أنا بنت وعندي 23سنة وارتبطت بولاد كتير منهم كنت بحبهم فعلا وبعد ما بنسيب بعض برتبط بحد تاني واحس اني فعلا بحبو وبعدين بكتشف بعدها اني محبتهوش ممكن. حبيت اهتمامو أو كان بيملي فراغ جوايا وبعدين اخر حد كنت المفروض بحبو ومع بعض بس كنت دايما حاسة بعدم كفاية بيه وبعدنا 3سنين مع بعض بعدين سيبنا بعض بسببي أنا الي كنت دائما ببقا غلطانة وضميري بيأنبني اني جرحتو او جرحت غيرو عمري ما كنت اتوقع اني حد يكون بيحبني واجرحو بيبقا كمان عندي قلة ثقة في الشخص ساعات وساعات بشك كتير واللي معايا بيتخنق بعدين أنا دلوقتي م مرتبطة بحد بس متقدملي اتنين ونا ساعات بحس اني ميالة لواحد فيهم وساعات بحس انو لا وصليت استخارة كتير ومش عارفة وكل شوية احس ان ده عيوبه اكتر وساعات احس التاني وساعات احس اني حباه وساعات كارهاه وقلبي م عارف يتعلق بحد خالص ولا يحب ممكن شعور حلو مثلا بالأمان ساعات بس الغالب بيكون خوف ساعات م عارفة المفروض اي القرار الصح بالله عليكو فيدوني
كويس جدا انك عارفه ان اللي كنتي فيه ده مجرد ملئ فراغ ولا اكتر ولا اقل .. تاني شئ انتي ليه بتقارني شخص بشخص .. اقعدي مع كل شخص وانسى تماما ان فيه واحد تاني موجود .. وشوفي هل الشخص مناسب ليكي ولا لا. لو كان مناسب يبقى اعملي خطوبة ومن خلال الخطوبة اشياء كتير هتبان منه ومنك في الخطوبة وهتقرري اكتر اذا كان مناسب ولا لا. علشان صعب تقولي ان الشخص ده هو الشخص اللي هكمل معاه حياتي من مرة ولا اتنين .. لا طبعا لازم ع الاقل سنة علشان تحددي اذا كان مناسب او لا. ف موافقتك على اي واحد منهم هي موافقة مبدأيه. وياريت بلاش دخول مرة اخرى في علاقات غير شرعية .. اولا لانها رام ولا ترضي الله. ثانيا انتي بترهقي وبتستنزفي مشاعرك على الفاضي .. وربنا يوفقك.
تم النشر الأربعاء، ٣١ يناير ٢٠٢٤
انا باعتذر اني مش هكمل البوست لكن اجابتي الصريحة من عنوانك ان طلاما بتفكري تختاري مين فيهم يبقى الاتنين ماينفعوش
تم النشر الخميس، ١ فبراير ٢٠٢٤
العلاقات التي لا ترضي الله نهايتها لن ترضيك مفيش حاجه في الدين ياقلبي اسمها ارتباط امشي صح علشان تبقي نفسيتك حلوه ومرتاحه ونصيبك هيجيلك لحد عندك💜
تم النشر السبت، ٣ فبراير ٢٠٢٤
شكرا يحبيبتي ♥️
تم النشر الجمعة، ٢ فبراير ٢٠٢٤
باختصار شديد مشكلتك هي عدم الاكتفاء... طالما بتقرني بينهم يبقا متشدتيش لواحد فيهم ولكن هتبتدي تقارني مين احسن ماديا ومين احسن فالشكل وهكذا ولكن انتي فالاساس عايزه تملي رغباتك اللي هي اي زي الاهتمام اوانك تكوني مرتبطه فتيكون بيديكي مشاعر وعواطف واحتواء انتي محتجاه.... لكن لو اكتفيتي بذاتك واديتي لنفسك الاهتمام ودلعتيها كدا مش هتحتاجي لشخص ولا لارتباط يسد فراغك العاطفي ووقت م يجي الشخص المناسب هتختاريه بكل حب بقلبك وعقلك... اتمني اكون فيدتك ولو بشي صغنن
تم النشر الجمعة، ٢ فبراير ٢٠٢٤
الواحد يشتغل ع حاله ، يلاقي حل لشعوره بالفراغ ده .. يحس بقيمته الحقيقية و ساعتها حيعرف يختار أهدافه كويس ، مش زي الجعان ماشي ياكل من اي حته
تم النشر الجمعة، ٢ فبراير ٢٠٢٤
ماذا عن الفراغ العاطفي ؟
تم النشر الجمعة، ٢ فبراير ٢٠٢٤
والحل اي حضرتك
تم النشر الجمعة، ٢ فبراير ٢٠٢٤
مش عارف طبعا التفاصيل الكاملة ، بس الواضح من المظهر الخارجي أن ده مش حب او علاقة جادة ، إنما اقرب لسد فراغ عاطفي أو احتياج ما نفسي و للاسف بيقلب الموضوع ده بكوارث سواء الحكاية كملت او حتي مكلمتش
تم النشر الجمعة، ٢ فبراير ٢٠٢٤
اي هي
تم النشر الخميس، ١ فبراير ٢٠٢٤
ودا ليه اسباب كتير .... اوي..
تم النشر الخميس، ١ فبراير ٢٠٢٤
صح كدا
تم النشر الخميس، ١ فبراير ٢٠٢٤
لعرض السؤال في فدني اضغط هنا