سلام عليكم
لم خلق الانسان؟
و اى اصلا المفروض نعملها فى حياتنا
و هل فيه اشخاص بيكسبو دنيا و آخرة
و هل عادي ان يكون الانسان مش حابب يعيش
هل ده تفكير بأنانية لرغبة البعد عن الجميع بالموت
و ليه اصلا المفروض نكون نافعين و غيره هل هيبقى ذنب إذا ضيعنا الوقت فى حاجه مش مفيدة او حتى فى الفراغ
عليكم السلام ورحمة الله وبركاته لم خلق الإنسان؟ (ربنا بيقول في القرآن: "وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ" (الذاريات: 56)، يعني ربنا خلقنا عشان نعبده ونوحده.) و اى اصلا المفروض نعملها في حياتنا؟ القرآن مليان توجيهات، بس أهمها: نعمل الخير ونساعد الناس: "وَافْعَلُوا الْخَيْرَ لَعَلَّكُمْ تُفْلِحُونَ" (الحج: 77).) نصلح في الأرض: "وَأَحْسِنُوا ۖ إِنَّ اللَّهَ يُحِبُّ الْمُحْسِنِينَ" (البقرة: 195). * نبتعد عن الشر: "وَتَعَاوَنُوا عَلَى الْبِرِّ وَالتَّقْوَىٰ ۖ وَلَا تَعَاوَنُوا عَلَى الْإِثْمِ وَالْعُدْوَانِ ۚ" (المائدة: 2). * و هل فيه اشخاص بيكسبو دنيا و آخرة؟ * طبعا، ربنا بيقول عن المؤمنين: "لِلَّذِينَ أَحْسَنُوا الْحُسْنَىٰ وَزِيَادَةٌ ۖ وَلَا يَرْهَقُ وُجُوهَهُمْ قَتَرٌ وَلَا ذِلَّةٌ ۚ أُولَٰئِكَ أَصْحَابُ الْجَنَّةِ ۖ هُمْ فِيهَا خَالِدُونَ" (يونس: 26)، يعني اللي بيعملوا الخير ليهم الجنة وزيادة. * و هل عادي ان يكون الانسان مش حابب يعيش؟ * ربنا أمرنا إننا منقنطش من رحمته: "وَلَا تَيْأَسُوا مِن رَّوْحِ اللَّهِ ۖ إِنَّهُ لَا يَيْأَسُ مِن رَّوْحِ اللَّهِ إِلَّا الْقَوْمُ الْكَافِرُونَ" (يوسف: 87)، واليأس ده مش كويس، ولازم الإنسان يسعى ويحاول. * هل ده تفكير بأنانية لرغبة البعد عن الجميع بالموت؟ * الانسان عليه واجبات تجاه أهله ودينه ووطنه، والهروب من المسؤلية نوع من الأنانية. * و ليه اصلا المفروض نكون نافعين و غيره هل هيبقى ذنب إذا ضيعنا الوقت فى حاجه مش مفيدة او حتى في الفراغ؟ * ربنا بيقول: "وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ ۖ وَسَتُرَدُّونَ إِلَىٰ عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ" (التوبة: 105)، يعني كل عمل بنعمله ربنا شايفه، والوقت أمانة، ولازم نستغله في الخير.
تم النشر السبت، ٨ مارس ٢٠٢٥
السلام عليكم ورحمه الله وبركاته احب اقول في اجابتي ثاني انه يعني استاذ حمدي جاوب اجابه كلها فيها ايات القران اللي بترد على كل التساؤلات خليني اضيف انا من عندي جزئيه هي جزئيه نفسيه احنا ليه بيجي لنا نوعيه التساؤلات دي نوعيه التساؤلات دي هي لانه ربنا خلقنا خلق كده في السيستم بتاعنا ان احنا دايما بندور على هدف نكون عايشين عشانه ومسأله الهدف دي على فكره هي مساله مهمه جدا جدا وفعلا الانسان لما بيكون مفيش هدف قدامه واضح في حياته بيكون حاسس ان هو دائما تايه ومشتت وسهل جدا ان هو تدخل له أفكار وتبعده عن الطريق السليم وتوديه في طرق هو نفسه مش هيكون عارف وقتها انه مش ده الطريق اللي هو المفروض يمشي فيه فهيتخبط كتير جدا لحد ما يوصل للطريق السليمه فالتساؤل ده في حد ذاته حاجه جميله جدا لان الانسان يقف كده ويقول لا هو انا قبل ما اتحرك انا بتحرك في اتجاه ايه انا المفروض يكون هدفي ايه وايه الهدف اللي يكون الهدف الصح فالسؤال نفسه جميل جدا واحنا اتخلقنا عشان نعبد ربنا زي ما كتير جدا جاوبوا طيب عباده ربنا دي تكون عامله ازاي احنا ممكن نقعد ربنا بكل الاشكال في كل التفاصيل الصغيره ممكن تتحقق عباده ربنا من ابسط حاجه بنعملها انا ممكن وانا بغسل وشي أكون بعبد ربنا، إزاي؟ الموضوع كله في النية، أنا نيتي اللي بستحضرها مع كل عمل بعمله وبفكر إزاي العمل ده يكون في اتجاه ربنا هي دي يعني بالعامية كده هي دي الزتونة. طيب نعمل ده ازاي انا دلوقتي في كل حاجه اشوف هو ربنا يحب الحاجه دي تتعمل باحسن شكل ازاي طيب هو كل حاجه كده هقعد افكر ربنا عايزه هو مفيش حاجه انا هكون عاوزها لا طبعا كل واحد فينا يقدر ينفذ نفس الحاجه وتكون ترضي ربنا ولكن بطريقته هو الخاصه عشان كده احنا شخصيتنا هتكون مختلفه وشخصياتنا هيكون ليها طابع في اللي احنا بنعمله تعالى نشوف نعمل ده ازاي في شخص هو بيغسل سنانه هيكون مستحضر ان هو عايز يرضي ربنا بغسيل سنانه طب يرضي ربنا ويعبد ربنا ازاي تغسيل السنان ان هو يستحضر النيه انا عايزه اغسل سناني ايه اصلا انا عايزه اغسل في واحد هيبقى انا عايزه اغسل سناني عشان صحتي تفضل كويسه فابقى اعتنيت بالجسد النعمه اللي ربنا ادهاني بشكل كويس حلو جدا في واحد ثاني لا انا هغسل اسناني عشان اكون قدوه ومسلم نضيف قدام اي حد يتعامل معاه جميل جدا. هنا كل واحد عملها بطريقته، هنا كل واحد شاف فيها حاجة مختلفة نية مختلفة يقدر يحطها فيبقى عبد ربنا ويبقى حقق عبادة ربنا في الحاجة اللي هو بيعملها وبرضه بشخصيته تمام كده؟ أتمنى أكون حطيت مثال بسيط للموضوع. طيب نشوف بقى بقيه التساؤلات هل انا ممكن اكون حاسس انه يعني انا مش محتاج اعيش ولا احقق اي اهداف والافضل لي ان انا عايزه ابعد عن كل الناس والموت افضل الاحساس ده ممكن يجي لما يبقى الشخص حاسس انه مفيش قيمه من وجوده والحقيقه مش دي الفتره اللي ربنا خلق عليها اي بني ادم احنا كبشر ربنا خلقنا عندنا دافعيه ناحيه الخلود احنا عايزين نفضل موجودين مش عاوزين نموت أمال ايه اللي بيحول الموضوع للناحيه الثانيه دي اللي بيحاول الموضوع للناحيه الثانيه هو افتقادك قيمه لما انا بكون حاسس انه وجودي ملهوش اي قيمه وجودي زي عدمه مش حاسس ان انا بقدم شيء هو ده اللي بيخليني حاسس ان هو انا الافضل ان انا ما اكونش موجود عشان كده لما نبدا نركز في قيمتنا ونبدا نحط نفسنا في افعال تؤدي قيمتنا فعلا واحنا اللي نستشعرها قبل ما نكون مستنيين الناس اللي حوالينا هما اللي يدونا القيمه دي او يقولوا لنا أيوه أنتم لكم قيمة هو ده اللي هيخلينا نحس انه لا انا وجودي في الحياه مهم وطول ما انا موجود وطول ما انا ربنا مديني ايام في الدنيا فانا هبدا استغلها عشان اضيف قيمه لنفسي واحس بقيمتي هنا هيجي مساله النفع والضرر. وايوه لو الانسان مهتم بقيمته وبتواجد قيمته في الحياه هيبقى عايز كل لحظه يقدم فيها شيء يكون نافع ويبقى في نفس الوقت هو كمان بيستقبل شيء نافع ومش هيقبل انه يكون في وقت بيروح كده من غير ما يحس بقيمه في الوقت ده طبعا هل ده معناه انه ما فيش وقت يكون وقت اسمه وقت فراغ ووقت ترفيه لا طبعا في وقت اسمه وقت ترفيه بس برده الوقت ده ما بيكونش اسمه وقت ضايع لا انا بكون برضه بقدم فيه شيء لنفسي بكون بروح عن نفسي بكون بعمل حاجه خفيفه لطيفه مش لازم يكون فيها ضغط مش لازم يكون فيها بقى مذاكره ولا شغل ولا حاجه من الحاجات الثقيله دي ولكن انا قاعد بس بتبسط مع اللي بحبهم او حتى قاعد بتبسط مع نفسي مع افكاري ده بيكون وقت اهدى من الاوقات الثانيه فقط لا غير لكن برده ما بيبقاش وقت ضايع وهنقول هل بيكون علينا ذنب هو الحقيقه من اول الاسئله اللي هنتسالها بعد الموت عن عمرنا فيما افنيناه، فطبعا طبعا انا محتاج يكون عندي اجابه على السؤال ده وتكون اجابه مرضيه واكون فخور بيها وانا بجاوبها بعد ما حياتي في الدنيا تخلص، هرد اقول ايه انا ضيعت وقتي في ايه او انا حياتي قضيتها في ايه اكيد مش هحب اقول انا حياتي انا كنت بلعب على الموبايل ولا هحب اقول حياتي اغلبها كنت ما بعملش حاجه قوي يعني كنت باكل وبشرب وبنام اكيد مش هحب اجاوب الاجابه دي وهيكون الافضل ان يكون عندي اجابه اجاوبها وانا فخور بنفسي علشان ما احسش ان انا كده مكسوف من نفسي.
تم النشر الأحد، ٩ مارس ٢٠٢٥
عليكم السلام الإنسان خلق عشان يعمر الأرض عشان نزود عدد المسلمين ب مسلمين صالحين ف المفروض كل اللي نعملو هي التعبد و نستوفي كل الفرائض اللي علينا عشان مش مهم نكسب الدنيا المهم الاخره لان هي اللي باقيه الدنيا مسيرها زائله و البشر مش دايم هو العمل الصالح بس اللي دايم
تم النشر الأحد، ٩ مارس ٢٠٢٥
وعليكم السلام ورحمة الله وبركاته. خلق الله سبحانه وتعالى الإنسان ليكون خليفة في الأرض، ولعبادة الله وتعمير الدنيا بالأعمال الصالحة. كما قال تعالى في كتابه الكريم: "وما خلقت الجن والإنس إلا ليعبدون" (الذاريات: 56). فحياتنا يجب أن تكون مليئة بالسعي نحو تحقيق الأهداف النبيلة والمساهمة في خير المجتمع. أما بالنسبة للناس الذين يحققون النجاح في الدنيا والآخرة، فهناك الكثير من الأمثلة. الشخص الذي يسعى للعمل الصالح، ويتبع نهجاً مستقيماً في حياته، وعلاقاته بالآخرين، هو من يستطيع تحقيق التوازن بين الدنيا والآخرة. إذا شعرتِ بأفكار سلبية حول الحياة أو رغبة في الابتعاد عن الجميع، فهذا أمر يحتاج إلى وقفة. من المهم أن نستعرض مشاعرنا ونفكر في أسبابها. الحياة مليئة بالتحديات، ولكن قضاء الوقت في أنشطة مفيدة يمكن أن يكون منفذاً لتحسين الرؤية. ضياع الوقت في أشياء غير مفيدة قد يكون موجباً للذنب، ولكن الأهم هو الوعي والمعرفة. من الخير دائمًا أن نبحث عن الأشياء التي تعود علينا بالنفع وتكون سبباً في رفع معنوياتنا وإلهامنا. إذا كنتِ تعانين من مشاعر سلبية، قد يكون من المفيد التحدث مع شخص مؤتمن، سواء كان صديقاً أو مختصاً، للوصول إلى حلول حقيقية تحسّن من حالتك. تذكري، أنك لستِ وحدك في هذه المشاعر، وهناك دائمًا أمل وفرصة للتغيير.
تم النشر السبت، ٨ مارس ٢٠٢٥
الإنسان اتخلق للعبادة وجاي هنا في الدنيا عشان يحقق العبودية دي وهيبتلى وهيتعرض لفتن تختبره عشان ياخد الثواب في الآخر ويدخل الجنة برحمة ربنا فالمؤمن هدفه الجنة وليس الدنيا واه ممكن المؤمن يتمتع في الدنيا وفي الآخرة ولكن في الآخرة الجنة خالصة للمؤمنين فقط والمؤمنين بيشاركوا الدنيا مغ غيرهم في نفس الوقت
تم النشر السبت، ٨ مارس ٢٠٢٥
خُلِقَ الإنسان؛ لعبادة الله و عمارة الأرض
تم النشر السبت، ١٥ مارس ٢٠٢٥
وعليكم السلام ورحمة الله وبركاته لعل هذا اللقاء يجيب عن مجمل هذه الأسئلة https://youtu.be/wGP_yJyMSc8?feature=shared
تم النشر الأحد، ٩ مارس ٢٠٢٥
قال الله تعالى وما خلقت الجن والانس إلا ليعبدون
تم النشر السبت، ٨ مارس ٢٠٢٥
خلق الانسان للعباده ايوه في ناس بتكسب دنيا واخره
تم النشر السبت، ٨ مارس ٢٠٢٥
خلقنا لكي نعبد الله ونعيش سعداء
تم النشر السبت، ٨ مارس ٢٠٢٥
انا عايزه افهم ليه تم منعي من اني أسأل اي أسئله؟؟ بحتج هنا عشان مش عارفه أسأل..
تم النشر السبت، ٨ مارس ٢٠٢٥
لعرض السؤال في فدني اضغط هنا