ازي الواحد يقدر يبعد عن شخص بيأذيه لكنه اتعود على وجوده وبقى صعب يبعد عنه
بيبقي نفس قرار المدمن اللى هو اهم قراار لازم ياخده بالرغم أنه عارف قد ايه صعوبته الا انه ضروري علشان يعيش ويكسب نفسه وحياته وصحته
تم النشر الاثنين، ٥ يونيو ٢٠٢٣
اتعود على أذيته يعني؟ المفروض أفهم الشخص دا إنه كدا بيأذيني ولو مستمر ف كدا فدا يعني إني مش فارق معاه ولا فارق معاه اني بتأذى ف هسحب نفسي من حياته وطالما مبيقدرنيش يبقى مش عاوزني اي علاقة قائمة على التقدير
تم النشر الاثنين، ٥ يونيو ٢٠٢٣
بصي كده كده هتبعدي، بس تبعدي دلوقتي وتحاولي واضغطي علي نفسك لفيابه، أحسن م تبعدي بعد ما طاقتك تستنزف ومتقدريش تساعدي نفسك ولا نفسيتك، خدي قرار وابعدي وحاولي تكوني قد قرارك لازم، لأن كمان الشخص لو شاف ترددك ده، أو مقدار تحملك هتتأذي أكثر، ف ليه تذبلي كده وال بيأذيك هيكمل عادي ومش هيفرق معاه ولا هيحس بيك، لأن لو يفرق معاه، مكنش أذاك، كأنه بيقولك أمشي أنا فاتحلك الطريق، وأنتٍ بتقوليله لأ أجرحني وزعلني أكتر
تم النشر الأربعاء، ٧ يونيو ٢٠٢٣
لازم يبقا ليكي حياه شوفي بتحبي ايه واعملي ركزى عليه اديلوا كل وقتك وطاقتك سواء شغل البيت دراسه صحاب موهبه عندك طوريها ركزى على نفسك اكتر وعلى نفسيتك وصحيتك فكري فى سعادتك وانا بطمنك بقولك هو مجرد وقت صعب هتعدى وبعدين كله هيبقا تمام وهتقولي ازاى كونت مع الشخص ده انتي حد يستاهل احسن من كده
تم النشر الثلاثاء، ٦ يونيو ٢٠٢٣
انتي قولتي بنفسك انه اتعود علي الشخص ده .. الموضوع بيبقى اشبه بالادمان .. المخدرات بتأذي الشخص وهو بيبقى عارف اخرتها ايه كويس .. ولكن بيكمل لحد ما بيجيب اخر القاع اللي هو فيه. اتمنى انك متروحيش للقاع برضه، وتفوقي وتعرفي قيمتك . طبيعي انك تحسي بخنقة بعد ما تسبيه، ده اللي متعود انه يشرب قهوة كل يوم، لو في يوم مشربهاش بتبقى عليه اعراض زي انه مش طايق نفسه، عصبي، عنده صداع. هقولك على حاجة كمان .. في رمضان لما بنصوم مش بيكون اول الصيام كده اول كام يوم كده بيبقى الواحد مصدع وجعان وعطشان ومش طايق حد ولا حتى طايق نفسه ومصدع. طبيعي جدا ... كل ده ولكن شوفي كده ايه اللي ممكن يحصل بعد كام يوم من انتهاء الاعراض ديه .. اللي كان متعود على شرب القهوة وقطعها بقى شخص عادي والاعراض اللي كان بيحس بيها وهي اعراض انسحاب طبيعة .. ابتدى خلاص ميحسش بيها. ولما بنيجي كده برده في نصف رمضان بنكون خلاص اتعودنا على الصيام واخدنا عليه، فبقت حكاية اننا نقطع المياه والاكل طبيعي ومبقناش نحس بالاعراض بتاعة اول اسبوع .. ادي لنفسك فرصة .. انك تجاهدي نفسك .. وخليكي قوية وبلاش تبقى ضعيفة في نظر نفسك
تم النشر الاثنين، ٥ يونيو ٢٠٢٣
يرجع يفكر فى قيمته كبنى ادم وفى ان هو اكرم من انه يتأذى ويسكت وكمان يقول لا بأس من المزيد. يشوف انه اسير قفص مصنوع من الهواء ..مجرد خيال ..احساس وهمى بانى اذا تركت هذا سوف تنقطع انفاسي. يرجع يوزن المكسب والخسارة ...هيلاقى نفسه خسران كتير ومش كسبان حاجة حقيقية ...او بالعافيه بياخد حاجة هى اساسا متاحه بشكل انضف مع ناس تانيه بتقدرة فعلا.
تم النشر الاثنين، ٥ يونيو ٢٠٢٣
امشي من حياته امشي وخدي قرار ان مهما ايه حصل مش هترجعي تاني هتقدري تعملي كدا انتي قوية وهتقدري عشان هو حد مايستاهلش مشاعرك انك تفضلي تهدري فيها وهو اصلاً عايش حياته ولا هامه تكوني بتتأذي من كلامه ولا معاملته معاكي لو حد بيخاف عليكي فعلاً عمره ما يقدر يأذيكي لا بكلام ولا بأسلوب ولا حتى نظرة ربنا يوفقك ويصلح حالك
تم النشر الاثنين، ٥ يونيو ٢٠٢٣
دا ادمان زى المخدرات كدا مضرة وبتموتك بس انتى ادمنتى ...اول نقطة لازم تعلى عندك تقديرك لذاتك......بانى انتى تقولى نفسك انا استحق افضل من كدا ...استحق معاملة انا بحبها ....ليه تسمحى ان حد يبقى بيأذيكى وانتى قاعدة لمجرد تعود؟! يعنى حتى مش حب ولا مثلا صلة قرابة مثلا حد من اهلك فلازم تتعاملى ؟ قاعدة لمجرد تعود ....لازم تقدرى نفسك كويس اوى ودا بيجى باول خطوة وانتى اولردى اجتازتيها ان تعترفى ان دا تعود وانه مؤذى ...تانى خطوة لازم تفهمى نفسك انك مش عليكى ذنب فى انى الشخص دا كدا؟ ماتسبيش نفسك للتساؤلات هو عمل دا ليه طب ليه يأذينى وانا كويسة معاه؟ ابدا ماتعمليش كدا هو الحقيقة انه شخص نرجسي وناقم وناقد ومعندوش حاجة يديها لحد بيقدره هو واحد فارغ ومعطوب من جواه دى مش مسؤليتك ولا ليكى ذنب ولا مطلوب منك انك تصلحى حاجة زى كدا ....وتخليكى فى نفسك تبدأى تكلمى مع نفسك وتفهميها انه خلاص كدا مش نافع وهانبعد بهدوء ولازم تبقى مستعدة لفترة اعراض الانسحاب انه هاتضيقى وهاتحسي بوحدة يوم كويسة وعشرة لا فى البداية وبعدين هتلاقى انك عشر ايام كويسة وممكن يوم لا يعنى كل ما زادت الفترة اللى انتى بعدتى فيها كل ما اتحسنت واختفت اعراض الوحدة دى...ولازم انتى تلغى كل وسيلة ممكن تتواصلى معاه بيها وكل مرة تبقى تحنى وعايزة تتواصلى مع الشخصية دى افتكرى كل حاجة حلوة انتى قدمتيها واخدتي قصادها ايه بالظبط ولو هو او هى تواصلت معاكى تانى تجاهلى تماما .....انتى مع نفسك كدا خلاص دا كتاب واتحرق ...خلاص كتاب وقرتيه وعرفتى المحتوى بتاعه خلاص فقد اهميته وزهوته فى نظرك افتكرى انك عارفة نهاية القصة .....علاج الموضوع دا انك تعرفى قيمة نفسك ....
تم النشر الاثنين، ٥ يونيو ٢٠٢٣
انتى صح فى كل كلمه استفدت جدا من كلامك شكرا اوووي🤍🤍
تم النشر الاثنين، ٥ يونيو ٢٠٢٣
غيرتهاا+شكرا🤍
تم النشر الاثنين، ٥ يونيو ٢٠٢٣
امشي بدل ما تخسري نفسك
تم النشر الأحد، ١١ يونيو ٢٠٢٣
لازم يفهم حجم الاذي دا عامل ازاي عشان يعرف الضرر
تم النشر الأربعاء، ٧ يونيو ٢٠٢٣
صح جدا🤍
تم النشر الاثنين، ٥ يونيو ٢٠٢٣
شكرا ع ايه بس؟ متخافيش وخدى خطوتك بس❤️
تم النشر الاثنين، ٥ يونيو ٢٠٢٣
انتى مدمنة؟ ترضي حد يقول عليكى دى مدمنة؟
تم النشر الاثنين، ٥ يونيو ٢٠٢٣
لعرض السؤال في فدني اضغط هنا