السلام عليكم
انا عندي ٢٣سنه انا مخطوبه بقالي ٣ شهور بس
المشكله حصلت بيني انا وخطيبي من اول ماحكيت لاختي وقالتلي اعملي كذا وكذا ف انا هحكي وياريت حد يقولي هي عندها حق ولا كنت اتصرفت بطبيعتي زي ما انا
جدة خطيبي ادته فلوس وقالتله هات لخطيبتك هديه وقولها جدتي جابتلك دي وهو جه قالي على الواتساب قالي جدتي بعتتلك حاجه.
قولتلو اي قالي هي اديتني فلوس وقالتلي اجبلك هديه كانها هي اللي جيباها بس انا قولت اديكي الفلوس احسن ف اتكسفت وقولتلو لا انا معايا فلوس مش هاخدها لا وقولت مش هاخد حاجه ف قالي يعني ارجعها قولتلو اه بعدين تاني يوم قلت علشان جدته ماتزعلش مني انا هقوله مايرجعلهاش حاجه وكلمته قولتله ابعتلي رقمها اكلمها اشكرها ومش لازم اخد حاجه قالي لا ازاي قولتله عادي بس ابعتلي رقمها قالي ماشي ومابعتش
قولتله انا قولت ل ماما ان جدتك بعتتلي كذا كذا وماما قالتلي كلميها اشكريها قالي انتي بتقولي لمامتك ليه وكان متضايق المهم قولته انا عاوزه اكلم جدتك قالي لما اجي اشوفك هنكلمها مع بعض وجه وقعدنا ومادانيش حاجه ولا كلمناها ولا اي حاجه، ف اختى كانت عارفه الموضوع قالتلي عملتي إيه قولتلها مافيش حاجه قالتلي اداكي فلوس اللي جدته بعتاها قولتلها لا ولا اداني رقمها قالتلي كلميه واقفي فالموضوع ده هو اخد الفلوس
وجدته فاكره ان انتي خدتيها ولا كلمتيها ولا قدرتيها هو مش عايز يبعت رقمها ليه قولتلها هو كل ما اقوله ابعت رقمها يقولي ماشي ويطنش المهم كلمته وقولتله ان ماما هتاخد عنه فكره وحشه لانه مطنش الموضوع ده وانه كده عاوز ياخد الفلوس ومش عايز يبعت رقم جدته ليه
قولتله ان ماما هي اللي قالت كده رد عليا قالي فلوس اي دي اللي اخدها خدي فلوسك اهي وبعتها فودافون كاش ورقم جدته وقالي انا عيني مليانه مش هبص لفلوس مش بتاعتي
فضلت افهمه ان كل اللي همنا ان احنا نقدر جدته اللي بعتت الفلوس دي واكلمها اشكرها وان انت بتطنش حاجه زي كدا ف علشان كده انا اتضايقت وماما اتضايقت اكتر لما قولتلها.
انا بقوله هات رقمها اكلمها اشكرها ومش لازم اخد الفلوس قالي هبقا ابعتلك رقمها ومابعتش حاجه فاماما قالتلي ازاي يقبل حاجه زي كده قالي انا مقبلتش حاجه.
وفضلنا نتخانق الموضع قعد اسبوع احاول الطف معاه واتاسف واقوله نعدي اللي حصل وهو يقولي اللي حصل واللي مامتك قالته مايتعداش المهم انا بقالي اسبوع بصالح فيه وف الاخر قولتله لو هتفضل تعاملني وحش كده تعالى اقعد مع بابا وننهمي الموضوع نسيب بعض قالي ماشي هاجي
ف اختي قالتلي كلمي مامته واحكيلها قبل ماتحكي لبابا علشان لو حكيت ل بابا هينهي الموضوع ومن ناحيه تانيه انا بفكر اجيبله هديه ولما توصلو ابعتلو اقولو انا حلفت ان انا مش هاخد الفلوس دي ورجعتها بس رجعتها بطريقه احسن وياريت ماتفكرش ان انا الموضوع موضوع فلوس الموضوع كله كان تقدير للي قدرتني وبس
انا مش عاوزه الموضوع يكبر ومش عاوزه احكي لمامته ولا ل بابا ومش عارفه اعمل ايه انا كنت مرتبطه بيه عمري ماطلبت منه فلوس ولا اتحطيت فالموقف ده
وعليكم السلام ورحمه الله وبركاته. انت حبيبتي اولا. مساله الهدايه كانت ممكن تمشي ابسط من كده بكثير وكنت تقولي له يعني اشكرلي جدتك وتمام خلينا ايه يعني لما ابقى لما نبقى نتقابل ابقى؟ الهديه انقيها مع بعض. من الموقف انا استنتجت حاجه ويا ريت تكون هي دي اللي حصل ولذلك هو اخذ الموقف ده. هو كان حابب هو اللي يجيب لك الهديه ولكن ما كانش عارف يجيب لك هديه ايه فحب يجيب الموضوع بالشكل ده ويقول لك ان جدته هي حابه تجيب لك هديه لان زي ما بتقولي يعني ممكن يكون عارف عنك انك هترفضي لو هو حب يخيرك في الهديه وهتقولي له لا وما تجيبش او لا شكرا مش عاوزه وهو محتار مش عارف يجيب لك هديه ايه فحب يجيبها بالطريقه دي عشان يخليكي تختاري الهديه اللي انت حاباها او يديلك الفلوس وانت تجيبي اللي انت عايزاه فوارد جدا انكم جدته مش باعته اي حاجه ولذلك هو ما حبش يديكي رقمها لانك كده هتكلميها تقولي لها شكرا وهي الست ما بعدتش حاجه اصلا. فطبعا انت ما جاش في بالك كده ما جاش في بالك اختك كده ده حسن ظنك كنا ان الاولى ان احنا نحسن الظن بدل ما احنا اساءنا الظن بيه ويعني دخلنا بقى في ان هو كده اخذ الفلوس ويعني دي حاجه مش حلوه خالص ومش لطيفه ان احنا نتعامل مع بعض بسوء ظن لان يعني ربنا قال لنا ان بعض الظن اثم. في الاغلب والله اعلم انت ممكن تكوني ظلمتيه ولا احد الاحتمالات وهو ما قصدش اي حاجه الراجل كان بيتكلم في هديه يعني هو اللي قايل لك يبعتلك فلوس ايه اللي هيخليه يفكر ياخد الفلوس يعني معلش لو هو حابب ان هو ياخد الفلوس ومش هيقول لك اصلا انت معكيش رقم جدته وما تعرفيش حاجه هو كان خد الفلوس وخلاص هو الموضوع انتهى. او كان جاب لك اي حاجه بسيطه بفلوس قليله مش بكل الفلوس وخلاص. فخليكي لطيفه نطفي الموضوع قولي لمامتك انا فكرت يا ماما هو ما كانش قصده حاجه انا اللي غلطت باني قلت الموضوع لاختي واختي اشارت عليا بحاجه غلط فا احنا كده. المفروض يعني نكون بنرجع له حقه وخليني انا اعتذر له وانا كمان بعتذر لك ان كل ده حصل وانت بقى موضوع بقى ايه تعالى وننهي الموضوع وكل الكلام ده وادي له فرصه ان هو يكون زعلان من موقف زايخ حصل معاه لان انت خليتي الموضوع يروح في حته بقى ومامتك واهلك ودي حاجه مش لطيفه اتعلمي من الموقف سيبي له فرصه ما ترجعيش تقعدي تتكلمي معاه وتقولي له ها هننهي الموضوع ازاي ها لا لازم يعني الموضوع لا اسكتي شويه خالص ممكن تكتفي بصباح الخير مساء الخير همم وخلاص على كده لو هو بيجي في يوم معين علشان تقعدوا مع بعض هو جه في اليوم ده تمام مجاش في اليوم ده برده تمام عادي جدا اديله فرصه يهدا من الموقف اللي حاصل وهو بالذات نفسه ان شاء الله يكون راجل متعقل ويوزن الامور ويعدي الموقف وتتعلموا منه ان شاء الله.
تم النشر السبت، ١٢ أكتوبر ٢٠٢٤
اولا انتي أخطأتي في بعض الامور لازم تاخدي بالك منها في المستقبل زي انك تقبلي الهدية عادي حتي ولو كانت فلوس كان ممكن تقوليلي تعالي نجيب بيها حاجة لينا لو مش عايزة تاخدي فلوس ثانيا مش كل حاجة تتحكي لازم اللي بينك وبين يفضل ما بينكو طالما مفيش تعدي واهانة طالما مشاكل عادية حاولي انتي تحليها بنفسك معاه بدون تدخل من حد ثالثا خلاص الموضوع بقي عائلي وكله بيتكلم فيه فاتصلي بامه اشرحلها وجهة نظرك وهي هتقدر تفهمك وتفهمه ولازم تعملي كده لو باقية عليه اخيرا موضوع فركشة الخطوبة هي مش اخر الحياة ولكن لازم نتعلم من اخطأنا ومنكررهاش واهم درس تتعلميه طالما المشاكل ما بينكو انتو الاتنين هتتحل هتتحل اكن لو طلعت برا للاهل حلها بيكون صعب
تم النشر السبت، ١٢ أكتوبر ٢٠٢٤
وعليكم السلام ورحمة الله وبركاته. أختي العزيزة، أقدر تماماً مشاعرك وقلقك حيال هذه المشكلة. من الواضح أن هناك سوء فهم قد حدث بينك وبين خطيبك، وأريد أن أساعدك في توضيح بعض النقاط. أولاً، من المهم أن تتحدثي مع خطيبك بصراحة حول مشاعرك واهتماماتك. ابدئي بالتعبير عن تقديرك لما فعلته جدته، وأهمية إظهار الشكر والامتنان تجاه ذلك. يمكن أن تكون مشاعره نتيجة للتوتر أو القلق من الموقف، لذا حاولي أن تكوني داعمة له وتفهمي وجهة نظره. ثانياً، حاولي التركيز على الحوار المفتوح بينكما، حيث يمكن أن تتحدثي عن كيف ترى كل منكما الموضوع بطريقة مختلفة. استمعي لما لديه من وجهة نظر وحاولي الوصول إلى حل وسط يرضي الطرفين. ثالثاً، لا تتسرعي في اتخاذ قرارات بشأن إنهاء الخطوبة. أحياناً تكون الأمور المعقدة بحاجة إلى مزيد من الوقت والتفكير. جربي أن تتصالحي مع نفسك حول ما تريدينه، وبناءً على ذلك، يمكنك اتخاذ خطوات مناسبة. أيضاً، كوني على دراية أنه قد يكون من المفيد التحدث مع والدتك أو أحد الوالدين، لكن تأكدي من أنه لا يتم تصعيد الأمور أكثر مما تحتاج. في بعض الأحيان، قد تتعقد الأمور إذا تدخل أفراد آخرون. في الختام، كوني صبورة وتذكري أن العلاقات تحتاج إلى تواصل وتفاهم. إذا كان هناك حب واهتمام متبادل، فمن الممكن حل هذه المشكلة. وفقك الله في خطواتك المقبلة.
تم النشر السبت، ١٢ أكتوبر ٢٠٢٤
عايزه الصراحه ، هو من البدايه ما كانش فيها حاجه انك تقبلي هدية جدته و تقوليله يشتريلك حاجه بيها و هو المفروض كان يرسلها مباشرة بدون سؤالك بعدها يقولك دي هديه بعد ما وصلتك عشان ما تكسفيش ، دي معلومه عشان المستقبل لو تكرر زي كدا موقف ، بالنسبه لموضوع جدته انتي ما كانش ينفع تساليه ع الفلوس و انما تقوليله ليه كل ما اسالك ع رقم جدتك بتتجاهلني دا فعلا مضايقني و دلوقتي خلاص الي حصل حصل ابقي اشرحيله الموضوع بصراحه زي ما بقلبك و قوليله احنا بفترة خطوبه و انا اي تصرف منك هحسبه عشان اعرف طبعك قبل ما خش في جواز فانت حيرتني لا انت الي جبت الفلوس و لا انت الي ادتني الرقم و بس و الخطوبة هي نصيب لو مكتوبلك مش هينفصل عنك فاتوكلي ع ربك و هو حيكتب لك كل خير
تم النشر السبت، ١٢ أكتوبر ٢٠٢٤
الموضوع مفهوش حاجه هو بس حوار مكنش فاضي يجيب هديه وقال اكبد هو مثلا مبيعرفش يجيب هدايا فا قال انتي تاخدي الفلوس احسن مش عارف الظروف فيها اي (ملحوظه: مش عايزين نسيء الظن في دي اسوء حاجه الواحد ميعرفش ينسهالك انا بكلمك بصفتي راجل ودا شعور مشترك بينا المهم) وفي نفس الوقت عشان مجبلكيش حاجه مش حلوة او مكنش فاضي ظلمتو اوي الراجل مكنش في نيته حاجه وفعلا حوار ولدتك يعصب انكو شفتو انو اخد الفلوس وكبرتو الموضوع يا جدعان انتي خطيبتو وهو خطيبك ودي حياتكم متدخليش حد بينكم وخلي بينكم اسرار يوم ما تستعيني بحد لو الموضوع كبر تكلمي حد تعرفي انو هيحل الموضوع لانو شخص عاقل مش تبوظو الدنيا كدا وربنا معاكو ويوفقو انشاء الله واتمني تكونو بقيت نصيب بعض في الاخر
تم النشر الأحد، ١٣ أكتوبر ٢٠٢٤
هو بصراحة اختي كثير كبرتو القصة كثير كثير! زي ما حكت سمية مكنش فيها اشي اذا اخدتي الفلوس وانت شريتي اشي عأساس هي من جدته، بالنهاية يمكن هو ما معو وقت يشتري وطلب منك، وعشان هيك عصّب لما قلتي لأمك على موضوع الفلوس... وبالنسبة لأختك ما فهمت لي قالت انو خطيبك هو الي اخد الفلوس؟ وفرضا قالت ما كان في داعي تقولي لخطيبك علموضوع... وبشكل عام ما تفوتي كثير اطراف بعلاقتك بتخرب صدقي! احكي معو وتأسفيله وما تبرري قليلو سوء تفاهم والواحد بتعلم من غلطه ، الله يوفقكو
تم النشر السبت، ١٢ أكتوبر ٢٠٢٤
لعرض السؤال في فدني اضغط هنا