كيف أقلع عن التدخين ؟
التدخين بالذات اول حاجة فيه للاقلاع هو القرار الحازم . نفسيا اعمل لنفسك حاجة تانيه ترتبط بيها غير السيجارة.... حاجة تلجألها نفس الوقت زى ما بتلجأ للسيجارة . ( لب مثلا او لبان او حاى تحط قلم فى بوقك بنفس وضع السيجارة ) كل ده عشان فكرة التعود اللى اتخلقت جواك طبعا بسبب انها اكيد فترة زمنية طويلة. النظام الغذائى بيساعد كتير ( الاطعمه اللى بتحتوى على نيكوتين ) مثال عصير الطماطم كمان ابعد نفسك عن بيئة المدخنين لانها مش هتساعدك فى الفترة دى ( قعدة القهوة و الصحاب المدخنين واى مكان مسموح فيه التدخين ) على الاقل لحد ما تعدى المرحلة دى وتكون مستقر.
تم النشر السبت، ١٨ فبراير ٢٠٢٣
الحاجه ال نفعت مع أخويا وخطيبي هي الالكترونيه وبالتدريج انسحبت لإنهم كانو مش عاوزين يبطلوها أصلا.. بس النصايح المكتوبه أحسن حاول فيها كتير لأن الموضوع فعلا اراده وهدف ونيه واستعين بربنا وابعد عن مسببتها يعني مثلا بتلجأ ليها متي وإنت متعصب يبقي دور علي نشاط تآني تمارسه وإنت متعصب. وهكذا تتبع إنت بتشربها متي واخلق بديل
تم النشر السبت، ١٨ فبراير ٢٠٢٣
ارادة مش اكتر .. خلي عندك ارادة ، مش محتاج تتعب و تمرض زي باقي الناس اللي مبتبطلش الا لما تتعب ، خد الامور بشكل عملي .. تجربة التدخين تجربة مؤسفة جدا كلها خساير .. تحب تدخل في تجربة تخسرك مالك و صحتك و كمان مش ممتعة .. التدخين بيعمل كده خد القرار و نفذه و اعتبر نفسك قدام تحدي لو فشلت فيه هتخسر كتير قوي و انت و ارادتك بقي .. ربنا يوفقك للخير
تم النشر السبت، ١٨ فبراير ٢٠٢٣
لعرض السؤال في فدني اضغط هنا