متقدملي عريس فيه كل الصفات الحلوه اللي بتمناها في شريك حياتي بس المشكله الوحيده انه رقبته فيها مشكله ومعووجة على جمب أعمل ايه انا محتاره وصعبان عليا ارفض
السلام عليكم ورحمه الله وبركاته. شوفي يا حبيبه قلبي مساله الشكل او الصفات الجسمانيه دي بتفرق من شخص للتاني كل واحد بيبقى عنده صفات هو شايف ان هي دي اللي بتكون جذابه بالنسبه له وفي حد ثاني بيشوف ان الصفات دي هي جزء من القبول فهنا الفرق كبير يعني لما اكون الصفات دي بتجذبني فدي اللي هتخليني ابدا ابص على البني ادم واقيم بقيه المميزات اللي فيه لكن مساله القبول ليه حاجه ثانيه اللي هو ببساطه كده الراجل ده. زائد كل مميزاته هل هتقدري انك تبقي بتتعاملي معاه كل يوم وانت مقدراه وشايفاه راجل كويس ومحترم طب رفضك ليه هيبقى ظلم ولا ولا تمام والله لو هنتكلم في في الظلم للشخص لا مش ظلم له هو يستاهل طالما هو شخص في مميزات ان يكون مع واحده تشوفه احسن حد في الدنيا وما تحسش وهي جنبه ان هو قليل في اي حاجه لان دي حاجه يعني اكيد اي راجل سويه ما يحبهاش طب هو ظلم لنفسك لو بصينا من ناحيه اولوياتك ان لو اتكلمنا بقى على الصح والغلط ونصيحتنا ليكي كناس عندها خبره فخليني اقول لك ان اختيار الشخص وان انا اقبله او ارفضه بناء علىت فلا انت مش بتظلمي نفسك انت بتدي لنفسك اللي هتقدري انك تتعايشي معاه لمده سنين. وشايفه كل مميزاته وقال لها هتفضل النقطه اللي قدامك دي اللي هي الجزئيه اللي في شكله هتمثل بالنسبه لك عائق انك تشوفي بقت مميزاته او مميزاته هتبقى مستخبيه وراء العيب ده الحاجات دي والعيوب ورد تكون معنويه ووارد تكون ظاهريه فدي واحده من الحاجات اللي انت تقيمي عليها انت حبيبتي بالنسبه لك النقطه دي نقطه فيها اولويه انك تحبي ان جوزك يكون له شكل معين خلاص لو جينا نقطه اولويه بالنسبه لك يبقى ترفضي حتى لو في كل المميزات.
تم النشر الجمعة، ٢٠ ديسمبر ٢٠٢٤
وعليكم السَّلامُ ورحمةُ اللَّهِ وبركاتُه ممكن تصلِي استخارة وامشي فِ الموضوع لقيتي نفسك متقبله كملي ملقتِيش نفسك قادرة وكده كل شيء قسمة ونصيب كده كده الخطوبة مش جواز انتو بتشوفو نفسكو قادرين تتكيفو مع بعض ولا لاء....
تم النشر الجمعة، ٢٠ ديسمبر ٢٠٢٤
وعليكم السلام ورحمة الله وبركاته، أفهم تمامًا ما تشعرين به من حيرة. اختيار شريك الحياة هو قرار مصيري ويجب أن يؤخذ بعناية. إذا كان هذا الرجل يمتلك الصفات التي تتمناها، فهذا جانب إيجابي للغاية. لكن في نفس الوقت، تجب مراعاة الأمور الصحية والجسدية. من المهم أن تسألي نفسك عدة أسئلة: هل هذه المشكلة في رقبته تؤثر على حياته اليومية أو صحته بشكل كبير؟ هل يمكن أن تتطور أو تتسبب في مشاكل مستقبلية؟ هل لديك القدرة على التعامل مع هذه المشكلة ودعم شريكك إذا كانت تحتاج لرعاية أو مساعدة؟ إذا كانت مشكلته الصحية بسيطة ولا تؤثر على جودة حياته بشكل كبير، يمكنك التفكير في التعرف عليه بشكل أعمق ومناقشة موضوع صحته. أما إذا كان الأمر معقدًا أو قد يؤثر على العلاقة بشكل مستقبلي، فربما يجب أن تعيدي التفكير في القرار. الأهم هو أن تكوني صادقة مع نفسك ومعه، وأن تتحدثي عن مشاعرك ومخاوفك بصراحة. قد يكون من المفيد أيضًا أن تستشيري أفراد عائلتك أو الأشخاص الذين تثقين بهم في هذا القرار. نسأل الله أن يوجهك إلى ما فيه خير ورشاد.
تم النشر الجمعة، ٢٠ ديسمبر ٢٠٢٤
متاخديش بالشكل ركزي ع الشخصيه والروح والقلب كدا كدا الشكل بيتغير مع الوقت واستخير وان شاء الله خير هو بردو لو كنتي انتي مكانو معتقدش انو كان هيفرق نفس تفكيرك ف فكري كويس واستعيذي بالله والدنيا هتكون تمام معاك ما ممكن يكون ليكي خير معاه متعرفيش النصيب فين ولو هو ربنا خلقوا كدا ف هو مش ذنبو حاجه
تم النشر السبت، ٢١ ديسمبر ٢٠٢٤
لو فيه صفه واحدة مش عجباكي بلاش علشان دا ايولد مشاكل في المستقبل
تم النشر الجمعة، ٢٠ ديسمبر ٢٠٢٤
الشخص لو مش متقبلاه لذاته وشخصه مش عشان مستواه مثلا او شكله .. تمام .. غير كدا .. لا ..
تم النشر الجمعة، ٢٠ ديسمبر ٢٠٢٤
هو انا مش بسأل عشان تبررى ! لا اطلاقا.. مافيش حد هيقول انا هعاير ولا حد شايف ان لية ذنب فى حاجة .. بس سؤالى دا من باب الى بنشوفة دلوقتى فى الجوازات والى بيحصل وقت الخلافات وانا قصدى الفت نظرك للنقطة دى ! مافيش حد بيكون ١٠٠٪ بس في حاجات بنعرف نتقبلها وحاجات لا .. انا شايف انك مش متقبله الموضوع دا وانتى حرة ماقدرش الومك .. بس اوعى تقبلية لمجرد انة صعبان عليكى ليروح .. اسألى نفسك لو ربنا قدر وحصل زواج وجة بعدين الحال اتغير من كل حاجة كنتى قبلاه عشانها والميزات الى فية هل شعورك ونظرتك هيتغير ساعتها ؟
تم النشر الجمعة، ٢٠ ديسمبر ٢٠٢٤
@Roaa هل من المعقول أن هذا الإنسان لن يجد من تقبل به زوجا؟ أكيد هناك من ترضى به بسبب التنوع الموجود في الناس واختلاف ظروفهم فيا ريت لما نجاوب لا نفترض أن صاحبة السؤال تفكيرها سيكون مطابقا لتفكير من يجيب وبالتالي يجب أن ترفض لأن من يجيب كان سيرفض لو وضع في نفس الظرف
تم النشر الجمعة، ٢٠ ديسمبر ٢٠٢٤
صلي صلاة استخارة وشوفي انتي
تم النشر الجمعة، ٢٠ ديسمبر ٢٠٢٤
لو ليها علاج طبيعي قوليله ،وطالما هو كويس وتفكيره وطريقته واهله كويسين وسلبياته تقدري تتعاملي معاها اقبلي واتوكلي علي الله
تم النشر الجمعة، ٢٠ ديسمبر ٢٠٢٤
صلى صلاة استخارة وربنا هيرزقك خيرا واهم حاجة تبقى مقتنعة بيه
تم النشر الجمعة، ٢٠ ديسمبر ٢٠٢٤
مدام محتاره يبقي متكمليش مش هينفع تكملي مع واحد عشان صعبان عليكي ترفضيه..هيجي يوم وهتبصيليه
تم النشر الجمعة، ٢٠ ديسمبر ٢٠٢٤
لا سبيها على باباكي و اخوكي افضل
تم النشر الجمعة، ٢٠ ديسمبر ٢٠٢٤
السؤال عندك .. وانا بعتذر لو صعب شوية .. مستقبلا بعد الزواج حضرتك سوية نفسيا انك تتقبلىً المشكلة دى وتبقى قدامك ع طول من غير تجريح .. ولا حلاوة البدايات ولما يحصل مشكلة هيتقال وهيتعاب فيه ؟ ..
تم النشر الجمعة، ٢٠ ديسمبر ٢٠٢٤
الشخص مش بشكلو الشخص ب شخصيتو وطباعو وروحو ركزي علي دا وسيبك من المظاهر
تم النشر السبت، ٢١ ديسمبر ٢٠٢٤
مش شايفه اى مشكله نهائى ف الموضوع بس دا بالنسبالى فاهمه وانتى اللى هتعيشى ف لازم انك تفكرى كويس ف الموضوع دا ولو هتوافقى تبقى قابله من جواكى كويس واسفه بس قبل اى حاجه حطى نفسك مكان اى حد يعنى حطى نفسك مكانه وممكن يكون اترفض بسبب حاجه زى دى ولو وافقتى يهنيكى ويسعدك لانو هيشوفك بنت اصول ولما يكون حاجه زى كدا ف شكل احسن م طبعو يبقى وحش وتكتشفيه بعدين والاهم م كل دا صلاة الاستخاره لان ربنا انتى هتصلى استخاره وهوه هيبقى شايف بعد كدا اى هيحصل لو انتى اخدتيه م احنا ف لازم الاستخاره اهم من اى حاجه بجد وربنا يعملك اللى فيه الخير يارب ♥🥺
تم النشر الجمعة، ٢٠ ديسمبر ٢٠٢٤
وهيجي يوم وتبصيله بصه مش كويسه أو تجرحيه حتي من غير قصد..
تم النشر الجمعة، ٢٠ ديسمبر ٢٠٢٤
هل من الممكن افاتحه في حاجه زي كده ولا اسيبها على بابا او اخويا
تم النشر الجمعة، ٢٠ ديسمبر ٢٠٢٤
لا انا مش من النوع اللي بيعاير اصلا مش بحب الشخصيه اللي ممكن تشوف نفسها على حد بسبب حاجه زي كده وبالاخص انها حاجه مش بإيده غير كده هو شخص كويس جدا انا مش عارفه اعطي الموافقه او الرفض بسبب الحاجه دي بس
تم النشر الجمعة، ٢٠ ديسمبر ٢٠٢٤
مش شرط علشان مولود بيها ميكونش ليها علاج. ممكن يكون عنده اعوجاج فى الفقارات ودي بيعملوا ليها عمليه عند دكتور شاطر و بتتعدل عادي .
تم النشر الجمعة، ٢٠ ديسمبر ٢٠٢٤
مولود بيها فأكيد مش هيكون ليها علاج
تم النشر الجمعة، ٢٠ ديسمبر ٢٠٢٤
ممكن يعمل عمليه في رقبته وتبقى كويسه . بس نادرا ما تلاقي شخص فيه كل المواصفات اللي انتي بتتمنيها في شريك حياتك
تم النشر الجمعة، ٢٠ ديسمبر ٢٠٢٤
لعرض السؤال في فدني اضغط هنا