انا عندي مشكله وهي اني داخل ع تالته ثانوي وعندي مشكله ف المذاكرة وهي اني بقعد اكرر المعلومة تاني واذاكرها تاني بقلق اني ممكن مثلا ان المعلومة دي مدخلتش دماغي فبأكد عليها تاني ودي مشكله لاني بعد ما اخلص مذاكرة درس مثلا بلاقي اني اخدت حوالي ٥ ساعات فدرس واحد ايه الحل
أكتر من تلت مرات بلاش تكرر الدرس الأفضل التكرار على مراحل على مدى الشهور بمعنى ذاكرت الدرس و لخصته تيجى مع الدرس التانى و تراجع مراجعة سريعة الدرس اللى فات و فى بداية كل شهر راجع بردو اللى درسته خلال الشهور اللى فاتت و هكذا هتلاقى نفسك كررت كل الدروس كتير فى نهاية السنة و حفظتها بتوفيق ربنا أهم خطوة فى الثانوية أنك تاخدها زى أى سنة بدون ضغط و تعمل اللى عليك و تعرف أن ربنا هيختار لك الخير ما دام أتقنت عملك بالتوفيق
تم النشر السبت، ١٣ يوليو ٢٠٢٤
تالته ثانوى دى مشاكلها كتير ضغوطات وهكذا ربنا يوفقك يارب وتبقى احسن حاجه في الدنيا متقلقش خالص كل مشكله وليها حل حاول متتحمسش ف البدايات عشان متحسش انك فقدت شغفك اخر السنه حاول تبدأ وتشد على نفسك بالتدريج بالنسبه لسؤالك يمكن الحل الكتير هو الحاجه الى هتطمنك وتأكدلك أن المعلومه لسه فاكرها عادى وطبيعي جدا انك تنسى معلومه مع المتابعه هتعرف ازاى تذاكر صح نصيحه لو انت حاسس ان نظام مذاكرتك غلط حاول تعدله يمكن ده السبب ف أنك بتنسى مثلا ويمكن بتذاكر صح بس دى حاجه طبيعيه متقلقش حاول تبحث عن اليوتيوب عن نظام تالته ثانوى وتعرف معلومات اكتر بالتوفيق.
تم النشر السبت، ١٣ يوليو ٢٠٢٤
أفهم قلقك يا عزيزي، ودي مشكلة بيمر بيها كتير من الطلبة. ودي نصائح ممكن تفيدك: قسّم وقتك: حاول تقسم الوقت بشكل منطقي، يعني مثلاً خلي مذاكرة كل درس في وقت محدد لا يتعدّى ساعة أو ساعة ونص وبعدين خذ استراحة قصيرة. المراجعة الفعّالة: بعد ما تذاكر درس، حاول تخصص وقت للمراجعة بشكل مختصر مش بالطريقة اللي تقعد تذاكر من الأول تاني. استخدم الملخصات أو الأسئلة اللي بتختبر نفسك بيها. طريقة بومودورو: في طريقة اسمها بومودورو، تعني تذاكر 25 دقيقة بنشاط وتركيز، وبعدين تاخذ استراحة قصيرة 5 دقائق. كرر الموضوع ده كام مرة وبعدها خذ استراحة أطول. التركيز على الفهم مش الحفظ: حاول تركز على فهم المعلومة مش بس الحفظ الأعمى. لو فهمت المعلومة كويس، هيكون سهل عليك تفتكرها بدل ما تقعد تعيد وتزيد. تخيل النجاح: حاول تتخيل نفسك وانت بتنجح وبتحقق علامات كويسة ده هيحفزك ويخليك واثق من نفسك. مش لازم تكون مثالي، المهم تعمل اللي تقدر عليه وتحسن من نفسك كل يوم. واسأل المدرسين أو الزملاء لو في حاجة مش واضحة. ربنا يوفقك! 💪📚
تم النشر السبت، ١٣ يوليو ٢٠٢٤
لازم تواظب ع الصلاه وورد قران ومتشيلش هم تالته خالص سيبها ع الله وهتعدي اهم حاجه تعمل اللي عليك ومتضيعش وقت متضيعش وقت عشان لاقدر الله متندمش ع الدقيقه اللي ضيعتها. وتوكل ع الله ومتشيلش هم النتيجه ولا تقول طب ممكن اخش الكليه اللي بحلم بيها وكدا يعني لو ليك خير فيها ربنا مش هيبعدها عنك
تم النشر الأحد، ١٤ يوليو ٢٠٢٤
كدا انت مش بتركز وانت بتزاكر
تم النشر الأحد، ١٤ يوليو ٢٠٢٤
لعرض السؤال في فدني اضغط هنا