فاقد الشغف الكلمة ديه اتكررت كتير .. بس هي بصراحة كلمة (عايمة) مش محددة الحالة بالظبط اللي الواحد فيها + ان معناها الحقيقي ان معنديش طاقة اقوم اعمل اللي ورايا؟ فاقد طاقتي طيب ومين قال اننا بنشتغل اساسا واحنا عندنا طاقة طول الوقت. ولكن احنا هنروح في كلام تاني دلوقت وهرجع للنقطة ديه تاني .. انت قولت هعمل ده ليه، او هعمل لمين، او ليه اعمل ده اصلا، مفيش حاجة تستاهل؟ هنا المشكلة مشكلة ايه (معنى) يعني ايه برده مشكلة معنى؟ لو سألت مثلا حد من صحابك انت بتعمل مثلا الحاجة الفلانية ليه؟ هيقولك علشان كذا .. هي ديه علشان ايه؟ الهدف لازم يكون مقترن بسبب علشان الواحد يسعى إليه .. مفيش سبب مفيش هدف. علطول كده .. اه طالما مفيش سبب ومعنى للحاجة اللي بعملها ما هو طبيعي جدا مش هعملها اصلا. انت حاسس دلوقت الاحساس اللي ممكن يكون بالدونية ده ليه؟ علشان عايز تعمل نجاح في حياتك .. بس للاسف مش عارف تعمله .. او مش لاقي السبب اللي تعمله علشانه. اوعى تعمل حاجة من غير سبب .. فيه ناس ممكن تقعد تعمل حاجات كتير وتاخد كورسات كتير وفي كل حاجة وتروح تعمل كل اللي الناس بيعملوه فقط علشان بس تبقى زيهم؟ طيب اهلا وسهلا .. فين انت؟ انت ... اه ذاتك فين؟ مفيييييش. علشان كده لازم تدور على المعنى .. الهدف اللي عايز تمشي فيه الاول وبعد كده كل حاجة هتتظبط. نيجي بقى لعنوان سؤالك فاقد الشغف طيب ما نفقده وايه المشكلة؟ اه فيها ايه ؟ يعني هو لازم اكون شخص متحمس طول ايامي؟ ده مش هيحصل طبعا وده مش طبيعي .. ده ضد ارادة الطبيعة اساسا. ليه؟ قولتلي ليه .. علشان طبيعي ان الانسان بيكون حاسس بمشاعر كتيرة في اليوم .. يعني انا ممكن اكون فرحانه .. وممكن بعد شوية يجي احساس الغضب .. وممكن اسمع خبر وحش لا قدر الله يعني .. واكون حزينة. ده الطبيعي للانسان. هل بقى اقعد استني الحالة اللي اكون فيها تمام جدا ومتحمسة وكل شئ طبيعي علشان اعمل اللي ورايا .. احب اقولك انا لو مشيت بالطريقة ديه .. عمري ما هشوف نجاح في حياتي. الواحد المفروض يشتغل في كل الحالات بتاعته .. ليه لان ديه حاجة اسمها مسؤولة والتزام .. ودول اهم حاجتين لازم يكونوا موجودين عندنا علشان نكون اشخاص ناجحين. بما انك شخص رياضي .. هل مثلا لو انت في بطولة معينة .. وطبعا بتحضر ليها كويس جدا ... لما هتصحي في عز البرد الساعة 4 و لا 5 الفجر كده .. علشان التمرين كل يوم الصبح هل هتبقى كل يوم شخص متحمس .. ولا اساسا ممكن يجي عليك اوقات هتبقى لا ياجماعة انا عايز انام؟ اكييييد هيجي عليك اوقات مش طايق اساسا اللي بتعمله .. بس علشان انت عندك هدف لازم تمشي وراه .. البطولة هي اللي هتوصلك للطاقة والفرحة والحماس .. مش التمرين بتاع كل يوم. هي اه بتيجي بالعكس .. الوصول هو اللي بيدي للواحد طاقة في الاخر او بيشعره بالسعادة. اتمنى تكون الاجابة مفيدة ليك
تم النشر الخميس، ١٩ يناير ٢٠٢٣
انت هتحارب الاكتئاب والاحباط ده عشان نفسك انت حد كويس جدا وعنده مميزات كتير ورياضي واكيد مريت بتجارب كتير وطول منت ماشي في الدنيا بتعدي بخبرات تانيه وهتلاقي طول منت ماشي ناس متوقعتش ابدا انهم يكونوا معاك ويساعدوك ويكونوا سند وناس كنت مراهن عليهم خذلوك وده وارد انت غ الدنيا بتتعلم وبتاخد خبره ف ناس وف مواقف افتكر كان حلمك ايه وكان نفسك ف ايه وطموحك دايما كان ايه افتكر كنت بتتعب قد ايه زمان عشان توصل لحاجه نفسك فيها. و فتره فقدان الشغف دي هنعتبرها بريك اخدته عشان تقوم بعدها وتبقا اقوى وتنطلق وتنجح بشكل تنبهر بيه ابدأ العب رياضه تاني بسيط ابدأ حط هدفك القديم قدامك تاني واعمل كل حاجه بتفرحك وقرب من ربنا جدا لانه كل مقربتله هيساعدك ويقويك
تم النشر الخميس، ١٩ يناير ٢٠٢٣
هو ايه الشغف فى الاصل...وهل الحياه والتقدم فيها ضرورى فيه الشغف الصراحه انه مش ضرورى خالص انا محتاج بس هدف اسعى وراه وحتى لو مش شايف هدف شخصي لنفسك يبقي ركز فى هدف خلق الانسان على الارض ...ربنا خلقنا عشان نعبده طب العباده دى صلاة مثلا بس ...لا ...ده كل الحياه ...ادى علل الاقل دورك فى الحياه ...اعبد ربنا فى انك تكون مسلم فى منصب محترم ....بانك تكون اخ وابن كويس فتبفي بتسعى انك ترعى اهلك وتتجوز عشان تعبد ربنا بانك تجيب اولاد يكونوا مهمين ومؤثرين للاخرين ...تعبد ربنا فى معاملتك لمراتك احسن معامله ....كل ده مش محتاج شغف على فكرة.
تم النشر السبت، ٢١ يناير ٢٠٢٣
لعرض السؤال في فدني اضغط هنا