ازاي الإنسان يقلع عن ذنب ملازمو ل ٨ سنين
ولي لما اتوب وببق صادق ف نيتي مع الله بقع تاني !!
أنا لسه ٢٠ سنه بس بشوف ناس وصلت ل ٣٠ , ٤٠ سنه ولسه مكملين ف الذنب دا ، عايز الحق نفسي ومش عارف ااعمل اي
كما أن المسلم مطالب بالأخذ بالأسباب في أمور الدنيا ويعد هذا من كمال العقل فإنه كذلك مطالب بالأخذ بالأسباب في أمور الدين! يعني أن من تمام توبتك أن تأخذ بالأسباب التي تعينك على الإقلاع عن الذنب لأن هذا من كمال العقل وعلامة صدق التوبة .. فانظر ما هي الأسباب التي تعينك على الإقلاع عن هذا الذنب وخذ بها والأشياء التي تثير رغبتك إليه وابتعد عنها واعلم أن الشيطان يستدرج الإنسان بخطوات متدرجة فإن قاومته عند أول خطوة ولم تتبعه فزت .. فلا تتبع خطوات الشيطان
تم النشر الأحد، ١ يناير ٢٠٢٣
كلما اردت ان ترتكب هذا الذنب تذكر ان الله يراك وانت تعصيه وانك قد تموت وانت تقوم به، وعليك ان تكره هذا الفعل لانه يبعدك عن الله ويغضب الله منك، واللتزم بالفرائض فإن الصلاه تنهي عن الفحشاء والمنكر، وكلما هممت بفعل الذنب توضئ وصلي لله لكي تبعد الشيطان عنك. ونسأل الله الهدايه
تم النشر السبت، ٣١ ديسمبر ٢٠٢٢
رد ربنا احسن من ردودنا كلنا قوله تعالى : ( إن الله يحب التوابين ويحب المتطهرين ) التفسير : قال عطاء ومقاتل بن سليمان والكلبي : يحب التوابين من الذنوب ويحب المتطهرين بالماء من الأحداث والنجاسات وقال مقاتل بن حيان : يحب التوابين من الذنوب والمتطهرين من الشرك وقال سعيد بن جبير : التوابين من الشرك والمتطهرين من الذنوب وقال مجاهد : التوابين من الذنوب لا يعودون فيها والمتطهرين منها لم يصيبوها والتواب : الذي كلما أذنب تاب نظيره قوله تعالى : " فإنه كان للأوابين غفورا " ( 25 - الإسراء ) . كن منهم وكفى وملكش دعوه بحد كل واحد حدوتة ومقاومته مختلفة. جهاد النفس من اعظم الحاجات اللى ممكن تعملها لنفسك.
تم النشر الأحد، ١ يناير ٢٠٢٣
اولا حافظ ع صلاتك ويكون في ذكر بتردده ع لسانك على طول عشان هتتكسف من ربنا انك تعصيه وانت لسه ذاكره على لسانك ولسه مصلي وخلي عندك احساس انه لقدر الله تكون بتذنب الذنب ده مره وتموت تخيل انك هتبعث عليه وربنا الملائكه والناس يوم القيامه هيشوفوك عليه الاحساس ده كفيل لو صدقته فعلا يخليك كل متفكر تكرر الذنب ده ترجع عنه وتخاف منه جدا جدا وان شاء الله تبطل الذنب تماما وربنا يثبتك يارب
تم النشر السبت، ١٤ يناير ٢٠٢٣
انت غيرهم وهما غيرك متقارنش نفسك بيهم .. سواء هما فضلوا في الذنب ده او لا. ربنا غفور رحيم اهم حاجة التوبة والرجوع اليه مرة اخرى. حتى لو بتقع وتقوم ... اهم حاجة انك متيأسش انك تقوم تاني. في الحقيقة انا مش عارفه ايه قصدك بالذنب ده .. ولكن لو قصدك على العادة السرية اتمنى تراجع اجابات اللاسئلة ديه https://fedni.net/q/88016331/العادة-السريه https://fedni.net/q/61042885/إدمان-مشاهدة-الأفلام-الإباحيه
تم النشر السبت، ٣١ ديسمبر ٢٠٢٢
اللي بيحافظ علي الصلاة بتحنبه اي فواحش او معاصي ممكن يقع فيها، لو انت شخص عنيد خش في عناد من نفس من ناحية الذنب ده.. اللحظة اللي تفكر فيها في عمل المعصية دي ايا كانت افتكر حالك بعدها و نفسيتك بتبقي عاملة ازاي.. ارتقي بنفسك فكر نفسك دايما ان ربنا خلقك مُكرم فبلاش تهين نفسك قدام ربنا،
تم النشر السبت، ١٤ يناير ٢٠٢٣
أولاً دا من الفطره (كل ابن آدم خطاء وخير الخطائون التوابون) ثانياً عليك بالتوبه من الذنب والتعرف علي أسبابه والبعد عنها عليك بالمحافظة علي الصلاة في جماعه والحفاظ عليي قيام الليل وقراءة القرآن وذكر الله تعالي صباحا ومساءا والدعاء الي الله بأن يقبل توبتك والاستغفار كثيراً .. أسأل الله لك الهدايه والتوفيق وأن يردك إليه رداً جميلاً
تم النشر السبت، ٣١ ديسمبر ٢٠٢٢
معلش استحمل وبعدين انت مش لوحدك معاك ربنا ومادام انت متضايق من الذنب تبقي دي حاجه حلوه وربنا زرع ده جواك هقولك علي كم حاجه اللي تقدر تعملها منهم ياريت .......... لو امكانياتك الماديه تسمح وتقدر تروح تعمل عمره ياااااااااربت هتفرق معاك بجد وتاني حاجه لو تقدر كل يوم تصلي ركعتين صلاة حاجه بنبه الاقلاع عن الذنب ده وزي ما قولتك برده صدقة السر وخليك واثق مادام من جواك مش عاوز تعمل الذنب ده يبقي ربنا هيكرمك وهتقدر تبطله بس ادعي ربنا بإلحاح وحاول تعمل حاجه من اللي قولتلك عليهم
تم النشر السبت، ١٤ يناير ٢٠٢٣
شوف يا اخويا لو قبلت اكون اخوك واساعدك، عندك الفيس بتاعي على صفحتي، احنا اخوة وكلنا بنحاول نبعد عن الحرام ، بس انت لازم تستعين بالله مش ببشر لأنه هو اللي هيهديك ويديك الصبر.،،،،،وزي ما قالتلك البشمهندسة أسماء لازم تعرف ضرر وعقاب الذنب ده، وتاخد قرار تتمسك بيه مهما حصل وإن حسيت انك هتذنب "اذكر ربنا"
تم النشر السبت، ١٤ يناير ٢٠٢٣
بحاول والله الفكره اني حرفيا لوحدي في كل حاجه نفسي حد يشجعني
تم النشر الجمعة، ١٣ يناير ٢٠٢٣
و تدعي كتييير وانت بتصلي وعليك بصدقة السر بنية أن ربنا يعافيك من الذنب ده ايا كان وربنا أن شاء الله هيشيل عنك
تم النشر الجمعة، ١٣ يناير ٢٠٢٣
اكيد كلنا بنعمل ذنوب وربنا يعافينا ويسامحنا برحمته ولطفه في رأيي الواحد علشان يتوقف عن ذنب ما وخاصة لو من الكبائر لازم يعرف اضرار الذنب ده ايه وعقوبته ايه عند ربنا لازم يقتنع من قرارة نفسه ويخاف من ربنا ومن غضبه وحاجه تانيه شكله ايه قدام نفسه ويستحقر هذا الذنب ده من جواه ده هيخلي الواحد تدريجيا يبدا ينفر منه وهتلاقي نفسك لوحدك عزمت علي عدم فعله ولو قعدت شهر ما تعملوش خلاص كده اتخلصت منه
تم النشر الجمعة، ١٣ يناير ٢٠٢٣
انا بشكر لحضرتكم جدا وعلي اسلوبكم انتم حقيقي ناس محترمة ربنا يغفرلكم ويعفو عنكم
تم النشر السبت، ٣١ ديسمبر ٢٠٢٢
اعلم ان محاولتك التوبة هو امر جميل ولا تتوقف حتى تموت، ولكن لتتغير يجب أن تصاحب من تريد أن تصبح مثلهم.
تم النشر السبت، ٣١ ديسمبر ٢٠٢٢
لعرض السؤال في فدني اضغط هنا