ياجماعه في بنت عسوله على التيك توك في انا كنت باخد صورها وانزلها كأنها انا بس بعدها قلت ليه انا بعمل كده وممكن هي لو شافت متكونش مسامحه أو حاجه فكتبت ف البايو اني فانها فمسحت الفيديوهات كلها وكان في كام فديو ملوش علاقه بيها نهائي فقلت لها انا هبقا فانك موافقه؟ عشان متفتكريش اني واحده باخد صورك قالت هتبقي فاني ازاي وانتي مش منزله ولا فديو لي علاقه بيا فهي كانت منزله اسك ع الإنستا قولتها انا اللي قولتلك هبقا فانك قالت اه موافقه بس ابقي نزلي تصميم مش صوري بالظبط فنمت وصحيت لقيتها عامله بلوك والله معرفش ليه خير تعمل شر تلقي انا قلت اقولها اني هبقا فانك بدل اني كنت بآخد صورها هي مكنتش تعرف اني كنت باخد صورها اصلا فأنا افكني منها انا خايفه يكون عليا ذنب
السلام عليكم ورحمه الله وبركاته طب هنتكلم عموما لو انا اخذت حاجه تخص شخص بدون اذن منه وتعاملت بها بدون ذكر انه انا واخدها من الشخص ده فاه طبعا كده انا يعني أهدرت حق من حقوقه وهو مش المفروض ان احنا نعمل كده لكن خلاص انت تنبهتي للموضوع ورحتي مسحتي كل حاجه تخص البنت دي وتمام طيب كل اللي انت بقى يعني رجعتي بعد كده عايزه تعملي الموضوع ده ثاني وعايزه تكمليه ثاني ولكن بعد ما تاخذي اذنها فخلينا نقول انه الذنب هنا يبقى مختلف طب بقى هو الحاجه اللي انا بعمل لها اعاده نشر دي اللي انا باخدها من البنت الحاجه دي ممكن توقع عليا ذنب ولا لا طبعا احنا ما نعرفش المحتوى بتاعها عباره عن ايه فلو المحتوى بتاعها محتوى لا يهدف لاي شيء وممكن بالعكس اللي يشوفه يضيع وقته وما يستافدش اي حاجه فآه هنا هتاخذي ذنب لانك هنا هتبقي اتبعتي حاجه غلط ونشرتيها لناس ثانيه فانت يعني في عداد بقى هو عداد سيئات بيتحسب عليك انت بسبب انك زودتي الناس اللي هتشوف المحتوى اللي ملهوش لازمه ده او اللي ممكن يكون فيه حاجه غلط كمان ففكري كويس قوي قبل ما تعيدي نشر اي حاجه اي حاجه بتعملها ريشير هو من على التيك توك سواء بقى فان او مش فان ايا كانت التوصيف ايه من داخل التطبيق ده او اي تطبيق اخر خدي بالك كويس قوي لانك مسؤوله عن الحاجه اللي غيرك هيشوفها ولو فيها ثواب هيتضاعف لك الثواب لو فيها حاجه مش كويسه وهي كده كده ذنب هتتحسب عليك اضعاف برده فخلي بالك كويس.
تم النشر الأحد، ١٦ مارس ٢٠٢٥
السلام عليكم، هو طبعًا كان غلط إنك تنزلي صورها بدون إذنها وإنك تنزليها كأنها أنتِ، وكان ممكن التصرف ده يدخلك في مشاكل كتير أنتِ في غنى عنها، وبرأيي كمان حتى لو بإذنها ممكن يكون غلط، خاصة لو هي بتقدم محتوى فيه مخالفات شرعية فهتكوني بتحملي الذنب بنشرك محتواها. فكويس جدًا إنك فكرتِ إن ممكن يكون ده غلط ومسحتِ المحتوى بتاعها. لو حاسة إنك عملتِ ذنب تجاهها في الفترة اللي نزلتِ صورها فاستغفري وانوي متكرريش ده مع أي حد. *** حكاية بقى إنك طلبتِ تكوني فان لها، فلو انتِ عملتِ كده عشان بس مجرد إنك تخرجي من موضوع تنزيل محتواها دون إذنها فخلاص كانت محاولة وهي تصرفت بالطريقة دي فتجاوزي الموضوع. لكن عندي نصيحة صغيرة على موضوع طلب إنك تكوني فان لشخص على أي منصة، بالنسبة لي شايفة موضوع الفان ده غير صحي ومضر لشخصيتك. لو مثلا أنتِ متابعة حد وبيقدم حاجة بتفيدك فعلا وبتطورك للأفضل ومش بيقدم أي تفاهات فده شيء جميل وممكن تدعمي الشخص ده بتفاعلك على محتواه بطريقة كويسة وعقلانية، لكن، إني أتحول لمجرد معجب ورقم في متابعين شخص ما وأعمل زي البنات دلوقتي لما بيعملوا خناقات مع بعض عشان أشخاص تانية بتعمل محتوى وبتشتهر على حساب وقتكم فهنا الغلط، ___ هنا أنا من غير ما أحس بأؤذي نفسي وبعطلها عن إنها تتطور وتصنع مكانة لنفسها، وببقى مجرد ترس في ماكينة بتحرك الناس دي لشهرتها مش أكتر. ___ نصيحة من أخت أكبر منك، قللي من التيك توك والسوشيال ميديا وكل هوس الفانز هناك وتابعي بس كل حاجة تفيدك وتغير حياتك للأفضل، وقتك غالي جدًا جدًا وعقلك كمان غالي فاختاري تصرفي وقتك في إيه وتملأي عقلك بإيه. ربنا يوفقك.
تم النشر الأحد، ١٦ مارس ٢٠٢٥
لو هي متبرجة ف انتي حرفيا بتاخدي ذنب كل واحد شافها وكل واحد نزل صورتها على فونه وكل واحدة شافتها وقلدتها، ف نصيحة مني ابعدي عن المجال دا وبما انك مسحتي الصور ف توبي وماتعمليش كدا تاني وإن شاء الله ربنا هيسامحك.
تم النشر السبت، ١٥ مارس ٢٠٢٥
عزيزتي، من الواضح أن موقفك كان يستند إلى نية الطيبة، لكن التواصل والشفافية دائمًا هما الأساس في العلاقات. لديك الحق في أن تكوني معجبة بشخص ما، ولكن من المهم احترام خصوصية الآخرين وحقوقهم. عندما قمتِ بنشر صورها دون إذن، قد تكون تلك نقطة حساسة بالنسبة لها. المسامحة تأتي من القلب، ولكن إذا شعرتِ بأنك قمتِ بعمل غير صحيح، فمن الجيد أن تتوبي إلى الله وتطلبي المغفرة. لذا، إذا كان لديك شعور بأنك قد أذيتِ مشاعرها، يمكنك دائمًا السعي لعمل شيء إيجابي مثل قول كلمات طيبة أو نشر محتوى يعكس إبداعك بدلاً من الاعتماد على صور الآخرين. الأمر الأهم هو التعلم من هذه التجربة والحرص على الالتزام بالاحترام لحقوق الآخرين في المستقبل. لا تفرطي في التفكير فيما حدث، بل ركزي على كيفية استخدام هذه التجربة لبناء مبادئ أفضل في سلوكك مستقبلاً. الله غفور رحيم، دائماً هناك فرصة للتوبة والتصحيح.
تم النشر السبت، ١٥ مارس ٢٠٢٥
لعرض السؤال في فدني اضغط هنا