انا طالبة في تالته ثانوي وحصلتليمن فترة انتكاسة ومش كنت بذاكر او بحل لحد ما المدرسين اشتكوا لاهلي بس انا عاوزة احاول من تاني بس مش عارفه إزاي عاوزة طريقه مذاكرة يبقى فيها انجاز واني اذاكر كمية كبيرة في وقت قليل عاوزة نصايحكم وللعلم ان نفسيتي مدمرة حرفيا بس بحاول ومفيش حد بيساعدني اتخطى الازمة النفسية اللي انا فيها
نا لسه ف اولى جامعه يعنى لسا مخلصه تالته ثانوى احنا ف اخر شهر واحد يعنى خلاص فاضل حجات بسيطه ع الامتحانات هل الوقت الفاضل ملخقش الم فيه موادى لا خالص الخق الم المواظ واحل مره واتنين بس انصحك تطبقى اللى هقولك عليه مبدئيا لازم يبقا عندك كشكول او نوت تكتبى فيهم كل يوم مفروض تذاكرى اى التخطيط اليومى يعنى لو عايزه تفاصيل اكتر اكتبى وهقولك من ضهر نفس الكشكول هتكتبى موادك والحجات اللى واقعه منك وتكتبى ع اخر الاسبوع مفروض اكون ذاكرت اى ووصلت لاى بالطريقه دى انتى ممكن تلمى االى فايتك ف شهر طبعا هتسيبك من حوار النوم والصحيان اللى هو لازم اصحا الفجر كبعا افضل نصحا بدرى بس انتى لو مبتعرفيش تصحى بدرى اسهرى ذاكرى المهم توتال المذاكره ف اليوم ميقلش عن عشر ساعات متاخديش ف اليوم ماده واحده افضل من مادتين لتلاته لو هتبداى من الاول خالص ف ف اليوم الواحد لو اتقسم ع تلات مواد ف كل ماده هيبقا نصيبها درسين شرح وحل اسمعى شرح من ع اليوتيوب عادى وحلى ع كل درس هتسمعيلو شرح ميقلش عن عشر اساله ف كدا هيبقا الدرس الواحد شرح بحل ميزدش معاكى عن تلات ساعات كدا هتخلصى المواد ف يومين او تلات تيام كل ماده درسين يعنى ف ٦ ايام هتكونى خلصتى فصل من كل ماده او اكتر يعتى ف خوالى شهر هتكونى وصلتى للمدرسين وراجعتى اللى فايتك
تم النشر الجمعة، ٢٠ يناير ٢٠٢٣
لسة فيه وقت ابدأي من دلوقت واوعي تقفي واوعي تقولي اكيد ربنا مش هيساويني باللي بدا من الاول السنة سيبك من كل الأفكار السلبية ده خالص خليكي إيجابية اسمعي تحفيزات كتير خدي الخطوة وامسحي كل الابلكيشنز االي بتضيع الوقت تعب تلات اربع شهور دلوقت احسن من التعب النفسي اللي ممكن بعد الشر تتعبيه لو مبداتيش التعب الجسدي ده هيزول إنما التعب التاني اللي هو النفسي عمره ما هيزول وحتى لو زال بعد وقت طويل هيفضل سايب اثره ف انتي اللي في ايديكي ولسة قدامك فرصة انك تختاري عايزة تتعبي انهي تعب ابدأي وابعدي عن كل السلبيات ابدأي وابعدي عن كل المشتتات ابدأي وانتي ساكتة ابدأي من غير ما تفكري ابدأي من غير ما تعرفي هتعملي اي حتى لو مرتبتيش ابدأي وخلاص وتاكدي ان ربنا هييسرها من عنده وعمره ما هيضيع تعبك انتي قدها ي بطلة 💪🏻💖
تم النشر الجمعة، ١٧ مارس ٢٠٢٣
لازم نعرف ايه الاسباب اللى وقفتك عن المذاكرة ونبعد عنها او نعدلها
تم النشر الجمعة، ٢٠ يناير ٢٠٢٣
بصي احسن حاجه ممكن تعمليها انك تدخلي علي يوتيوب وتحاولي تلمي اللي فاتك حتي لو المنهج كلو ولو اتزنقتي اوي وخلاص الامتحانات فا قبل الامتحانات مثلا عربي شوفي فيديوهات ليله الامتحان وحل اسئله وكده كل ده هيساعدك وحاولي من دلوقتي سدقيني احسن وقت تبدئي فيه هو دلوقتي ولو علي نفسيتك فا احب اقولك متخليش اي شخص او اي حاجه تزعلك حطي دايما انك انت الاهم واستعيني بالله وصلي لو كنتي مقصره في الصلاه سدقيني الزعل والندم والاكتئاب مش هيفيدك ابدا تذكري ابدئي دلوقتي
تم النشر الخميس، ١٩ يناير ٢٠٢٣
بصي اهدي كده هترجعي شاطره تاني وهتعرفي تذاكري وهتنجزي ان شاءالله اول حاجه رتبي الحجات الي فاتتك ومكنتيش مركزه فيها وابداي مع مدرسينك عادي كل درس بتاخديه معاهم سجليه ع الفون عشان لما تروحي تبدأي تذاكري الي اخدتيه وتحلي واجبه وقبل معاد الحصه التانيه لنفس الماده هتسمعي التسجيل الي مسجلاه وهتراجعي على الاسأله الي حليتيها وانتي بتذاكري هتجيبي نوت تجمعي فيه النقط المهمه والمفاهيم والأسأله الي بتقف قدامك وكل درس تعمليله خريطه ذهنيه كده تلخصيه فيها بألوان مختلفه عشان يثبت معاكي وذاكري بصوت عالي عشان متسرحيش وبأسلوب الشرح انك تجيبي حد تشرحيله الي فهمتيه وكل درس جديد اخدتيه هتذاكري درس قديم معاه وهكذا لحد متحسي انك لميتي الدنيا بأذن الله وربنا يوفقك ويكرمك يارب
تم النشر الخميس، ١٩ يناير ٢٠٢٣
لعرض السؤال في فدني اضغط هنا