السلام عليكم ورحمة الله وبركاته أنا طالبة جامعية سنة أولي و حرفيا مكنش في شرح ولا كتب كنا بنروح عشان الغياب ولية الكتب نازلة من قريب و امامي شهر بس و أنا عايزة اجيب تقديرات فمش عارفه اعمل ايه دلوقتي ، عايزة خطة محكمة ، أنا لما بفكر في خطة بقول اني حاخد المادة كاملة في اليوم علي اساس فهم مش حفظ بس بحس أنه مش نافع عشان مفيش تدريبات تأكد فهمي للباب وان كمان بروح ٣ ايام في الاسبوع للكلية بوصل البيت ٤ مساء و مبعرفش اذاكر في الباص لأن بشوف حقد كبير من اللي حوليا و بيبان من كلمهم و مرعوبة اوي ياريت حد يدلني أنا أمامي شهر أبريل بس وشهر أربعة حيكون في آخره العملي بس مش مشكلة المهم النظري ٥/١
اهدي خالص الموضوع بسيط انتي ممكن عشان لسه سنه اولى ف قلقانه ده نظام معظم التعليم الجامعي وبتلحقي تذاكري وبتجيبي تقدير كمان وانتي نامي ف الباص متذاكريش بحيث انك تكوني فصلتي وارتحتي وتروحي البيت تهيئي نفسك للمذاكره وتمسكي ماده ماده تقرأيها بكشل عام والقرأه هتكون بصوت عالي وتعلمي ع المهم وده المفروض متاخديش ف الماده قرأه غير يوم هيكون كفايه عليها وتعملي ده ف كل المواد بعد كده ترجعي تمسكي ماده ماده تبدأي تلخصيها والاجزاء المهمه تجمعيها وتعملي خرايط ذهنيه تلخص كل جزء وده هتاخدي فيه من يومين لتلاته ف كل ماده تقدري تحدديها ع حسب المواد الي معاكي والاجزاء الي محتاجه حفظ احفظيها واستخدمي المذاكره عن طريق الشرح عشان تثبت معاكي المعلومات وتسهل عمليه الفهم والحفظ والاسترجاع وبكده هتكوني خلصتي قبل امتحاناتك ان شاءالله
تم النشر الجمعة، ٣١ مارس ٢٠٢٣
سنة اولى متقلقيش منها ان شاء الله هتلحقى تفهمى وتذاكرى وكله تمام ممكن يس تقولى انتى فى كلية ايه؟
تم النشر الجمعة، ٣١ مارس ٢٠٢٣
وعليكم السلام ورحمة الله وبركاته، أولاً أود أن أشيد بوعيك وحرصك على تحقيق التفوق الأكاديمي. يمكنك اتباع الخطوات التالية: 1- جدولة الوقت: يمكنك تخصيص ساعات محددة في اليوم للدراسة والتحضير للامتحان، وتقسيم المواد على عدة أيام حسب مدة الإمتحان ونوعية الاسئلة، بالإضافة إلى تحديد مواعيد محددة للقراءة والاستذكار لكل موضوع على حدة. 2- التدريب المستمر: يمكنك البحث عن مصادر التدريب على الإنترنت ومن خلال الكتب وتطبيق الاختبارات السابقة أو استخدام تطبيقات الهاتف التي تساعد في تدريب العقل. 3- التركيز الجيد: يمكنك ايجاد منطقة هادئة للدراسة كبارتك في المنزل أو في المكتبة. 4- ايجاد شريك دراسة: يمكنك العمل مع صديقتك للمساعدة على فهم المادة وتلخيص المواضيع والأسئلة. 5- استخدام الفيديوهات التعليمية: يمكنك الاستفادة من العديد من الفيديوهات التعليمية المتاحة على الإنترنت لفهم الموضوعات بشكل أفضل. 6- الحفاظ على الروتين الصحي: لجعل العقل يعمل بشكل جيد ، يوصى بالحفاظ على نمط حياة صحي ومتوازن ، مثل النوم الجيد والتغذية المتوازنة وغيرها من الأمور الهامة لشعورك بالاستعداد للدراسة والبقاء في حالة روحية جيدة. في النهاية، عليك أن تتذكري قواعد اللعبة، وهي أن تحرصي على دراسة مواضيع الامتحان بعمق وفهم شامل لها والتدريب المستمر، كما أنه يجب عدم الاستسلام للتوتر والقلق ، بل عليك الحفاظ على وعيك بأن الشهادة هي هدفك النهائي وأنه يجب عليك التفكير بطريقة إيجابية بالنسبة لاجتياز الامتحان.
تم النشر الجمعة، ٣١ مارس ٢٠٢٣
لعرض السؤال في فدني اضغط هنا