انا مبدأيآ عندي 18سنه في تالته ثانوي من زمان وانا عندي حاجه بتخليني اتخيل كل حاجه حرفيا يعني لو كنت في الشارع وحد مثلا بصلي اروح واتخيل النظره دي بمليون سيناريو في عقلي وافضل علي الحال ده لحد ماتيجي حاجه تانيه تخرجني من الموضوع وادخل في اللي بعده وهكذا انا الحمدلله بصلي السنن وقيام ليل وصلاة الضحي والفجر واذكار يوميه وصلاه علي الرسول وقران يومي بس مفيش اي نتيجه انا بحثت وعرفت انها ممكن تكون احلام اليقظه لان انا في الاصل عندي وسواس قهري لاني برفض الافكار دي بكل قوتي وبردوا بتهجم عليا بطريقه مفزعه.. انا قريت كتب جداً علي امل اللاقي حل بس مفيش واسمع ناس بتتكلم عن الموضوع ده بس مبتجبش معايا نتيجه نهائي.. انا فعلاً تعبت انا نفسي ابقي زي اي حد طبيعي عنده خطط وحياه وهدف وانا كل ماحاول اخطط لحاجه افقد شغفي ومقدرش اكمل وبالذات انا نفسي ادخل كليه والله انا اللي عايزاه بسيط زي اي بنادم ربنا خلقه.. انا نفسي تخيلات تبعد عني ابطل اتخيل كل حاجه في دماغي انا لدرجة مبقتش قادره ابص لحد او اتكلم بجانب الرهاب اللي عندي انا فعلاً مدمره لو حد يفدني ارجوكم ويقولي اعمل اي؟
انتى بتقولى أن عندك وسواس قهرى ورهاب هل ده تشخيص دكتور؟ يعنى روحتى لدكتور قبل كده وقالك أن ده عندك؟
تم النشر الأحد، ١١ فبراير ٢٠٢٤
والوساوس دي انتي مش هتتحاسبي عليها لإنها بتيجي غصب عنك فمتحاوليش تغذي الأفكار دي وتعتبيرها شبهات وتشوفلها إجابة لا كده موضوع هيطول والحمدلله الإسلام مسبش شبهة الا ورد عليهم فتهتميش في افكار دي اعتبريها مش موجودة وزي ما قلتلك لازم تطلبي المساعدة من ناس صح الي هتفهمك شوفي حتي عنت أو يوتيوب وده طبعا ابتلاء أو اختبار فأنتي صح وطريقك مظبوط شوفي شغفك في دين إنك عايزة تفيدي مسلمين وتخدمي دين ربنا عشان تفوزي بالفوز عظيم واهم حاجة إلي هتثبتك في طريق هي صحبة صالحة لو حسيتي انك بتبعدي عن طريق استشيري ناس دي هي إلي هتشدك في دين فلازم تسألي الله الثبات والهداية وسداد وإنه يرزقك صحبة صالحة الي تثبتك عطريق ومنصحكيش نهائي إنك تبعدي عن طريق عشان الوساوس دي موضوع كده هيبوظ اكتر بلاش والفروض ٥ مفيهاش هزار
تم النشر الثلاثاء، ١٣ فبراير ٢٠٢٤
اسمعي فيدهات علي يوتيوب بتكلم علي وساوس قهرية سواء كانت في العقيدة أو غيره بس الأفضل دوكتور نفسي ورهاب اجتماعي ده حاولي تاخدي استشارة من حد من عيلتك أو صحباتك أو دوكتور أو حتي تشوفي عنت النت مليان نصايح بصي علي عموم اي مشكلة لازم تاخدي فيها استشارة لازم تطلبي مساعدة عشان تاخدي خطوة قدام واوعي يبقا تفكيرك يكون سلبي عشان ده هيمنعك تاخدي خطوة قدام وانت مستقمة يعني وكده فحاولي تحاوطي نفسك بصحبة صالحة هتثبتك واتعرفي عليهم
تم النشر الثلاثاء، ١٣ فبراير ٢٠٢٤
ممكن تنمي ده في حاجه مفيده انك مثلا تشوفي حياتك هتبقي عامله ازاى بعد ٥سنين انك تشوفي تقديرك الدراسي هيبقي عامل ازاى نهايه العام اشغلي تفكيرك في حاجه مفيده ليكي وحاولي انك لما تفكرى في حاجات زي كده انك تعملي اي حاجه بسرعه يعني تروقي الشقه تنزلي تتمشي تكلمي حد من اصحابك او اهلك اي حاجه تشغلي بيها وقتك في وقت التفكير
تم النشر الثلاثاء، ١٣ فبراير ٢٠٢٤
علي فكره دي حاجه مش مقلقه،بس في نفس الوقت قللي وقت فراغك جدا بحاجات انتي بتحبيها واكتشفي عادات جديده
تم النشر الاثنين، ١٢ فبراير ٢٠٢٤
يارب يسمع منك🤍
تم النشر الاثنين، ١٢ فبراير ٢٠٢٤
حاولي متكونيش لوحدك أغلب الوقت و لو بقيتي وحدك حاولي تشغلي نفسك بأي نشاط تاني مثلاً كلي أو أتحركي أو بصي حوليكي متشغليش دماغك بالحاجات دي لأنها وساوس من الشيطان ربنا يهديكي ويهدي بالك و يصلحك و يحميكي ويحفظك يا رب
تم النشر الاثنين، ١٢ فبراير ٢٠٢٤
لعرض السؤال في فدني اضغط هنا