السلام عليكم أنا عمري 18عام أدرس في السنه الأولي بالجامعة منذ وعيت علي نفسي وأنا لست متقبله لشكلي او لون بشرتي القمحي خصوصا أن أخوتي ذوي بشره بيضاء كنت دائما أنظر لنفسي بالمرآه وأنا غير متقبلة لمظهري بالرغم من جيراننا الذين يكنون لي الكثير من الحب والتقدير الظاهر ولا أتذكر أبدا أن أمي شككت في جمالي من قبل وأحاول ان أتذكر اي شيء حدث لي بالماضي ولكن لا أظن ذالك لاكن أظن هذا قل عند ارتدائي للنقاب ولكن يعتريني نفس الشعور من حين الي آخر حين مقابلتي لأشخاص أجمل مني شكلا لا أعلم ما هو الحل أتمني أن ألتقي جواب يساعدني ولو قليلا.....
وعليكم السلام ، بالنسبه لموضوع اختلاف اللون عن اخواتك فى ده شىء طبيعي انتى كده مميزه وكمان الموضوع ده بيكون غريب لما نكون عاوزين حاجه لمجرد أنها تعجب الناس ويقولوا علينا حلوين عمتا الناس لما تشوف حد شكلو حلو بس ثقتو فى نفسو معدومه حرفيا بتكون قدرت تحدد نقاط ضعفو تماما وقادره تعرف ايه الحجات الي بتدايقو يعنى من أقل هزار فى موضوع الشكل ده حرفيا انتى ممكن تفكرى فى الانتحار اصلا ، الموضوع لازم يبدأ من جواكى انتى بالنسبه لموضوع انك بتقولي انا ثقتى بتتهز لما اشوف حد اجمل منى الموضوع ده عندنا كلنا بس الفرق ازاى بنتعامل معاه فى ناس بتفضل تقول لنفسها كلام جارح وتفضل تقارن العيوب بالمميزات انتى بتفضلي تقارني حد عند الشخص ده بحجات مش موجوده عندك فى حين أن الشخص ده يمكن يكون أسوأ بكتير مما تتخيلي فى النهاية وراء كل شخص قصه لا يعرفها سواه ، انا عاوزه اقولك أن الطبيعي فى الحياه أننا نقابل ناس شكلهم يمكن يكون احلا أو مثلا بشرتهم افتح أو شعرهم انعم أو ضحكتهم اجملهم أو اشطر أو اذكى بس احنا كمان عندنا حجات احسن منهم واحسن من غيرنا انا كمان زمان كان بيتقال ليا كلام بسبب انى بشرتي مختلفه عن اخواتى انعقدت جدا بس حاولت اخفف عن نفسي وفعلا لما بقيت بحب نفسي محدش يقدر يلمح حتى لانو مدرك أن كلام مش هيأثر ما زلت بشوف ناس اجمل منى وبحس انى مش حلوه بس بحاول علي قد ما اقدر اكون رحيمه ولطيفه مع نفسي واقول أن انا فخوره بشكلي واى حاجه فيا فى ناس كتير اتعرضوا للحروق واتعرضوا لحجات كتير غيرت فى شكلهم (ربنا يبعد عننا ويحمينا ويشفيهم ) بس مع ذلك هما حابين نفسهم ما بالك احنا كويسين اهو ؟ اول حاجه حاولى متبينيش لحد موضوع اهتزاز الثقه عشان هتكون حاجه تخلي الناس تعرف ازاى تجرحك حتى لو بمجرد نظره خليكى اقوى من كده انا متأكده انك جميله وتستاهلي كل خير ربنا يوفقك وافتكرى أنك لو محبنيش شكلك معتقدش حد هيحب حد مش واثق لانو هيكون عارف ازاى يجرحك ف أتمنى ده ميحصلش 💖
تم النشر الجمعة، ٢٩ ديسمبر ٢٠٢٣
المجتمع يا عزيزتي هما سببا في ذلك .. يعني مش لازم خالص الاهل يكونوا سبب في ده .. بتبقى فيه حاجات حواليكي تخليكي تقولي لا هما احسن .. مع ان بالعكس .. فيه ناس لون بشرتهم سمراء وشكلهم حلو جدا .. هي المشكلة حقيقي مش ف اللون. المشكلة فيكي انتي ف عدم تقبلك ل ده .. ولفكرك انت برضه. فكرك بيقولك ان اللي بشرتهم بيضاء احسن .. ف حتى لو البيت بتاعك مش كده، فيه ناس كده .. مش هخبي عليكي.. اذا كان فيه ف الغرب تفرقة عنصرية بسبب الموضوع ده .. غض النظر عن كده .. غيري افكارك لانها صدقيني ملهاش اي محل من الاعراب.
تم النشر السبت، ٣٠ ديسمبر ٢٠٢٣
متقرنيش نفسك بحد .....(وَلَا تَمُدَّنَّ عَيْنَيْكَ إِلَىٰ مَا مَتَّعْنَا بِهِ أَزْوَاجًا مِّنْهُمْ زَهْرَةَ الْحَيَاةِ الدُّنْيَا لِنَفْتِنَهُمْ فِيهِ ۚ وَرِزْقُ رَبِّكَ خَيْرٌ وَأَبْقَىٰ )
تم النشر الاثنين، ١ يناير ٢٠٢٤
عايزة اقولك اني بحب البشرة القمحية اكتر من البيضاء ، انت جميلة زي م انت ومتفكريش كده ، انت بس علشان بتقارني نفسك ب اخواتك ف حسه بكده بس لا كل واحد جميل زي م هو ي حبيبتي حبي نفسك علشان الناس هتحبك زي م انت
تم النشر الأحد، ٣١ ديسمبر ٢٠٢٣
وبعدين هو اي اللي يهمك ف الدنيا دي غير رضا ربنا.. هل رضا البشر مهم.. لا خاالص البشر قلوبهم متقلبه...ربنا سبحانه وتعالي حل الحكايه دي.. وقال لا فرق بين ابيض واسود الا بالتقوي...قوي علاقتك ب ربنا وصدقيني هتكسبي. لو رب الناس حبك فما بالك بالنااس..
تم النشر الأحد، ٣١ ديسمبر ٢٠٢٣
احمدي ربنا علي الي انت فيه.. خشي علي المواقع واتفرجي علي الناس عامله ازاي..زي مفيــــــه الحلوين متنسيش اللي عندهم اعاقه ولا اللي عندهم امراض خطيره وكتير من دول بقا اتفرجي وشوفي.... وقولي الحمد لله اللذي عافانا مما ابتلي به غيرنا..
تم النشر الأحد، ٣١ ديسمبر ٢٠٢٣
لعرض السؤال في فدني اضغط هنا