أتعرض لموقف انهاردة مكنتش عمالة حساب انو يجى فى يوم زميلى اعترفلى انو معجب بيا من زمان ونهاردة علشان اخر امتحان ومش هايشوفنى تانى قالى انا قولت اعرفك انا عمرى ماهكلمك لحد ماجى أتقدم بس كنت عاوزك تعرفى بس رد فعلى كان غريب وممكن يكون فيه قلة ذوق انى ضربتو بالقلم بس والله غصب عنى هو فجأنى وانا مش من نوع انى تمام وعادى وكلام دة بعد ماضربتو قالى بقا انو مش بيقولى علشان نكلم هو كان بيعرفنى بس كدا انا غلطانة حاسة بالذنب بس هو دة الصح
ممكن نبدأ من أخر الرساله لاولها " انا مش من النوع اللي بيقبل دا أو كل حاجه عنده عادي " الجمله دي المفترض في الأصل بتعكس قيم جميله ولكن موقعها مبرر لنفسنا الغلط وكذلك " هو فاجأني " فضربته بالقلم حضرتك محتاجه تعرفي اكتر عن مهارات التواصل الفعال دا ضروري جدا ليكي محتاجه تعتذري للشخص عن تصرفك وأنه كان غير مقصود وتقوليله طريقه التواصل مع أهلك في اي وقت يتاح له وتقفلي بعدها اي مجال للكلام
تم النشر الجمعة، ٢٤ مايو ٢٠٢٤
السلام عليكم ورحمه الله وبركاته انا عارفه ان رد فعلك ده لانك ما كنتيش متوقعه خالص ان يحصل معك الموقف ده وانك اتصدمتي من انه يحصل معك وما كنتيش منتظره وما كنتيش عامله حسابك انه لو حصل معك موقف زي ده ولا فكرتي قبل كده ايه ممكن يكون رد فعلك فانت اتفاجئتي بان رد فعلك طلع بالشكل ده طب تعالي كده نجاوب على كم سؤال اللي هم يعني مضايقينك في ناس كتير جاوبت هنا في اجابتهم بس انا جبت ممكن تكون مختلفه عنه رد فعل اللي انت عملت ينفع ولا ما ينفعش بالنسبه لك انت ينفع لان بنت شايفه ان احنا ما ينفعش حد يقول لها حتى هو مقرر ان هو يجي يتقدم ما ينفعش يوقفني في الشارع ويقول لي الكلام ده حتى لو كان زميل لي في الدرا. سه فما ينفعش وده رد فعلك على الحاجه اللي ما تنفعش رد فعلك. ما يقولش ان انت مش كويسه تماما الشخص ده هيحترمك من رد فعلك وزي ما كان بيبقى في قصص زمان عن ان يتجوز مراته زي ما وقفت فعلا وقفت يقول لها اديني رقم باباكي راحت ضربته بالقلم فهو احترمها اكتر واتاكد ان هي محترمه ومش بتقبل كلام من اي حد فانا هشوف فيكي ده انك دي حاجه بالنسبه لك. تعدي الحدود اللي انت متربيه عليها ولذلك لانك رد الفعل ده ضربتيه بالقلم مش محتاجه تروحي تعتذري له مش محتاجه تطلعي تاني انت طلعت الاول والاخير الولد ده لو شايف نفسه ان هو حابب انه يكون راجل ويثبت لك ان هو ارجل من الموقف ده هيجي وهيتقدم لك وهيقول الموقف ده لاهلك بكل فخر انه بنتكم ضربتني بالقلم عشان انا قلت لها ان انا بحبك ربنا يديم عليك نعمه الحياه وربنا يديم عليك تربيه ان شاء الله يرزقك زوجي الصالح اللي يستهلك ويحافظ.
تم النشر الجمعة، ٢٤ مايو ٢٠٢٤
معذرة بس رد فعلك العنيف ده يدل على وجود مشاكل نفسية عميقة عندك تجاه الجنس الآخر فالمطلق . الجميع أشار ليكى ع ضرورة الاعتذار ورد فعلك وده حقيقي جدا وضرورى ولكن المشكلة الأصلية مش رد الفعل الذى لايتناسب مع الحدث فقط ولكنه يتضمن عنف وكأن الجنس الآخر والمشاعر العاطفية يتم ترجمتها لدى عقلك بكونها تهديد لأمانك وحمايتك ممايستوجب رد فعل سريع وعنيف معا .
تم النشر الجمعة، ٢٤ مايو ٢٠٢٤
اعتذريله عن اللي حصل منك و متكلميهوش خالص تاني و و عامليه كأنه شخص غريب متعرفهوش ده احسن ليكي عشان تحافظي على نفسك و على مشاعرك و عدام هو قال مش هيكلمك خلاص يبقى متخليش في تعامل أو تعامل بحدود، و بعدين الله اعلم إذا كان زميلك ده هيكون من نصيبك ولا لا
تم النشر الجمعة، ٢٤ مايو ٢٠٢٤
مكنش المفروض تضربيه بس حصل من الصدمه من الموقف اللى تعرضتى ليه بس هو ممكن يكون نيته سليمه من ناحيتك ممكن تعتذري له ،وتوقفى معاه كلام
تم النشر الجمعة، ٢٤ مايو ٢٠٢٤
لا دا م الصح، كان ممكن ترفضى بالذوق وهو كان هيتقبل لكن انتى كدا هنتى وقللتى منه، وهو مكنش جاى يعاكسك ولا يغلط فيكى دا مجرد اعتراف.. وانتى بايدك اللى تقرريه وتنهى وكل واحد هيروح لطريقه بس انتى كدا غلطى جامد 🙂
تم النشر الجمعة، ٢٤ مايو ٢٠٢٤
لازم تحددي النشاط المجال نفسى او اجتماعى هتلاقيهم عندك
تم النشر الجمعة، ٢٤ مايو ٢٠٢٤
فعلا اعتزريلو
تم النشر الجمعة، ٢٤ مايو ٢٠٢٤
اعتذر لمين لاطبعا
تم النشر الجمعة، ٢٤ مايو ٢٠٢٤
لي تضربيه روحي اعتزريله واقطعي الكلام معاه وبس ولو في نصيب هتتجمعو يسكر
تم النشر الجمعة، ٢٤ مايو ٢٠٢٤
لعرض السؤال في فدني اضغط هنا