السلام عليكم انا اكبر اخواتي احنا اربعه عندنا اب معرفش هوا كدا لي بيحارب فيا وعلطول من وانا اربع سنين بيضربني لغايه ما جسمي يورم أو يجيب دم وفاكره كل مره كان بيضربني فيها مع اني كنت طفله عاديه بس طول عمره بيعاملني علي اني ولد بحجه اني دماغي ناشفه ومع اني متفوقه دراسيا حرمني من المدرسة اللي كنت عاوزه أخشها ومضيق علينا المصاريف مع أنه معاه فلوس ولدرجه أنه بيحارب فيا بوجه الخصوص ولما اروح أشيل عن حد من اخواتي كان بيمسكني يضربني معاهم ولدرجه أن جسمي فيه علامات مش المفروض تكون في جسم بنت زيي وبيوصي اخواتي عليا ميحبونيش ويكرههم فيا واخواتي بيوصلني الكلام ولما جيت أقرب منه لقيته اول ما داس داس عليا انا انا مش عايشه زي البنات في سني بيجيلي احيانا افكار سلبيه كتير وبقارن نفسي بالبنات وبيقولولي اسامحه بس انا مع اني عايشه معاه تحت سقف واحد بس انا مش عارفه استحاله مهواش اتعدل ولا راضي يتعدل اسفه لو طولت عليكو اتمني من اي حد يشوف الاسك يدعيلي
ربنا يهدي والدك يارب ويحنن قلبه عليكي وربما يصلح حالكم يارب
تم النشر الجمعة، ٢ أغسطس ٢٠٢٤
عليك بالتضرع الي الله واسأله انا يحنن قلب والدك عليك ومهما فعل والدك لا تكون عاق معه ابدا
تم النشر الجمعة، ٢ أغسطس ٢٠٢٤
عليكم السلام ورحمة الله وبركاته لا عذر لأهل يصل الأمر بهم لهذه الدرجة من العنف، لكن معذرة، ما هي المواقف التي تنتهي بهذه النهايات المأساوية؟ لماذا يتبنى هذا التعامل معك دون بقية إخوتك؟
تم النشر الخميس، ١ أغسطس ٢٠٢٤
يكفي انك تعرفي إن العيب فيه هوه مش فيكي أنتي انسانه عطوفة بدليل انك بتحاولي تدافعي عن اخواتك. اتأكدي إن الوضع ده مش هيطول والأمور هتختلف وهيجي يوم وتقدري تعملي كل اللي نفسك فيه بس بالعقل واحده واحده. الجأي لربك واعتبري اللي أنتي فيه اختبار اعملي الصح وانتظري أجرك من الله هيه والدتك عايشه؟
تم النشر الخميس، ١ أغسطس ٢٠٢٤
مينفعش تسكتي او تسيبي نفسك لده خلي حد يخرجك من ده كله حد قريب او اي حد من العيلة او عيله أمك وحاولي تدافعي عن نفسك وتخليكي لوحدك وخلي بالك من اخواتك بردو وادعي ربنا يهديه وانو فالمستقبل تكوني بيت أحسن بس حاولي تطلبي مشاهدات خارجية من حد عارفاه يكلمه بعقله او ياخدك بدل الي بيحصل ده واوعي تتخلي عن دراستك ولو عارفة حد كويس روحيله
تم النشر الخميس، ١ أغسطس ٢٠٢٤
وعليكم السلام، حبيبتي. أولاً، أنا معايا قلبك واحس بمشاعرك. اللي انت عايشة فيه صعب جداً، وصدقي انك مو وحدك، وفي ناس كتير مروا بتجارب مشابهة. الضرب والمعاملة السيئة مش صح، وفعلاً في ناس معندهمش فهم عن إزاي يتعاملوا مع ولادهم. بس أهم حاجة دلوقتي هي صحتك النفسية والجسدية. حاولي تحسي بقيمتك بنفسك، وأنتِ قدها وقدود. أنا عارفة ان الصعب انك تسامحي، بس التفكير في نفسك ومشاعرك مفيش فيه غلط. مفيش حدا أبداً يستاهل إنه يجرحك أو يحسسك بالنقص. حاولي تتقربي من أخواتك، لو حسيت أنهم قربوا منك، وكمان لو عندك أشخاص تانية في حياتك زي أصدقائك، دورت عليهم وشاركيهم بمشاعرك. إذا قدرتي تحصلي على مساعدة احترافية، يعني من مختص نفسي، هتكون فكرة ممتازة. هيساعدوك تعملي خطط وتفكير إيجابي يخرجك من الحلقة السلبية اللي انت فيها. وأدعي لنفسك دائمًا بالسلام والطمأنينة. إنتِ قوية وموهوبة، ومحتاجة تسلقي وراء مشاعر الألم وتعطي لنفسك فرصة للشفاء.
تم النشر الخميس، ١ أغسطس ٢٠٢٤
لعرض السؤال في فدني اضغط هنا