أنا لسه مخلصة ثانوية عامة وجبت 84.5% مجموعي كويس نوعا ما كنت عاوزة ادخل حاسبات ومعلومات وقدمت عليها في الرغبات في تلات جامعات قريبين مني وبعد كده كتبت تجارة مع أن مجموعي يجيب كليات تانية كتير كويسه بالنسبة لاهلي زي علوم وتربية بس أنا حابة كده وهما بداو يشككوني في اختياري بعد ما كنت واثقة من اختياري بقيت متلخبطه مش عارفه أنا صح ولا لا
أنت مش دايما صح .. وأهلك كذلك فلازم تحطي في بالك الاحتمالين دول .. يعني مش علشان هي اختيارك يبقى اختيارك لازم يكون اختيار هو الصح شوفي إمكاناتك وميولك وأهدافك .. كلية حاسبات طبعا كويسة وكذلك كلية تربية لو بتحبي التدريس
تم النشر الخميس، ٢٤ أغسطس ٢٠٢٣
نصيحتي انا ومن شخص مجرب وردي علي.. شو التخصص يلي حضرتك حاباه ومرتاحة فيه ويلي هو حلمك وطموحك وانتي شايفة نفسك فيه هو الي تدخليه.. لا تردي على حكيم بتفلسف ولا عشان ترضي اهلك تدخلي تخصص مو حاباه انو دخلتيه مجرد مراضاة لاهلك هالشي رح يتعبك كتير ولقدام بتصيري تدايقي من الموضوع ف برائي شو التخصص يلي حاباه ادخليه صدقيني رح تبدعي فيه وتطلعي كل طاقتك فيه وتنبسطي
تم النشر الجمعة، ٢٥ أغسطس ٢٠٢٣
من تجربتي امشي ورا اللي انتي بتحبيه واللي عاوزاه عشان متندميش انا سمعت كلام اهلي ودخلت اللي هما قالوا عليه بعد ما ضغطوا عليا ودلوقتي بندم كل يوم ومش مرتاحه وحاسه اي مش في مكاني ولما جيت بعد سنه عشان احول مرضيوش وصمموا انه المناسب ليا وفي الاخر مكملة وانا مش عارفة ارجع اختاري اللي بتحبيه عشان تعرفي تمشي ويبقي عندك قبول لكل حاجة هتاخديها وتقابيلها وربنا يوفقك في اختيارك يارب واه صلي استخارة وشوفي اللب هترتاحي ليه اكتر
تم النشر السبت، ٢٦ أغسطس ٢٠٢٣
انت ادرى بنفسك وبميولك بس خلي في بالك ان ميولك وامكانياتك وقدراتك دلوقتي بتتغير مع الزمن وكل ما تكبري بتكتسبي مهارات اكتر وبتتعلمي حاجات كتير مبتعرفيش تعمليها دلوقتي .فلو انت حابه التدريس بس مش بتعرفي تشرحي اكيد هتتعلمي الشرح وطرق توصيل المعلومه في الكليه ان شاء الله فمتحطيش نقطة انك مش بتعرفي كذا عقبه في طريق حاجه انت بتحبيها اما لو انت كتبتي ال بتحبيه ومقتنعه بتجارة خلاص توكلي على الله بس استخيري الاول اكتر من مرة لان الكليات والكلام النظري ده بيختلف كتير عن ارض الواقع ومجال العمل فانتي استخيري كتير وتوكلي على الله اكتبي ال مرتاحه له ولما يجيلك نصيبك ارضي به وتاكدي انه هو الخير ليكي بالتوفيق
تم النشر الخميس، ٢٤ أغسطس ٢٠٢٣
بصى طلاما ده انتى جباه ومرتاحه فيه يبقى انتى الصحححح
تم النشر الخميس، ٢٤ أغسطس ٢٠٢٣
سيبك منهم وخليكي ع رأيك واللي هترتاحي فيه لانهم مش هكا اللي هيدخلو الكلية ولا هما اللي هيدرسو انتي اعملي اللي يريحك واللي شايفة نفسك فيه فالمستقبل بالذات ف حتة الكلية دي عشان معلش احنا هنا ف مصر بالذات اهالينا عندها شلل ف دماغها ف حتة الكليات دي بالذات ومش فاهمين ان اختياري للكلية اللي هدخلها بيبقي بناءا ع رغبتي فيها واني شايف نفسي هبقي حاجة كويسة فالمستقبل بالكلية دي
تم النشر الخميس، ٢٤ أغسطس ٢٠٢٣
المستقبل دلوقتي لغات و كمبيوتر خليكي على قرارك
تم النشر السبت، ٢٦ أغسطس ٢٠٢٣
خليكي في اللي بتحبيه بشرط انك تبقي مميزه فيه يعني تبقي من الاوئل علي الاقل
تم النشر السبت، ٢٦ أغسطس ٢٠٢٣
اهم حاجه انتي تكون عاوزه ايه ممكن تتكلامي معهم يفهموا انتي عاوزه ايه وبنسبه للحيره اللي انتي فيها فانصحك انك تدوري انتي حبا ايه وادخولي لكن لو دخلتي حاجه انتي مش حبها مش هتحبي تنجحي في الكليه دي
تم النشر الجمعة، ٢٥ أغسطس ٢٠٢٣
ادخلي اللي انتي حابها طبعا ..وحاولي اثبتي نفسك ف كليتك وهما هيفهمو ف اخر أن الحاجه اللي بتحبها هي الأنسب لينا
تم النشر الجمعة، ٢٥ أغسطس ٢٠٢٣
صلي استخاره
تم النشر الخميس، ٢٤ أغسطس ٢٠٢٣
لعرض السؤال في فدني اضغط هنا