انا عندي مشكلة دايما في معاملتي مع ناس ودايما حاسة برفض وكل ماكون قاعدة وسط مجموعة احس بخنقة واني عايزة ارجع بيتي لدرجة اني عشان اتكلم مع حد او اسأل سؤال باخد فترة عشان اعمل دا او ابدا كلام وببقي حساسة جدا واقل حاجة ممكن شخص قدامي يعملها بشيل جوايا
معتقدش ان ده رهاب اجتماعي.. اعتقد بس انك شخصية خجوله ومتعاملتيش مع الناس كتير .. انا كنت كده في اولى وتانيه جامعه .. وده شيء عادي وهتلاقي ناس كتير زيك على فكره .. كل اللي هتعمليه انك حاولي تتصاحبي على ناس كتير وخدي الجرأه في انك تبدأي الكلام وبعد ما تتعرفي عليهم خدي رقمهم ومش شرط تصاحبيهم .. ممكن تاني يوم تتعرفي على ناس جديده تانيين لحد ما تلاقي صحاب تحبيهم وترتاحلهم .. واللي فعلا هيساعدك تاخدي الجرأه وتتعرفي ع الناس هو انك تشتركي في activity او في الانشطه اللي بيعملوها الطلبه في الجامعه .. لأنهم اكتر ناس عندهم انفتاح وبيتكلمو مع الناس وهيعلموكي ازاي تتصاحبي على ناس جديده بسهوله .. وممكن برضو تشتركي في انشطه تطوعيه زي جمعية رساله او اي نشاط تطوعي يكون جماعي عشان تقابلي ناس جديده كتير .. وكل ما هتقابلي ناس كتيره كل ما هتكوني اجتماعيه مع الوقت
تم النشر الأربعاء، ٢٢ مارس ٢٠٢٣
حاولي بقدر الامكان انك متوصميش نفسك بحاجة هي فعلا ممكن تكون مش موجودة. يعني مينفعش علشان حد زعلان يقول عندي اكتئاب. مينفعش حد يكون عنده مشكلة ما، يقول انا عندي كذا، التشخيص مينفعش حد يشخصه لنفسه، والموضوع صعب جدا توضحيه من خلال سؤال عابر حقيقي. ف مينفعش اقولك انتي عندك رهاب ولا لا. الافضل طبعا تقومي بزيارة اخصائي نفسي علشان يشخص حالتك. ولكن اللي قدامي حاليا اني اوضحه ليكي، من خلال تحليلي لسؤالك، انك شخصية حساسة جدا، وده اللي بيخليكي قلقانة من رد فعل اي حد حواليكي، ومعتقدة ان انك مش مقبولة عموما اجتماعيا. ده طبعا له جذور عندك، ومفاهيم مغلوطة، ف قوليلي المضوع بدأ معاكي من امتى؟ واحكيلي عن تعامل اسرتك معاكي كان ازاي؟ وعن طفولتك!
تم النشر الاثنين، ٢٠ مارس ٢٠٢٣
ممكن بيكون عندك توقعات سلبيه من المخيطين بيكي وخوف وقلق من النقد او ملاحظه عيوب فيكي او اي حاجه يفكروا فيها بشكل يزعجك وده غالبا بيكون رهاب اجتماعي طبعا زيارتك لطبيب نفسي مهم جدا وتقدري تساعدي نفسك من خلال تمارين الاسترخاء العضلي والتنفسي وتشتيت الافكار الي بتكون عندك خلال اي تجمع بأنك تستغفري او تدندني حاجه بتحبيها او تعملي عمليه حسابيه مطلوه تشتت الافكار دي وكمان ممكن تواجهيها بأنك كويسه ومينفصكيش حاجه عشان حد يتكلم عنك وحش او يدايقك وان ربنا خلقك ف احسن صوره مفكيش عيب او خطأ وخدي نفس عميق بس لازم تواجهيها وتشتيها متستسلميش ليها
تم النشر الاثنين، ٢٠ مارس ٢٠٢٣
هو ده مش رهاب اجتماعى انتى حساسه جدا ...لذلك بتخافى من اى موقف يحصل وسط الناس او مع اى شخص فمتقدريش تتعاملى مع الموقف وتتحرجى سواء حلو او وحش.
تم النشر الاثنين، ٢٠ مارس ٢٠٢٣
أولاً، شكرًا لثقتك بي، سأحاول مساعدتك في التغلب على هذه المشكلة. أول خطوة هي الإدراك الذاتي والاعتراف بأن لديك مشكلة في التعامل مع الآخرين وأن هذا يؤثر على حياتك الاجتماعية. فيما يلي بعض النصائح التي قد تساعدك في التغلب على هذا الرهاب الاجتماعي: 1- محاولة الانضمام للأنشطة التي تهتم بها، و التحدث مع الناس خلال هذه الأنشطة. 2- انتبه إلى التحدث عندما يتحدث الآخرون، حتى تتمكن من الاستماع جيدًا والرد على ما قاله الآخرون بشكل جيد. 3- ممارسة التنفس العميق عندما تشعر بالتوتر و الخوف. ستساعدك التمارين التنفسية في الهدوء وتخفيف التوتر والقلق. 4- تفكير حول السناريوهات الإيجابية بدلاً من التركيز على السلبيات والأفكار السلبية. لا تنسى أن هذه العمليات يجب أن تبدأ من الداخل. العمل على أن تكون أكثر راحة في بشرياتك والتحدث بهدوء أمر مهم.
تم النشر الاثنين، ٢٠ مارس ٢٠٢٣
شكرا ليكي وعلي تعليقك ❤
تم النشر الاثنين، ٢٠ مارس ٢٠٢٣
الجامعة مش هتغيرك، انتي غيري من تفكيرك، انتي طبيعية جدا انتي لانك حاسة ان الناس الجديدة متشبهكش ومش قادرة تتعودي علي وجودهم مش مشكلة يعني، بس المهم انك تصبري وتشوفي هل احساسك دا غلط، والا فعلا عشان الاس دي مش شبهك فاحساس قلبك كان صادق، و ممكن تكوني لسة ملقتيش الناس او الاشخاص اللي يشبهوا روحك، لان ممكن انتي عندك صفات ومبادئ معينة متمسكة بيها لما بتقابلي ناس جديدة بتحسي انهم ناس تانية من حيث الاخلاق او التصرفات و نمطهم في الحياة واختلاف السلوك، بس هي الدنيا كدا كلها اختلافات لذلك اهم شي الثقة وانك تتعاملي مع الكل بس بلاش انك تتعمقي في التعامل لانك هتنصدمي في ناس كتير.
تم النشر الاثنين، ٢٠ مارس ٢٠٢٣
بس فعلا موضوع مأثر علي حياتي خاصة بعد دخولي الجامعة وكل ماتصاحب احس انهم مش شبهي وابعد وارجع للوحدة ومبقتش فاهمة هما الام شبهي ولا عيب فيا ومبعرفش اتأقلم مع ناس دا غير اني مش باخد علي ناس بسرعة وباخد فترة طويلة عشان اتعود علي وجودهم وبزعل من ناس بسرعة بس في نفس وقت مش بيبن دا ولابحب اعاتب ودا مخليني حاسة بالوحدة رغم اني فكرت ان الجامعة هتغيرني
تم النشر الاثنين، ٢٠ مارس ٢٠٢٣
انا كنت بمر بكدة واكتشفت ان سبب دة التوتر مع تفكير زيادة، لكن مفيش شئ اسمة رهاب بالموضوع دة، لان الرهاب شئ سئ مش سهل لذلك محدش يوهمك بالشئ دة وممكن يكون من اسباب كدة معاكي انك مش بتختلطي كتير بناس خارج اطار البيت، بتحبي العزلة او الوحدة وبتلاقي نفسك فيها مش اكتر
تم النشر الاثنين، ٢٠ مارس ٢٠٢٣
انتي عندك حق انا فعلا لازام اي حاجة هتحصل اقعد افكر بتفاصيل واخطط ليها وممكن لو محصلش زي معايزة بضايق
تم النشر الاثنين، ٢٠ مارس ٢٠٢٣
شوفي، مع احترامي للناس اللي جاوبت، متوهميش نفسك بموضوع الرهاب الاجتماعي كل الموضوع بيتمثل في انك مش بتمري بمواقف وتجارب تخليك تتعلمي، انتي تمام، مجرد توتر لانك مش بتعيشي اللحظة اللي انتي فيها بمعني ادق انتي بتفكري في الموقف قبل ما يحصل بتفكري هتقولي اية هتعملي ايه ودا شئ عادي بس متتوتريش ولا تخططي وكل شئ هييجي بسلاسة، خليك عفوية واتصرفي بشخصيتك الطبيعية بدون تصنع او تكلف مع الثقة كلو هيكون تمااام.
تم النشر الاثنين، ٢٠ مارس ٢٠٢٣
لعرض السؤال في فدني اضغط هنا