يا جماعه انا كنت دايما واحد إلى حد ما مستقيم ودايما كنت الشخص الواثق الي ميهموش اي حاجة لحد ما من كم سنه مشيت مع واحد دلني على معصيه بدون ذكر تفاصيل لحد دلوقتي مش عارف اخلص منها بحاول وبرجع وبدعي ربنا ولحد دلوقتي مفيش فايده، وحصلي شويه مواقف كتير تنمر وحاجات وحشه متكرره بدلتني تماما من واحد كان تمام لواحد بيعصي ربنا، عاد عندي خوف وقلق وانعدام رهيب في الثقه، بحاول كتير ألاقي حل لكل ده ومفيش حاجة، هل ممكن أبدأ بدايه جديده مع نفسي مع وجود الماضي والي حصلي دايما في دماغي، طب هل ممكن ربنا يبدل حالي من حال لحال، أنا محتاج الدعم النفسي.
طول الوقت ولاخر نفس ممكن نغير اى حاجة. اول ما تقرر التوبة والتغير نفذ فورا . الايمان يزداد وينقص والانسان يخطأ ويصيب ....الفتن بتتعرض علينا كلها واحنا نفوس ضعيفة و ممكن نقع ....اهم حاجة نقوم نقف تانى . اقطع كل الحبال مع الاشخاص او الاماكن اللى كانت سبب فى التحول السىء ده. اتمسك بكلمة لا ...قولها لاى حد يحاول يرجعك ...قولها لنفسك كل ما تقولك مش هيجرى حاجة من مره كمان...قولها لشيطانك لما يوسوسلك انك خلاص مفيش منك امل. قوتك انك تتكلم ده جزء من قوتك على تنفيذ التغيير بجد
تم النشر الاثنين، ١٣ مارس ٢٠٢٣
طبعا ممكن تتغير ... وطبعا ممكن ربنا ياخد ب ايدك لطريق الصلاح والنور ولكن ربنا قال: إن الله لا يغير ما بقوم حتى يغيروا ما بأنفسهم يعني لازم تكون شخصيا ناوي على التغيير وعايز ده، حتى لو كنت عاصي وقررت التوبة، ربنا هيقف معاك وربنا عمره ما هينسى عباده، لازم تكون متيقن من ده. وطبعا ممكن تبدأ بداية جديدة مع نفسك مع وجود الماضي، لان اي ماضي في حياة أي حد ده جزء منه، ميقدرش يهرب منه، وفي نفس الوقت ميقدرش يمحيه، لان جزء من كيانه. طيب هل بقى يقعد يأنب نفسه وضميره عليه ويجلد نفسه؟ لأ ليه؟ ما كل الناس بتغلط وكلنا اكيد بنعمل معاصي لأننا في الاخر بشر، اهم حاجة اننا نرجع لربنا ونتوب ونستغفر، وناخد الغلط ده قدامنا بأنه تجربة وهنتعلم منها، لاننا عمرنا ما هنتعلم من الصح، احنا بنتعلم الحاجه الصح من الغلط. ف متجلدش نفسك على اللي فات، وخليك مقنمع ان في حياة كل واحد معاصي وربنا هو اللي ساتره فقط.
تم النشر الأحد، ١٢ مارس ٢٠٢٣
آيوه طبعا.. كون أصلا إنك بتسأل يبقي إنت مؤمن من جواك إن ربنا كبير وعاوزك ترجع وبيناديك.. أفضل استعين بربنا وادعي يصلح قلبك ويزهدك من ملهيات الدنيا واستعيذ من الفتن وادعي بالثبات.. أوصل كل معصية بطاعه واستغفار حتي يمل منك الشيطان و استعيذ من سوء نفسك كتير.. دور علي ناس صالحه وصاحبهم يشجعوك.. ادعي ربنا ينسيك الماضي واقعد إفتكر كام مره عدت عليك صعوبات واتحلت وربنا فك كربك وافهم حكمته من باب اتقفل واتفتح قصاده ببان تانيه.. ده اختبار ليك عشان إنت من جواك مش رايد البعد ومرتاح ف القرب ولكن الصحبة ساحبة.. كل حاجه بتهون إلا صحيفتك ال هتقابل بيها ربنا ودي بتفضل تجاهد فيها لأخر نفس ليك فكمل مجاهده طول مربنا انعم عليك بضمير صاحي استغل ده
تم النشر الأحد، ١٢ مارس ٢٠٢٣
ركز ان لو جيت بذنوب حتي عنان السماء و رجعت لله هيغفرهالك في لحظة بس ارجعله ❤
تم النشر الاثنين، ١٣ مارس ٢٠٢٣
الشيطان يعدكم الفقر
تم النشر الاثنين، ١٣ مارس ٢٠٢٣
لعرض السؤال في فدني اضغط هنا