أنا شاب عندي 30 سنه الحمد الله علي درجه من التدين والخلق والقبول عند الناس وده بفضل ربنا عليّ ودعوات امي ولكن
دايما بحس اني أقل من الناس مش عارف آخد خطوه في حياتي أن ابقى حاجه كويسه بالنسبه لمجال العمل بعني أوضح واحد قالها ليه
انت دماغك نظيفه ومحبوب رادم نفسك في الشغل ده ليه انت كويس ويجي منك
ده كان كلام واحد بينصحني
أنا اصلا خريج بكالوريوس تجاره بس مشتغلتش في المجال ده
السلام عليكم ورحمه الله وبركاته طيب خلينا نقول انه احساسك ده وارد جدا يكون نابع من الجمله اللي وجهها لك الشخص ده ممكن الشخص ده يكون قالها بحسن نيه علشان هو شايف ان انت قدراتك كبيره وتقدر تحقق بيها حاجه اكتر من اللي انت موجود فيه دلوقتي. ووارد جدا يكون كان بيقول ده علشان يعني هو شايف ان انت في المجمل شخص كويس فحب ان هو يحبطك او يعني يكسر من من عزيمتك فيكون حتى شغلك اقل، الله اعلم طبعا بالنيه ولكن هنقول انه الجمله دي وارد تكون هي المؤثر الاساسي في اللي انت حاسس بيه لما بيكون في عندنا استماع اكثر يعني لما بنسمع الكلام اللي من حوالينا ونبدأ ندخله جوانا وندخله على طول من غير ما نراجعه كده او نشوف الكلام ده فعلا ينطبق علينا ولا لا طيب هل ده وجهه نظر احنا ناخدها ونعتمدها ولا لا احنا هنعتبرها وجهه نظر فقط لا غير وهنحترمها لو ما رجعناش المراجعه دي بيحصل لنا التاثر الكبير ده. فخلينا نسألك انت بقى الاسئله المهمه عشان نشوف اذا كان فعلا الكلام ده حقيقي ولا لا؟ الاسئله اللي هنحتاج نسألها بالنسبه لك معنى النجاح هو ايه؟ السؤال الثاني امتى انت بتكون راضي عن نفسك عموما في الحقيقه اكثر حاجه لما بتعملها بتكون راضي عن نفسك؟ السؤال الثالث هل شغلك الحالي بيوفر لك اللي انت محتاج من اساسيات الحياه ومن الجزء اللي انت بتطور فيه نفسك ايا كان التطوير اللي انت بتعمله لنفسك سواء تطوير في شكل اجتماعي او في تعليم او في شغل او ايا كان؟ جاوبلي كده على الثلاث اسئله دول وخلينا نفكر مع بعض عشان نشوف هل فعلا الكلام ده حقيقي وانت محتاج تشتغل نفسك عشان تكون احسن ولا انت الدنيا تمام وبس هي الكلمه اللي اثرت عليك.
تم النشر الأحد، ١٦ مارس ٢٠٢٥
عزيزي، أولاً أود أن أهنئك على التزامك بالدين وخلقك الطيب، فهذه صفات قيمة جداً وتدل على أحترامك لنفسك وللآخرين. من الطبيعي أن يشعر الإنسان بعدم الثقة أحياناً، ولكن من المهم أن نعمل على بناء ثقتنا بأنفسنا. يجب أن تتذكر أن كل شخص لديه نقاط قوة وضعف، وأن القيمة الحقيقية للفرد لا تتحدد بمقارنته بالآخرين. إليك بعض الخطوات التي يمكنك اتباعها لتعزيز ثقتك بنفسك وتحقيق خطوات إيجابية في مجالك: تحديد الأهداف : حدد أهدافًا واضحة تتعلق بمسيرتك المهنية. يمكنك تحديد الوظائف أو المهارات التي ترغب في تطويرها. تعليم وتطوير المهارات : ابحث عن دورات تدريبية أو ورش عمل في مجالك. سواءً كان ذلك في التجارة أو أي مجال آخر تهتم به، فإن تعلم مهارات جديدة سيعزز من ثقتك بنفسك. تقبل الفشل : اعلم أن الفشل جزء من النجاح. الكثير من الناجحين مروا بتجارب فاشلة قبل أن يحققوا أهدافهم. استخدم الفشل كفرصة للتعلم. العمل على تحسين الذات : اعمل على تطوير ذاتك معرفياً ونفسياً. القراءة والبحث يمكن أن يساعدك في تحسين مهاراتك وزيادة معرفتك. التواصل مع الآخرين : تفاعل مع الناس الذين يشاركونك اهتماماتك. الاستماع إلى تجاربهم يمكن أن يمنحك دافعاً إيجابياً. طلب الدعم : إذا شعرت بأنك بحاجة إلى مساعدة، لا تتردد في استشارة شخص مقرب أو محترف يمكنه توجيهك. ختامًا، تذكر أن النجاح لا يأتي بين ليلة وضحاها، بل هو نتيجة عمل مستمر. ثق بنفسك، واستمر في المحاولة، وستجد أن خطواتك نحو النجاح تبدأ بالتدريج. وفقك الله.
تم النشر الأحد، ١٦ مارس ٢٠٢٥
بص يا صاحبي، إحساسك ده طبيعي جدًا، وأي حد في الدنيا مر بلحظات شك في نفسه حتى لو كان ناجح. المشكلة إنك متعلق بفكرة إنك لازم تبقى "حاجة كويسة" في مجال العمل عشان تحس بقيمتك، وده غلط. قيمتك مش متوقفة على شغلك بس، ولازم تبقى عارف إن النجاح مش شرط يكون حاجة ضخمة من أول خطوة، ممكن يكون حاجات صغيرة متراكمة. ابدأ بحاجة بسيطة، حتى لو مش حاسس إنها مثالية. جرب، وقع، اتعلم، وهتلاقي نفسك بتتحسن مع الوقت. متستناش اللحظة اللي تحس فيها إنك جاهز ميه في الميه ، لإن اللحظة دي مش هتيجي أبدًا. النجاح بيجي للّي بيتحرك، مش للّي بيفكر بس. خليك جريء وخد الخطوة، حتى لو كانت صغيرة، وهتشوف الفرق مع الوقت .. ربنا يريح بالك
تم النشر الاثنين، ١٧ مارس ٢٠٢٥
بص لنفسك من ناحية تانيه ان انت عندك صفات حلوه كتير وخليك قريب من ربنا ومش كل حاجه تتقال تاخدها علي محمل الجد عشان العين بتكره اللي احسن منها انت حط هدف في حياتك وانك تقدر توصله وحط في دماغك انك مش اقل من حد ولا حد احسن منك ربنا خلقنا كلنا سواسيه وكلنا مخلوقين من طين دايما قول لنفسك انك تستاهل وحط خطه لنفسك انك تبدأ بالتغير
تم النشر الاثنين، ١٧ مارس ٢٠٢٥
صديقى .. أتقن عملك الذى بين يديك و اقترب من الله وادعه ، اجعله اقرب لك من اى انسان ، ادعوه أن يرزقك الحكمة والبصيرة وأن يهديك سواء السبيل .. سيغنيك ويكفيك .. وتذكر أن سيدنا موسى كان جائعاً فقيراً عندما ذهب إلى مدين لا يعرفه أحد و لا يجد شيئا يأكله كان يستأنس بالله ويكلمه ويدعوه ، فأغناه الله بأن زوجه واسكنه بل وجعله نبيا بل وجعله سيد بنى إسرائيل ويذكر اسمه فى كتاب الله إلى قيام الساعة .. وكذلك نجزى المحسنين .. فأحرص أن تكون منهم .. فدعك من البشر وكن مع رب البشر سيلهمك الرشد والصواب ، ومن يدرى لعل هذا ابتلاء لك ليرفع الله به درجتك ويقربك أكثر .. تحياتى
تم النشر الاثنين، ١٧ مارس ٢٠٢٥
لعرض السؤال في فدني اضغط هنا