السلام عليكم ورحمة الله
أنا لسه مخلصة ثانوية عامة بس لسه النتيجة مش عارفة ربنا كاتبلي فيها إيه أو إيه الكليه اللي هدخلها، وأنا يعني مش حاطة كلية معينة حابة ادخلها... يعني قلت اللي ربنا كاتبه هرضى به أيًا كان.
أنا بسمع كتير بيقولوا إن الثانوية مش نهاية المشوار ودي حقيقة أنا مقتنعة بها بس بيقولوا ان احنا ندور في سوق العمل عن الحاجة الأكثر تداولا والأكثر شهرة، ومنربطش نفسنا بكلية معينة بس أنا مش فاهمة إزاي يعني سوق العمل إيه الأكثر تداولا فيه وإيه الكلية اللي لو جبت مجموع عالي بإذن الله اقدر ادخلها وتنفعني وكدا ويكون ليها وظيفة مضمونة؟
مرحبًا ألف مبروك مقدمًا و بالتوفيق إن شاء الله شوفى أنت هاوية ايه لأن حبك للمجال ايا كان هو ايه و أنك تطورى من نفسك فيه هيخليكى متميزة فيه سواء دكتورة أو مهندسة أو محاسبة أو مدرسة أو غيره و كمان هتكون قدامك فرص أكبر من اللى الدولة مقدماها بأنك تشتغلى مع شركات أو مستشفيات دولية طالما أنت متميزة فى مجالك. بالتوفيق
تم النشر الثلاثاء، ٢٣ يوليو ٢٠٢٤
العالم الآن يتجه نحو البرمجيات والذكاء الاصطناعي، لكن الخبر الجيد أن هذا غير مرتبط بالكلية. يعني أيًا كان مجال دراستك، فإن تطوير مهاراتك واستغلال فترة الدراسة الجامعية في بناء هذا الجانب في شخصيتك أمر مهم غاية الأهمية. خبر جيد، وهو أنه يمكنك الدمج بين دراستك وبين هذه المجالات، أو يمكنك السير على التوازي.
تم النشر السبت، ٢٠ يوليو ٢٠٢٤
هو لو انتي علمي فكليات الطب ليه مستقبل باهر ولو علمي رياضيات يوجد هندسه ولكن لم يعد قيمه لديه مثل الماضي كليه حاسبات ومعلومات تمام لو انتي ادبي فكليه السن من افضل كليات فيه شغل ويوجد سياسه واقتصاد موفقه انشاء الله
تم النشر السبت، ٢٠ يوليو ٢٠٢٤
وعليكم السلام ورحمة الله وبركاته! أولاً، مبروك على إنهاء الثانويه العامه، ودي خطوه مهمه جدًا في حياتك. أنا معاكي جداً في أن الثانويه العامه مش نهايه المشوار، بالعكس دي بدايه مرحله جديده في حياتك. بالنسبة لسوق العمل الحالي، في شويه مجالات معروفه إن ليها طلب كبير واللي بتوفر فرص شغل كويسه: الهندسه - بتخصصاتها المختلفه زي هندسة البرمجيات، الهندسة الميكانيكية، والهندسة الكهربائية، خاصة البرمجه، الطلب عليها عالي جدًا النهارده. علوم الحاسب - مجال التكنولوجيا والبرمجيات من أكثر المجالات النامية، ودايمًا في طلاب بحاجه متخصصين. الطب - دايماً في طلب على الأطباء والمجالات الصحية بشكل عام، زي التمريض، الصيدلة، والعلاج الطبيعي. إدارة الأعمال والاقتصاد - مع توسع الأعمال والشركات، في طلب دايماً على متخصصين في إدارة الأعمال، المحاسبة، والتسويق. علوم البيانات والذكاء الاصطناعي - مجال جديد واعد، في طلب كبير على المتخصصين فيه للشغل في مجالات التحليل والبرمجة والتطوير. بس الأهم مش بس إنك تدخلي كليه ليها طلب في سوق العمل، كمان إنك تختاري حاجة بتحبيها وتقدري تكملي فيها بشغف. حاولي تعرفي أكتر عن كل مجال، إيه اللي بيعجبك وإيه اللي حاسة إنك هتكوني مبدعة فيه. والنصيحه التانيه، حاولي تنمي مهاراتك الشخصية بجانب الدراسة، زي مهارات التواصل، العمل الجماعي، واللغات الأجنبية، دي كلها مهمه في سوق العمل. أتمنى لك كل التوفيق في قرارك، وربنا يكتبلك الخير في كل خطوة. 🌸
تم النشر السبت، ٢٠ يوليو ٢٠٢٤
Google data analysis
تم النشر السبت، ٢٠ يوليو ٢٠٢٤
اي حاجة ليها علاقة بالتكنولوجيا، البرمجة، الثري دي، الأكواد...... عالم النت والكمبيوتر عموما
تم النشر السبت، ٢٠ يوليو ٢٠٢٤
لعرض السؤال في فدني اضغط هنا