السلام عليكم
انا محتاره جدا ومش عارفه اخد قرار انا بحب واحد جدا وبحبه بصدق وهو بيحبنى بس على طول يتكلم معايا ف كلام خارجى كلام عيب خالص وانا كذا مرة نبهته وبعدت عنه بس هو اتأسف وقال مش هعمل كده تانى ويرجع يعمل مع انه فيه شخص تانى محترم وكويس جدا معجب بيا وكان عاوز يدخل حياتى وانا رفضت علشان الاول علشان انا بصونه وبحبه بس حاسه أنه مش بيحبنى زى ما بحبه كده
عاوزة نصائح والمفروض اعمل ايه
السلام عليكم ورحمة الله، معلش حبيبتي خليني أسألك... أنتِ بجد بتسألي تعملي إيه مع الشخص ده؟ مش هقول لك المفروض إن علاقتك به حرام أصلا لأن ده شيء معروف لو أنتِ مسلمة فالعلاقات بين الشباب والبنات في الإسلام ملهاش غير طريق واحد... الزواج أو على الأقل خطبة شرعية بمعرفة الأهل يتعرفوا فيها على بعض. دلوقتي أنتِ دخلتِ في علاقة واللي حصل حصل. المصيبة إن الشخص ده مش بيحترمك أصلا واللي بيحب حد بيقدره ويحترمه ويصونه من نفسه. هو معملش أي شيء من ده. أنتِ عارفة إن حتى بين المخطوبين الكلام ده حرام ومينفعش يتقال، ما بالك بشخص لا يحل لكِ بأي صورة أصلا. ابعدي عنه وانهي الموضوع ده تمامًا. لأن من ناحية علاقتكم حرام ومن ناحية تانية هو مش بيحبك ولا بيحترمك. عززي نفسك حبيبتي ومهما كان تعلقك بشخص، كرامتك واعتزازك بنفسك واحترامك لمشاعرك أكبر من أي شيء تاني. مترميش مشاعرك على الأرض بالطريقة دي... حرام والله.
تم النشر الاثنين، ١٦ ديسمبر ٢٠٢٤
شيء بسيط بس عاوز اقوله سواء دي علاقة خارجه أو خطوبه في الأساس الشخص ده غير مسموح لي الكلام معك دون محرم ولو هو بعيد عنكم اي مينفعش خلوه والكلام بقدر الحاجه ودي ضوابط لو طبقتها مش هتبقى في اللي انت فيه المهم اعرفيها لو ما كونت تعرفيها وطبقيها واها فضلا كمان عن إنه ممنوع يلمسك أو تلمسيه لو مش متجوزين فشوفي الاسلام عظمك ازاي فخلي القيمه دي عاليه جدا معاك في عقلك وانهي مع الشخص ده طالما هو خطيبك وما تاب وانهي فورا لو مش خطيبك
تم النشر الأربعاء، ١٨ ديسمبر ٢٠٢٤
اللي انتي بتتكلمي عليه دا لا يمكن يكون بيحبك مهما حاول يثبت العكس اللي بيحب حد بيخاف عليه ودا بيحاول يتكلم في حاجات مش تمام وعايز يستغل حبك ليه لاغراض مش كويسه
تم النشر الأربعاء، ١٨ ديسمبر ٢٠٢٤
ابعدى عنه فورا ..لانه له غرض آخر غير الحب والارتباط .اوعي تتورطي في علاقه قد تخسرين بها سمعتك..تجنبيه تماما وفكرة وخالي علي نفسك وسمعتك
تم النشر الخميس، ١٩ ديسمبر ٢٠٢٤
لعرض السؤال في فدني اضغط هنا