انا واحده عند صديقتين بيحبوني وكل حاجه لكن ساعات مش بيهتمو بيا خالص ومش بيعملو خاطر لزعلي يعني مثال بسيط كنا خارجين والمكان كان حلو اوي وواحده اتصور والتانيه قالتلها صوريني واتصورو هما الاتنين وبقولهم صوروني بقي قالولي مش مشكله وراحو ماشين 😭 وبعد كدا ولقو مكان تاني والاتنين قاعدين يصورو بعض وفي كل الاتجاهات وانا بقولهم صوروني يقولولي استني اما نتصور احنا الاول وفي الاخر صوروني اي كلام عشان يخلصو ضميرهم وخلاص عشان مانكرش هما بيحبوني بس بيطلع منهم حاجات كدا بتزعلني وساعات بيعملو حاجات بقول يارب ماتبعدهم عني. ابدا انا مش عارفه بيعملو معايا كدا ليه ومثال تاني انا عملت غلطه بسيطه كدا فزعلو مني اوي وانا روحت هزرت معاهم عشان مايزعلوش راحو مزعقين فيا جامد وقالولي ماتتكلميش خالص انتي كل مره تعملي كدا وقعدوا يزعقو😭 مع اني والله لو اي حد عمل حاجه كبيره وجه اتأسفلي بسامحه علي طول وبالمناسبه الغلطه دي اني قولنا هنمشي نروح قبل الدرس بساعه عشان نلحق مواصلات ووصلت متاخر عليهم شويه بس وصلنا الدرس بدري بس هما كانو زعلنين هما ليه بيعملو معايا كدا هو عشان انا مبزعقش فيهم انا شخص طيب بطبعي ومابحبش ازعل حد مني بس هما فاكرين كدا ضعف انا مش عارفه اعمل ايه انا ثانويه عامه
انا شايف ان خوفك انك تفقديهم وما يبقوش اصدقائك محجم تصرفاتك ومخليكي مش عارفة تتصرفي علي طبيعتك وطبيعة شخصيتك، فبالتالي هما شايفين ادامهم شخصيه مهزوزه صعب تتحب.
تم النشر الجمعة، ٢ فبراير ٢٠٢٤
هما بيعملو معاكي كده علشان متأكدين انك هتزعلي من غيرهم جربي في مره تبيني ليهم انهم مش فارقين هتلاقيهم هما اللى بداو يخافو على زعلك اعرفي صحاب جداد ده طبه البني آدم انه لما بيضمن وجود حد بيتمدا انه يجرحه علشان ضامن وجوده وبعدين ركزي في السنه اللى انتي فيها كويس ما تخليش حاجات تافه زي دي تقصر عليكي
تم النشر الأحد، ٤ فبراير ٢٠٢٤
تم النشر الأحد، ٤ فبراير ٢٠٢٤
الإجابة ف السؤال، قولتي "هما" مش "احنا"، ودا سبب كافي يخليكي تمشي من مكان انتي طرف فيه واللي قدام طرف تاني
تم النشر الأحد، ٤ فبراير ٢٠٢٤
بصي حبيبتي هقولك نصيحه انتي دلوقتي فى أهم سنة فحياتك ففكك من أى دماغ صغيره وانتبهي لمستقبلك بجد عشان متندميش بعدين ...وشوية شوية هتكبري وهتفهمي إنه لعب عيال وابعدى عنهم شويه هتلاقيهم هما اللى بدأوا ياخدوا بالهم ويسألوا عليكى ولو ما اخدوش يبقي ربنا مش عايزهم فحياتنا وعايز مصلحتنا وقدام هتلاقي ناس حلوة شبهك تفهميهم ويفهموكي ..ربنا معاكي ❤️
تم النشر السبت، ٣ فبراير ٢٠٢٤
شوفي أنتي حاولي تبعدي عنهم شوية وله هم بيحبوكي بجد هيسألوا عنكي ولو مش سألوا يبقي أكتفي أنكي تبحثي عن صديقة ليكي تحبك وتخاف عليكي أعمل كده وشوفي هيعملوا أي بس
تم النشر السبت، ٣ فبراير ٢٠٢٤
ابعدى عنهم لانهم مش اصدقاء لكن زمايل دراسة فمتتعامليش معاهم على انهم اصدقاء انتيم او بست لان بعد الثانوية هتتفرقوا فى كليات و هتلاقى فى الكلية اصدقاء ناضجين يحافظوا على مشاعرك و يبادلوكى نفس الاهتمام
تم النشر الجمعة، ٢ فبراير ٢٠٢٤
طب ما تروحي تعاتبيهم قولي انا بزعل منكم ف كذا كذا انتو لي بتعملوا كده لو زعلانين منين ف حاجه عرفوني يمكن ف سوء تفاهم يعني اعملي قاعده صفا كده وكل واحده تتكلم بصراحه عن اللي بيضايقها ف التانيه
تم النشر الجمعة، ٢ فبراير ٢٠٢٤
للاسف غلطتك انك رابط سعادتك باشخاص و منتظره اللي بتعملي معاهم هما كمان يعملو وده مش ضروري مش ضروري عشان انتي طيبه مع شخص وبتهتم بي هو كمان يكون كده و مش ضروري بتسامحي شخص بسرعه هو كذلك يكون كده اسرع طريق تدمري بي نفسيتك ان تحطي اعتماد قيمتك وسعادتك بأشخاص وأصدقاء. اتعاملي معاهم عادي متحطهمش في حته عاليه اوي ولا حطه واطيه اوي خليهم اصدقاء عاديين جدا خلي قيمتك عند نفسك اعلي من قيمتهم عندك لما تعملي كده هما هيحسو بقيمتك اكتر و لو تجاهلو كي انتي كمان تجاهله لما تغيىري معاملتك هتحسي بقيمتك وهترتاحي جدا وهتكسبي احترام غيرك اتمني اكون افادتك 🌻
تم النشر الخميس، ١ فبراير ٢٠٢٤
لعرض السؤال في فدني اضغط هنا