انا بقدم المساعدة للأشخاص من غير ما يطلبوا المساعدة و مش فاهمه بجد ليه بعمل كده و كمان هم بيفهموني غلط و بيفكروا اني عاوزة ابقى الصح دايما و اني يتفلسف عليهم بعيدا عن ان هم فهموني غلط في كل مرة حاولت اساعدهم في مشاكلهم انا بجد عاوزة ابطل اني اقدم النصيحه او المساعدة للأشخاص من غير ما يطلبوا مني ده فلو حد عارف ليه ممكن نقدم النصيحه او المساعدة للأشخاص من غير ما يطلبوا ده
زكاة العلم نشره، لو عندك معلومة تفيد بيها الناس انشرها حتي لو مش كل الناس هيتقبلوها، ودا لأننا بنعامل ربنا مش الناس.
تم النشر الأحد، ٢٨ مايو ٢٠٢٣
ممكن تكوني شخص مسالم جدا .. وعايزة تعملي خير ايه المانع؟ وممكن تكوني مش بتحبي تشوفي حد يكون محتاج لحاجه او شيفاه مش عارف مثلا يعمل الشئ ده لوحده وانتي عارفه وساكته! هو شئ كويس .. بس حاولي قبل ما تعملي ده بشكل مباشر .. اعرضي الاول المساعدة .. يعني لو انا مثلا شيفاني في مشكلة ... اول خطوة هي انك تسأليني هل انتي محتاجه لمساعدة؟ ف ل اما هقولك اه او لا .. ولو قولتك لا شكرا .. يبقى خلاص اعرفي انك مش لازم تعملي اكتر من كده.
تم النشر الأحد، ٢٨ مايو ٢٠٢٣
لا متبطليش تبقي كده ...تعالى فى الاماكن اللى الناس مستنيه حد يساعدها ...زى الابلكيشن هنا وساعدى غيرك وهيشكروكى على مشاركتك ومش هيشوفوكى بتتفلسفى خالص. اختارى دايما المكان الصح اللى تحطى فيه مجهودك عشان متزعليش عليه.
تم النشر الأربعاء، ٣١ مايو ٢٠٢٣
مش كل الناس بيقبلو نصيحه حتى وأن كانت فى شكل كويس مفيهوش تسلط او رقابه فياريت تختارى الناس الى يستاهلو دا وتفكرى الاول قبل ما تنصحى حد هل دا وقت مناسب ليكى انك تقدمى مساعده لان انت اهم ممكن تكونى مشغوله وحاولى صوتك يكون هادى عشان الى قدامك ميحسش بالخطر وبس
تم النشر السبت، ١٠ يونيو ٢٠٢٣
السؤال ده كان عندي من سنتين و كنت بقدم بالمساعدة أو بالنصيحة أو بالكلام علشان أسهل على غيرى أنو يبدأ لكن مكنش بلاقي الضحك و السخرية لأني حاولت أساعد ، لو نصيحة بيتم تجاهل كلامي وسط الكلام ولا كأني رميت لون وسط بحر فتبعثر و اختفى ، لو بالكلام علشان أسهل على شخص أنو يتكلم باخد كلام مش حلو من الشخص اللي حاولت أسهل ليه الكلام و كسف جابهه ملوش لازمة ، طب و العمل أنا بعمل و فى الآخر بيترد عليا وحش أو بتفهم غلط أو أي كان الموقف مش بيبقى فيه نتيجة حلوه ليا ،طب و عملت أى ؟ بعد تفكير طويل و ديق طويل مع نفسي عرفت أني لما كنت بعمل كده بعمل كده لأني عايز أعمل كده لأني اتربيت على كده مش مستني حد يقولي أعمل علشان أعمل أو ساعدني علشان أساعد ،طب أنا كده باجي على نفسي و مش بلاقي تقدير أو أى مقابل !! لا بالعكس أنت تقديرك أنت خدتوا أصلا كونوا أنو رد عليك رد وحش أو فهم غلط أو حاول يبين نفسوا صح بأنوا يبينك عايز تبقى صح و بس ديه بحد ذاتها تأكد أنك أنت اللي كنت بتتصرف صح و هو غلط ،و آخر حاجه من الأفضل تعامل الناس بدينك و تسيبك من تقاليد المجتمع لأن معظمها معتمد على الغير فى أنو هو اللي يبدأ . و بس ده رأي الشخصي.
تم النشر الثلاثاء، ٦ يونيو ٢٠٢٣
فعلا كلامك صح عطيت اهتمام كبير للي حواليا و نسيت ان نفسي أولى بالاهتمام ده و اديني بحاول اركز على نفسي اكتر
تم النشر الأحد، ٢٨ مايو ٢٠٢٣
يسلام اعرفي انك بني ادمة جميلة اوي من جوا و بتحبي الناس بس كل ما في الموضوع لو حاولتي توجهي جزء اكبر من حبك و مساعدتك يبقي لنفسك هاتنقلي نفسك في مكان تاني مش انانية بس اللي بيساعد كتير و هوه مش عارف ليه بيبقي نهمل نفسه في حجات كتير شوية
تم النشر الأحد، ٢٨ مايو ٢٠٢٣
حضرتك شخص محترم وبتعاملي الاشخاض بحسن نيه والمجتمع بتاعنا دا مش عايز كدا ، كل اللي اقدر اقولهولك خلي نصيحتك لنفسك ولو الشخص اللي قدامك طلبها ساعديه 🤍
تم النشر الأحد، ٢٨ مايو ٢٠٢٣
اه بطل تديه نصيحة لحد من غير ما هو يطلب منك ده او تلاقيه يستحق المساعدة بجد .ارجوك
تم النشر السبت، ٣ يونيو ٢٠٢٣
لعرض السؤال في فدني اضغط هنا