دلوقتي أنا كنت نزلت بوست من اكتر من سنة بسأل فيه أسئلة عن البنت اللي كنت مرتبط بيها في الكلية و سبنا بعض، هي اتخطبت و هتتجوز أهي بس انا مش عارف أنساها، على الرغم إنه هي لو طلبت نرجع حتى هرفض و مش هطيق ابص في وشها بس أنا بقالي سنتين كل يوم بفكر فيها حتى بعد ما اتخرجنا و مش عارف انسى لحظة بيننا و لما باجي أنام نفس النظام و بجد مش عارف اعمل إيه يعني حياتي واقفة من ساعتها اللي هو ازاي استغنت عني بسهولة كدة حتى إنها سابتني بدون مبرر و انا كنت حنين و كويس و في نفس الوقت مش كل حاجه موافق و مش كل حاجه برفض بس بعد كل ده لما شوفت صورة خطوبتها والله كان هيجيلي جلطة و من سنتين لحد دلوقتي الدنيا مش بخير في نظري
السلام عليكم و رحمه الله و بركاته الحقيقه أنا مشوفتش البوست الي حضرتك بتتكلم عنو عشان أعرف تفاصيل انفصالكم و لكن هفيدك بقدر الإمكان هكلمك من منظور عقلاني شوية و منطقي أنتَ ليه موقف محور حياتك تحت مسمى "مش قادر أنسى" محدش بينسى أي حاجه حصلت في حياتو فالحل دا مش موجود من الأصل، أنتَ عقلك الي واهملك إن مفيش حلول غير إنك تنسى بس هسألك سؤال ، هل كل مشاكل الناس في البرنامج او برا بتتحل بالنسيان ولا بالتخطي؟ أظن الإجابه واضحه و هي التخطي محتاج تبدأ خطوه في حياتك هتساعدك ف إنك تقلل التفكير فيها و دا هيخليك تتخطاها بشكل كامل مفيش حلول أبدا غير انك تتخطى لإن أكيد مش هتقدر تدخل حياتها بعد ما هي خطبت ، لازم تتقبل التغير الي حصل فجأه ده و تبدأ خطوه من ناحيه نفسك و هي إنك تمارس حياتك الي كنت بتمارسها قبل متعرفها و تزود عليها حاجات تانيه تفيدك نفسياً ذي الرياضه و القراءه كل دا هيساعدك إنك تتخطى و مع الوقت هتتعافى من العلاقه الي من البدايه مكنتش هتتم لسبب أكيد أنتَ عارفه و هو إنها علاقه محرمه ، ف مستحيل كانت هتتم بشكل كويس طالما بدايتها مكنتش ترضي ربنا ، لازم تتقبل دا و إن سواء كنت كملت معاها و وصلت للزواج أو فضلتو مرتبطين كانت هتنتهي ب أي شكل من الأشكال بسبب بدايتها المحرمه ف تقبل دا و احمد اللّٰه إنها انتهت في بدايتها و إنك كدا هتقدر تبني حياه جديده وقف أفكار دماغك الي وهماك إنك عاجز عن التخطي ، كلنا بنتخطى و إلا مكناش هنعرف نعيش بس المهم إنك تبدأ في مرحله التخطي دلوقتي قبل م العمر يجري منك و تلاقي نفسك كنت بتفكر في حد واحد مستفدتش منو غير تضييع لعمرك و حياتك استعن باللّٰه و ابدأ قرب من ربنا و تب من العلاقات المحرمه و دخل حياتك روتين يومي مليان انشطه تساعدك في التخطي و وفقك الله و هداك
تم النشر الخميس، ٦ فبراير ٢٠٢٥
أفهم شعورك جيدًا، فالفراق هو تجربة صعبة تحمل معها الكثير من الألم والحسرة. من الطبيعي أن تشعر بالحنين والتفكير في الشخص الذي كنت مرتبطة به، خاصة عندما ترون أن الشخص قد تقدم في حياته واتخذ خطوات جديدة مثل الخطوبة والزواج. لكن يجب عليك أن تدرك أن كل نهاية تعني بداية جديدة. الفراق يعني فرص جديدة للنمو والتطور، وعليك أن تسمح لنفسك بالتخلي عن مشاعرك المحبطة. حاول أن تستثمر وقتك في أنشطة جديدة، أو في تطوير مهاراتك، أو في التعرف على أشخاص جدد. الألم الذي تشعر به اليوم قد يبدو وكأنه لن ينتهي، لكن مع الوقت، بإذن الله، ستتعلم كيف تتجاوز هذه المشاعر. تذكر أن الإيمان والتوكل على الله هما القاعدتان الأساسيتان في مواجهة الصعوبات. إذا كنت تجد الأمر صعبًا للغاية، قد يكون من المفيد أن تتحدث مع صديق موثوق أو مختص يساعدك في التعامل مع مشاعرك والخروج من هذه الحالة. وفقك الله وأعانك.
تم النشر الثلاثاء، ٤ فبراير ٢٠٢٥
يا اخي هقولك سطرين... طالما انك كنت تفعل شئ لا يرضى الله فاعلم ان النهاية لن ترضيك وها انت في النهايه في وسط البلاء، ثانيا يمكن أن يكون هناك خير لك لا تعلمه في ابعادها عنك.. وربك سبحان وتعالي خلق غيرها وضمن لك رزقك فيجب عليك الرضا وانتظار رزقك وتطلب من الله الزوجة الصالحه.. وتذكر لو اخذ العبد كل ما يطلبه ل وجد هلاكه في اختياراته لولا لطف الله علينا انه يختار لنا ولا يخيرنا.. فاحمد الله، وعليك الانشغال بحالك ونسيانها وحافظ على اذكارك وصلاتك و وردك واشغل يومك لكي لا تتذكرها حفظك الله وحفظنا واياك ورزقك الذرية الصالحه..
تم النشر الثلاثاء، ٤ فبراير ٢٠٢٥
للاسف مش كل اللي بنحبهم بيكونو لينا اقدار يا اخي وكلنا بنمر بده وانا زيك بردو بس هتعمل ايه روح احفظ قران يفيدك في دنيتك واخرتك اشغل نفسك بطاعه ربنا انا هعمل كده عارف لو كان ينفع تحاول كنت هشجعك بس هي خلاص بقت مع انسان تاني وحرام تفكر فيها وهي متجوزه وهيبقي حرام اكتر لو اتجوزت وفكرت فيها وانت متجوز عشان كده بقولك اشغل نفسك طباعه ربنا عسي يكون ده مخرج ليك والكلام ده بقوله لنفسي بردو
تم النشر الأحد، ٩ فبراير ٢٠٢٥
طالما مشيت مينفعش تبص وراك تاني عليها عارفه انك حاليا مضايق وبتعاني بس حقيقي ربنا هيعوضك بجد ووقتها هتفهم حكمته ف كل اللي حصل دا
تم النشر الخميس، ٦ فبراير ٢٠٢٥
لعرض السؤال في فدني اضغط هنا