السلام عليكم ورحمه الله كنت محتاجه حد يفتيني يا جماعه في الموضوع ده لان انا معرفش حد يعني له فتوه دينيه او يعني بيفهم في علم الفقه او كده
ليا زميل باختصار في الشغل كان بيمر بعسره ماديه في فتره من الفترات فبحسن نيه يعني هو كان مضطر ان هو يستلف مبلغ. من اصحابه يعني او من زمايله وهيرد المبلغ ده ف وقت لاحق مش هياخدهم وينساهم لا هيردهم مجرد ماتتيسر معاه ف وقت معين بس مش اكتر يعني.. ومش أنه الفلوس دي هيتغاضى عنها ومش هيردها لاصحابها وكده. لا ابدا.. فلجا لاثنين من اصحابه يعني كل واحد يعني قال له معلش لو ينفع بس تفك لي الازمه دي بس هو مقالش ان هو الشخص اللي بيمر بالعصره الماديه دي يعني قال اني في حد بيمر بعصره ماديه محتاج مبلغ كذا وعلى فكره المبلغ يكاد يكون رمزي يعني رمزي جدا في الايام اللي احنا فيها دي جدا جدا كمان يعني 600 جنيه. فقال لهم يعني ان هو في حد بيمر بعسره ماديه وهو محتاج يستلف المبلغ ده وهيرده خلال شهر من دلوقتي او شهرين او شهر ونص بالكتير يعني. فصاحبه اللي هو المفروض هيسلفه سلفه الفلوس وحلف و قاله له تمام الفلوس دي اتفضلها اديها للشخص اللي هو متعسر ماديا ويا ريت تقول للشخص المتعثر ماديا ده ان هو ما يردهاش لاني حرفيا انا المبلغ ده كنت مخصصو لحاجه معينه يعني زي كده عصره ماديه أو صدقه فالشخص ده. اللي هو زميلي قال له لا ازاي انا لازم ارد يعني لازم الشخص ده يرد المبلغ ده هو مش محتاج صدقه ولكن هو متعسر يعني كسولفه فالشخص التاني صمم قال له لا انا حرفيا الشخص ده مش محتاجه ان هو يرد السلفه دي لاني حرفيا انا مخصصو ان هي تطلع يعني الفك عصره او فك ضيقه او كرب.
ولكن هو دلوقتي الشخص ده عايز يعرف هل كده عليه؟ يعني اثم هل الشخص ده المفروض يرد الفلوس دي لاصحابها برغما اصحابها اصلا مطلعين الحاجه دي لله وهم مش عايزين تترد هل في كفاره ممكن يعملها هل هو كده ذنب
عموما هو بس اتحرج يعني اتحرج ان هو يقول ان هو الشخص اللي بيمر بالعسره الماديه دي عشان ما يحطش اصدقائه في يعني في احراج ان هو ممكن ما يكونش معهم فلوس اصلا فدلوقتي احنا عايزين نعرف هل فعلا في ذنب في الامر ده هل فعلا في كفاره المفروض يخرجها هل فعلا المفروض يرد الفلوس دي لاصحابها هل هو كده كذب عليهم هو خبى اينعم ماشي هو ما قالش ان هو له بس هو من باب الاحراج والكسوف ان هو حرفيا ما كانش نيته ان هو كان عايز يحط اصحابه في احراج محتاجه حد يا جماعه حرفيا.
وعليكم السلام ورحمة الله وبركاته، يعني بصراحة موقف زميلك ده متفهم ومحير شوية. فيه كذا نقطة لازم نناقشها هنا: نية صاحب الفلوس : صاحب الفلوس اللي سلف الفلوس وزميلك قالوا له أنه مش لازم يرجعهم وطالب إنهم يكونوا كصدقة أو فك كربة. من ناحية الدين، إذا كان الشخص اللي أعطى الفلوس قال بوضوح إنها كصدقة أو فك كربة فمعنى كده إنه فعلاً مش منتظر يرجعها. يعني خلص الموضوع من ناحيته وإن شاء الله ياخد الثواب. نية الزميل اللي استلف الفلوس : اللي يحدد ازا كان فيه ذنب أو لا هو نية زميلك. لو كانت نيته إنه يرفع الحرج وقال إن شخص تاني محتاج يبقى نيته كويسة. ولكن الصحيح كان إنه يوضح إنه هو اللي محتاج الفلوس بدل من إنه يجمل برضه أصدقاءه. حتى لو ده كان بسبب الحرج. الإرغام على إعادة المال : طالما صاحب الفلوس قال بشكل واضح وصريح إنه مش محتاج الفلوس ترجع وإنها كصدقة، يبقى ما فيش داعي للإصرار على إعادتها. لكن لو زميلك مصرّ يتأكد أكثر، ممكن يرجع يتكلم مع صاحب الفلوس مباشرة يوضح الموقف بشكل صريح ويتفقوا مع بعض. الأثم والكفارة : بالنسبة للأثم، طالما زميلك ما كانش عنده نية سيئة أو خداع، وما خدش الفلوس لغرض غير اللي قاله، في الأغلب مش هيكون عليه ذنب إن شاء الله. لكن لو هو حاسس بضيق أو عدم راحة، ممكن يطلع صدقة بنفس القيمة أو يعمل عمل خير بنية إنه يكفر عن أي خطأ. النصيحة الأخيرة، دايماً الأفضل يكون الواحد صريح بقدر الإمكان في المواضيع المالية دي عشان ما يحصلش سوء تفاهم أو حرج بعدين. ولو لسه في شك أو محتاجين تفصيل أكتر، ممكن يكون القرار الأفضل هو التضحية بالراحة الشخصية والبحث عن فتوى من شيخ موسوق فيه.
تم النشر الاثنين، ٣ يونيو ٢٠٢٤
لا يا أخت مش عليه حاجة بإذن الله ونصيحة بقا تمسحي صورة بروفايلك دى لأن متنكريش أنها حرام
تم النشر الخميس، ٦ يونيو ٢٠٢٤
كل يوم بيعمل بثوث، حاولي ترني عليه وان شاء الله هتقدري تتواصلي معاه. بيعمل البثوث عاليوتيوب و علي صفحته عالفيس و هو عالم حديث وفقه فا هتبقي فتوى مبنيه علي حديث صحيح وعلم
تم النشر الاثنين، ٣ يونيو ٢٠٢٤
هيرد علي الاتصال يعني
تم النشر الاثنين، ٣ يونيو ٢٠٢٤
ممكن تسألي الشيخ مصطفي العدوي، بيعمل لقاء اسأله كل يوم الساعه ١٢ بليل او ١ علي قناته عاليوتيوب . اتصلي عليه او خلي زميلك يتصل ويسأله
تم النشر الاثنين، ٣ يونيو ٢٠٢٤
لعرض السؤال في فدني اضغط هنا