بيها ما عدا الموبايلات، اياكي تديهم موبايلات قبل سن ٦ ويفضل لو تبعديها عنهم خالص. تالت حاجه، اطمني تقدري تكسبي ثقة ابنك فيكي وف نفسه تاني لو حاولتي بجد ومكررتيش اخطاءك تاني ، وتاكدي بردو انه لو كسب ثقتك وبعدين كررتي الخطأ وضربتيه صدقيني بعد كدا اي محاولات لكسب الثقة بتكون اصعب. رابع حاجه ادي لنفسك مساحة ترتاحي شويه، فيلم مسلسل، تقري حاجه دا كويس بردو، تقعدي مع حد من صحابك او اهلك، ايا كان الوسيلة الي تفضليها، المهم تاخدي راحة لنفسك شويه، وف وقت ع فكرة، مفيش حاجه اسمها معنديش وقت، ويفضل لو بعدتي عن الموبايل والسوشيال بردو شويه، وتركزي اكتر مع الاطفال. خامس حاجه ودي مهمة جدا، ممكن تدوري ع برامج او دورات عن طرق التعامل مع الاطفال في سن الطفوله وقبل سن ٧ وهكذا يعني، ازاي تحافظي ع صحتهم واكلهم ونومهم وازاي تقدري تعلميهم حاجه مفيده وتكتشفي شخصيتهم ومواهبهم وتحاولي تنميها وهكذا، ممكن يكون عندك فنان تشكيلي ف البيت وانتي مش واخدة بالك، او يكون مهندس عبقري، وشوفي بردو اللعب الي تناسب سنهم وحاولي تجمعي فلوس وتشتريها، هما اهم من اكلكم وشربكم، والفلوس مهما كانت فهي اقل قيمة من قيمة اطفالك. انا مش مختص بالسلوكيات ولا علم النفس ولا ليا علاقة من قريب ولا من بعيد بالمجالات دي، فممكن اكون غلطت ف اي نقطه اتكلمت فيها، فانتي حاولي تاخدي الجانب الكويس الي ف كلامي لو لقيتي فيه حاجه كويسه. وربنا يعينك ع مسؤليتك الكبيرة دي، انتي قدها.
تم النشر الثلاثاء، ٦ فبراير ٢٠٢٤
بصي ممكن تروحي لثيرابيست و دا مش معناه إن ف حاجة عندك بس الثيرابيست بيشوف عندك المشكلة و بيساعدك تحليها و بالنسبة للطفل مينفعش خالص تضربيه يمكن انتي مش قصدك عشان الضغط بس دا مش حل عشان حرام متظلميش الطفل و عشان يطلع عنده ثقة بنفسه و شخصيته قوية ربنا يوفقك و يخليك أولادك يارب حبيبتي
تم النشر الثلاثاء، ٦ فبراير ٢٠٢٤
انتي يعمري محتاجه تأهيل ليكي محتاجه طبيب نفسي او طبيب ارشاد اسري ولا تتعلمي ازاى تتعملي مع اطفال مش هقول ازاى تخلفي وانتي مش مؤهله للجواز اصلن بس هقولك اتعلمي علشان اولادك يطلعو سوين نفسيا ربنا يحبيبتي يهديكي ويدلك ع الطريق الصح
تم النشر الخميس، ٨ فبراير ٢٠٢٤
كل ما تعملى كدا افتكرى أن عيالك هيعيشوا طول حياتهم عندهم أمراض نفسية اكيد انتى متحبيش عيالك يبقوا كدا اتقى الله فيهم دول هبة من عند ربنا ونعمة وهتتسألى عنهم حافظى على نفسيتهم عشان لما يكبروا يدعولك ،النفسية اهم حاجه عند البنى ادم ، والله الإنسان لما بيكبر وطفولته وحشة بيعانى طول حياته فحاولى تغيرى من نفسك ،
تم النشر الخميس، ٨ فبراير ٢٠٢٤
التهته ممكن تكون بسبب الخوف أو التوتر النفسي الطفل بيحصيله كده بسبب علو الصوت عليه أو معاملته بقسوة ف تأثر عليه وعلى نفسيته وتلاقي بعض الأطفال يقولو لنفسهم أن حالهم اضطراب نفسي بسبب المشاكل هو بس محتاج معامله افضل تحسسه بأمان تحط ف قلبه الشجاعة مش زرع الخوف جواه عايز معامله طيبه وان العيلة تهتم بيه اكتر بطريقة احس (انا بمر بالحجات دي كتير )
تم النشر الأربعاء، ٧ فبراير ٢٠٢٤
و لا توديه لشيخ ولا لدكتور خدي ابنك ك صحبك بلاش تخوفيه حرام عليكي و امسكي نفسك ف العصبيه بلاش تخليه يكرهك خليكي فاكره انو لما يكبر هيفتكرلك الوحش قبل الخير+انا ماما مصحباني اصلا و م بخبي عليها حاجه حتي لو مكسوفه بلاش تبقي لابنك قاسيه خليكي صحبتو
تم النشر الأربعاء، ٧ فبراير ٢٠٢٤
كانت كده معيا صدقيني أنا عندي ٢٠ سنه وعندي مشاكل نفسية كتير سبب العنف والضرب
تم النشر الثلاثاء، ٦ فبراير ٢٠٢٤
حاولي تغيري من نفسك أنا امي
تم النشر الثلاثاء، ٦ فبراير ٢٠٢٤
طالما وصل لمرحلة مجرد الكلام معاه بيرفع ايده يبقى محتاجة تراجعى نفسك وتشتغلى على نفسك وانقذى عيالك قدامك فرصة انهم لسة صغيرين اتعاملى معاهم كويس عشان لما يكبر ميكرهكيش وعشان ميكنش فى باله انه هو ولا بيحبك ولا بيكرهك بالنسباله شخص عادى فراجعى نفسك
تم النشر الثلاثاء، ٦ فبراير ٢٠٢٤
لعرض السؤال في فدني اضغط هنا