انا عند فتح السوشيال ميديا اشعر بتوهان يبلغ حد اقصي بعد نصف ساعه حرفيا لا افهم ما افهم مجرد سكرول وبعدين بلاقي نفسي تايه وساعات الاقي فيديوهات كتيره احملها يوتيوب وما اسمع ولكن في البدايه اشعر انها غايه في الاهميه وللاسف لا استمع لها وهي مخزنه عندي اكتر من 300 فيديو.... لا اعرف تشخيص حالتي لكن اريد ان انتهي من هذا المرض نهائيا مش عايز حتى افتحها خالص انا كان عندي فيس ومسحته بس ليسا في يوتيوب والاسكرول فيه بيخليك تحس انك مش مركز خالص مع الفيديو اللي انت مشغله فحرفيا بحس بتوهان غريب ما هذا الشعور ولا اعرف فهمه هل انا مدمن؟
اريد ان اعرف منك اضرار استخدام السوشيال ميديا على وصلات العقل؟
واريد معرفه كيف استخدمها إيجابيًا واقنع نفسي بمنح نفسي اقل من ساعتين يوميا لكنها راحه فقط
وكيف ادرس من خلالها دون ضرر
بصي هكلمك عن تجربه شخصيه هكلمك عن نفسي انا كنت شخصيه بتحب تفتح ع طول سوشيل من فيس لواتساب ل يوتيوب ل ابلكشينات كتير لحد م بقيت والله بجد بقعد بالأسبوع واكتر من غير سوشبل واحيانا ف اوقات دراستي افتح ب اليومين وكدا المهم علشان توصل لدا بتخدها بالتدريج مش مره وحده يعني كنت احدد وقت لنفسي اقول النهارده ساعتين ويخلص الساعتين بالفعل اشيل التلفون من ايدي أخت فتره برضو أعود نفسي ع دا وبدأت اشغل نفسي يعني بدل م كنت افتح اتشات مع فلان لي مشفوش بدل م نتشات بدأت برضو اقعد وسط اهلي بدل م انا كنت ع طول ماسكه الفون اخرج مع صحابي اعمل اي حاجه المهم ابعد عن الفون او احدد وقت ليا ع حسب م احدد بس خديها بالتدريج مش مره وحده وبدأت اشغل وقتي بالدراسة مثلا لو الدروس اون لاين كنت بشوف مجموعه احسن اهو بعيد عن النت عموما او كورس مثلا كنت انزل الغي فكره الاون لاين عموما اما بقي اضرار السوشيل ميديا ف أضرارها كتير جداا منها رغبه في الابتعاد والعزلة والانطواء وبتقلل فرص التواصل المباشر مع اصحابك بيبقي الكتروني والتفكك الأجتماعي مع اسرتك وكمان مفيش خصوصية انعدام الخصوصيه انت بتعرف كل حاجه عن طريق الاستوري كل الناس بقت حرفيا بتعرض حياتها ع الاستوري اللي مسافر تلاقيه قايل علي الاستوري واللي عنده فرح واللي عنده جنازه واللخ...... دا غير الإضطراب ف نمط الحياه لو بتنام بدري هتلاقي العكس لانه بيعمل زبزبه ف المخ واضاعه الوقت طبعا والتغيرات المزاجية بسبب الأخبار اللي كلها بتبقي ع السوشيل والشعور بالوحدة والتشتت الفكري والابتزاز الألكتروني ف اضررها كتير بجد دا اللي ف دماغي حاليا اما أيجابيات السوشيل ميديا سهوله التواصل طبعا انك بتقدر تكلم اي حد ف اي وقت وممكن لو شخص بعيد مسافر وكدا تشوفه video call سرعه اخذ المعلومات ممكن لو عايز تعرف اي حاجه أبسط شئ تفتح جوجل تعمل search وكمان تقدر تعبر عن طموحك وافكارك من غير قيود وتقدر كمان اتطور من نفسك ف اي وقت ! انا تقريبا حكيت كتير sorry لو طولت 😂 اتمني اكون فيدك.
تم النشر السبت، ١٧ أغسطس ٢٠٢٤
أهلاً بك يا ذكي! واضح أنك حاسس بتوهان وعبء ثقيل بسبب السوشيال ميديا، وده مشروع تمامًا مع كمية المحتوى اللي متاحة ومتجددة باستمرار. خليني أقول لك شوية عن تأثير السوشيال ميديا على العقل، وبعدين هنتكلم عن إزاي تستخدمها بشكل إيجابي. تأثير السوشيال ميديا: تشتيت الانتباه: السوشيال ميديا مصممة عشان تخليك تسكرول بمسلسلات وفيديوهات بلا نهاية، وده بيأثر على تركيزك وقدرتك على إنك تلتزم بحاجة معينة لفترة طويلة. الإحساس بالضغط: دايمًا فيه ما يُعرف بالتنافس أو المقارنات بين الناس، مما قد يؤدي لإحساس بالفشل أو عدم الرضا عن النفس. إدمان التكنولوجيا: الاعتماد المفرط على السوشيال ميديا ممكن يحولها لعادًة، وتبدأ تحس أنك محتاج تخش عليها دايمًا. نصائح للاستخدام الإيجابي: حدد وقت معين: خليك صريح مع نفسك وحدد ساعتين مخصصتين للسوشيال ميديا يومياً. ممكن تكتب في ورقة الأوقات اللي هتستخدم فيها السوشيال ميديا والتزم بيها. أنشطة بديلة: حاول تدور على أنشطة تانية تحبها زي القراءة، أو الرياضة، أو حتى الهوايات. ده هيملا وقتك بشكل أفضل ويقلل رغبتك في السوشيال ميديا. تخصيص المحتوى: حاول تتابع محتوى يهمك ويفيدك شخصياً بدلاً من المحتوى العشوائي. ابحث عن قنوات تعليمية أو ثقافية تفتح لك آفاق جديدة. استخدم المنصات بشكل محدد: مثلاً، لو عندك فيديوهات مهمة على يوتيوب، خصص وقت محدد لمشاهدتها، زي ساعة واحدة في اليوم. كده هتحقق هدفك في التعلم وفي نفس الوقت تتجنب التوهان. بتمنى لك كل التوفيق، وإحنا هنا لو محتاج مساعدات أو نصائح أخرى!
تم النشر الجمعة، ١٦ أغسطس ٢٠٢٤
الموضوع يأتي تدريجياً بالنسبه إليَّ اولاً قمت بحذف حسابي علي فيسبوك نهائياً وكذلك انستجرام وتيك توك واكتفيت بالواتساب بسبب العمل وكذلك تويتر لمتابعة اخر الاحداث الرياضيه والسياسيه وحتي لا ننقطع عن العالم او اشعر بملل فأرجع لما كنت عليه ثانياً قمت بتوجيه وقتي علي الهاتف في سماع البودكاست وانصحك في البدايه بسماع نور اللحيدان بودكاست "سوان " كذلك تطبيق كورا وجدت عليه كم من الاسئله التي تخطر علي العقل واجابات الاشخاص هنا حقيقةً مُبهره لان تعدد وجهات النظر هنا "ايجابيه" تأتي دائما بحل هذا ما وجدته هنا كذلك الكتب والكثير من التطبيقات التي نصح بها اشخاص هنا لتحميلها يمكنك الرجوع اليها منها لتعلم لغه جديده او اكتساب مهاره جديده ….. ثالثاً واخيراً نظم وقتك وابحث عن عمل تشغل به وقت فراغك فالفراغ بالنسبه للانسان هو قاتلهُ .
تم النشر الأحد، ١٨ أغسطس ٢٠٢٤
السلام عليكم تعال نقول ايه مشكلة السوشيال ميديا السوشيال ميديا مشكلتها الهدف ان هي شيء تطبيق احنا بنفتح التطبيق بلا هدف ليه لان احنا عارفين ان في محتوى كثير جدا متاح وانا اقدر ان انا استغله طيب هستغله في ايه هعمل بايه هل انا محتاجه كل الكلام ده بيبقى جوه عقلي مش مهم مجرد ان في شيء متاح قدامي وكثير جدا وانا عاوز انهل منه انا عايزه اخذ من ده وانا عارف ان في هنا حاجات كتير مهمه وفي حاجات كتير بتضحك وفي حاجات كتير بتوصل لي اخبار من كل العالم طب كل ده دي اللي هي الفورميشن رشه يعني في كده ثوره وشغف كبير جدا بالمعلومات. طيب انا بقى محتاج المعلومات دي هعمل بيها ايه هستخدمها ازاي انا مش حاطط كل ده فاا ضروري بيحتاج ان احنا نوقف وقفه كده ونرجع ثاني نبقى حاطين هدف لاي حاجه قبل ما نبداها يعني مش هبداها وبعدين اقعد ارجع ادور على الهدف انا ممكن اخد ايه من هنا لا ما ينفعش استكي نوت صغنونه كده وقبل ما تفتح اي تطبيق تكتب في الاستيك نوت.
تم النشر الأحد، ١٨ أغسطس ٢٠٢٤
للأسف دة حال معظمنا الاحساس بالتوهان والتشتت والكسل والتسويف لكل حاجة مهمة مبقيناش عارفين احنا عاوزين ايه بالظبط علشان احنا عمالين نسكرول طول اليوم ودماغنا تتشتت من كثرة المحتوى وطبعا بنقارن نفسنا وحالتنا ونزعل دون تغيير حقيقى لأن التغيير الحقيقى مش بييجى غير لما الواحد يقعد مع نفسه بتركيز ويقرر قرارات ويقوم ينفذها بالفعل.ف دى مش حالتك لوحدك
تم النشر السبت، ١٧ أغسطس ٢٠٢٤
لعرض السؤال في فدني اضغط هنا