سلام عليكم
انا ف تانيه ثانوي وحاسه ان السنه دي صعبه ومبقاش عندي طاقه اكمل بس بقول لعله خير واسكت وانا حرفيا م بذاكر غير الاحياء وباقي المواد كنت بذاكرها ف الاول بس دلوقتي معتش بذاكر وبجاهد بنفسي اني اذاكر بس مش عارفه ومش مستنيه حد يشجعني عارفه ان انا هندم ف الاخر بس والله بحاول وكل لما ماما تشوفني تقولي هنشوف اخر السنه هتجيبي اي لما تشوفني تعبانه متجبرش بخاطري وتقولي مالك لا تقولي محسساني ال انتي ف كليه هي مش عارفه ان كل سنه وليها تعبها وبكره لما هكبر اقول دا الثانوي سهل لان الدراسه مراحل وانا ف مرحله شايفه انها صعبه بس عارفه لما هكبر شويه هقول سهله بقيت والله استخسر النوم فيا اخري انام خمس او اربع ساعات واقوم احاول اذاكر واصلي الفجر مش عاوزة ابقى كدا بدعي ربنا وعارفه ان شاء الله خير بس خايفه من الامتحانات وخصوصا مش عاوزة اغش عشان ربنا وانا مفتحتش الرياضه ولا الميكانيكا من اول السنه غير بقيت المواد عارفه فيها البعض لكن الرياضه ضايعه فيها ومش عارفه اعمل اي بس هاخد ب الاسباب وهذاكر غصب عني المهم ارضي ربنا وبابا💔
هل دا صح
اولا : طاقتك مهدورة فين ؟ ده السؤال اللى لازم تسألية وتجاوبي عليه وتوقفي اى حاجة بتستهلك طاقة ع الفاضى ثانيا: جددى نيتك فى الدراسة وانك يتعمليها لهدف اكتر من انك تكونى بترضى ماما وبابا. خلى حواليكى صحاب يشجعوكى ...لو مش قادرة تقعدى تركزى ...اقتحى فيديوهات شرح لمدرسين واسمعى الشرح ..ده اضعف الايمان. حاولى ومتخسريش نفسك سنة من عمرك.
تم النشر الثلاثاء، ٢٠ ديسمبر ٢٠٢٢
بتعملي ايه ف يومك؟ ايه الجديد أو التغيير في السنة دي مخليها صعبه عليكي ؟
تم النشر الأربعاء، ٢١ ديسمبر ٢٠٢٢
وعليكم السلام ورحمه الله وبركاته ليه مبقاش عندك طاقة؟ هل من الكلام اللي بتسمعيه ولا مثلا من الدروس والمدرسة والمذاكرة والضغط؟ ممكن نمسك واحدة واحدة ... ماما صدقني بتحبك وخائفة عليكي .. ولكن هي مش عارفه تتعامل معاكي بالشكل اللي انتي عايزاه، هي ممكن تكون هي من وجهة نظرها بتعمل الصح .. وهي ديه طريقة تشجيعها ليكي .. انتي عارفه أن فيه أهالي بتشجع اولادها عن طريق أنهن يقارنهم بغيرهم .. مثلا ! اه بيحصل جدا الكلام ده، ونيتهم بتبقى سليمة وبيبقوا عايزين يشوفوا أولادهم احسن ناس .. بس مش عارفين يعملوا ده بطريقة صحية أو بطريقة سليمة. ممكن تلتمسي ليها العذر ف ده .. وتحاولي تطمنيها ع اد ما تقدري. لو مضغوطة من المذاكرة وكل حاجه حواليكي .. حاولي كده تصفي ذهنك .. وتنظمي وقتك في المذاكرة .. وتشوفي حلول فعلا. اعملي جدول لكل مادة وتنظمي وتهندلي الدنيا كده، واعملي اللي عليكي ومتخافيش من اي حاجه ممكن تحصل بعدين .. المهم انك بتعملي اللي عليكي. حاجه كمان .. قبل ما ترضي بابا وماما ارضي نفسك .. اه نفسك .. عندك حلم اسعي وحاربي علشان توصلي ليه، انتي مش بتعملي كده لدلوقت بس علشان تخلصي من الثانوية وغيره لا .. انتي بتعملي ده دلوقت علشان تتعلمي تشيلي المسؤولة وتتعلمي الالتزام ده ليكي اولا قبل اي حد. اعملي اهداف لنفسك من تاني، فكري انتي ليه بتعملي ده لنفسك اولا..؟ اتمنى ليكي التوفيق
تم النشر الثلاثاء، ٢٠ ديسمبر ٢٠٢٢
انا واحد دخلت في مرحله اهمل لدرجه هنشوف اخر السنا دي كنت بستناها من غير مجهود ربنا يكون في عونك انت اديها وانتي الي بتخلي الي جاي اصعب ولا سهل
تم النشر الثلاثاء، ٢٠ ديسمبر ٢٠٢٢
ونا كمان في تانيه ثانوي أنا معاكي إن المرحله دي صعبه في حياتنا وكده بس هي مش تحديد مصير احنا نعمل اللي علينا ونسيب الباقي على ربنا وعلى فكره أنا كنت كده برضو بس لما بدأت اذاكر بضمير الحمدلله المواد كلهااا بقت تافهه 🙃. so, focus on your future 😉
تم النشر الأحد، ٢٥ ديسمبر ٢٠٢٢
لعرض السؤال في فدني اضغط هنا