دلوقت عندي مشكله واتمنى تساعدوني ،انا من وانا صغيرة حاسه اني ضايعه ومكتءبه بيضغطو عليافي قرارات كتير اوي اقصد اهلي مش قريبه من ربنا بس بحاول اقرب وفي حاجه بتبعدني ارتبطت بحد وحبيتو اوي بس هو بيكلمني بالعافيه وكؤنه مغصوب على أنه يكلمنيوانا عايزه ابعد عنه بس مش قادره ومش عارفه اعمل اي
وازني أمورك اتكلمي مع أهلك وشوفي في ايه قادرة تقنعيهم بيه اكسبي ثقتهم فيكي علشان يدوكي مساحة من الحرية قربي من ربنا علشان أمورك تتظبط ابعدي عن الشخص لو مؤذي ليكي ده بإختصار
تم النشر الأحد، ١١ ديسمبر ٢٠٢٢
كل اللى هنا حابين يساعدوا اكيد بس التفاصيل مهمه عشان نعرف ( يعنى ايه القرارات اللى بيضغطوا عليكى فيها ؟ ( دراسة - خطوبة - لبس - اختيار الاصدقاء) الحاجة اللى اكيد بتبعدك عن ربنا هى الشيطان ...هيديكى كل المبررات والاسباب اللى طبعا مش حقيقية عشان يقولك ان الموضوع تقيل وانك مش قادرة . اولا تلغى من دماغك كلمة مش قادرة ومش عارفة ...لان بما انك كبيرة وبالغه فانتى قادرة وواعية وتعرفى تتعلمى حتى لو معندكيش معرفة. تقدرى تقولى للشخص ده انا هوقف كل حاجة وارتب نفسي من جديد ولو مناسبين لبعض وفى نصيب تقدروا تكون بينكم صلة ( اللى هى طبعا خطوبة رسمية ) تقدرى تقولى لنفسك فى المراية ( كفاية كسل و تأجيل للافعال الصح ) تقدرى او ما تسمعى الاذان تقومى فى وقتها تتوضى وتصلى تقدرى تكتبى لنفسك فى ورقة كل الى انتى حابة توصليله وتكونى راضية عن نفسك بيه وتقولى انا هحقق كل ده فى خلال كذا وتحددى تاريخ لنفسك ( وتعتبري نفسك فى ثانوية عامة وتشتغلى على ك ده تنفيذ . انتى تستاهلى تفرحى بنفسك متتاخريش بقي واحنا هنا معاكى نتابعك لحد ما توصلى واسألى زى ما تحبي واحنا نجاوب
تم النشر السبت، ١٠ ديسمبر ٢٠٢٢
ممكن أسألك كام سؤال افهم بيهم اكتر المشكلة؟ سنك قد ايه؟ ليه شايفه انك ضايعه ومكتئبه؟ ايه بيحصل بيخليكي حاسه بكده؟ اهلك بيضعطوا عليكي ف قراراتك زي اي مثلا؟ ليه مش عارفه تبعدي عن الشخص ده؟
تم النشر السبت، ١٠ ديسمبر ٢٠٢٢
مبدايا فكره ان الأهل هما ضغط عليكى فى قرارتك حاولى تقربى منهم اكتر وتبقى تحت جناحهم اكتر ومع الوقت هما هيفهموكى اكتر مع قربك دا وبالتالى مشكله ضغطهم عليكى هتتحل والعزل والضياع هيبظا يتحل لأنهم هيبداوو ينورو طريقك بنفهومك انتى مع قربك ليهم ...تانى حاجه فكره انك بتحاولى تقربى من ربنا لوحدها خطوه حلوه اوى وحاولى كل فتره تزوديها اكتر وتقربى اكتر لحد ما ربنا يهديكى وربنا بيحبنا كلنا ففكره محاوله قربك دى بالنسبالو سعى ف هيساعدك بس البعد دا ما هو إلى الشيطان بيحاول يوقعك ف انتى لازم تتغلبى عليه بقربك اكتر واكتر ...بالنسبه لل. بتحبيه إلى اعرفه إلى بيحب حد بجد بيحب يكلمو ويهتم بيه اكتر ومع الوقت الاهتمام بيزيد اكتر واكتر مش بيقل نهائى ف دا دليل انو مكنش حب من نحيتهم بجد دا كان مجرد طيش واعجاب وراح لحاله ف انت ك بنت لازم تبعدى ودوسى على نفسك وعلى قلبك وانك تستاهل حد افضل بكتير وتحسى معاه انك ملكه مش عبده طاغيه بتشحتى منه الاهتمام والكلام .... انت ب ايدك تحسنى حالك بقربك من ربك وانتى بايدك تضيعيها ....خليكى مع ربنا وهو هيساعدك
تم النشر السبت، ١٠ ديسمبر ٢٠٢٢
لعرض السؤال في فدني اضغط هنا