ليه الانتحار حرام؟؟؟!
طب لى مينفعش نتمنى الموت، عارفه ان دا ضعف منى بس الواحد بقا يتعرض لضغوطات نفسية تخليه كاره حياته ووجوده
وكل دا بسبب الناس اللى المفروض تكون مصدر امانك
لانه انتي بتقنطي من رحمة ربنا ثانيا نصيحه من واحده جربت التفكير ده محدش يستاهل انك تضيعي دنيتك وآخرتك عشانه مفيش حاجه في الدنيا تستاهل قولي لنفسك انا بحب نفسي انا بحب ربنا انا قويه انا اقدر احقق كل احلامي لوحدي انا ههتم بنفسي انا ههتم بحياتي انا عارفه انه الموضوع ده صعب جدا انك تحاربي عشان نفسك وكل الناس ضدك بس وعارفه انك هتقعي أكتر من مره بس مش تستسلمي ابدا وعمرك ما تفكري في الانتحار ده تاني انا برأيي أن الانتحار ده غباء لانه مش بس بتخسري دنيتك لا وكمان اخرتك
تم النشر الثلاثاء، ٣١ ديسمبر ٢٠٢٤
الانتحار عشان انت قررت من نفسك تموت دلوقت فبتتحدي اراده ربنا وتوقيته ... تمني الموت نفس الحوار ده غير فيه جزئيه كدعاء مش فكرها دلوقت.... بالنسبه للضغوطات حاولي تحكي مع حد قريب منك وقصدي هنا صديق ... حاولي لو متاح جيم او اي رياضه اجتماعيه نوعا ما لو انتي في بلد متاح فيها تنزلي في جروب كورس او نشاط او تطوع معين فجميل جدا.. احلي حاحه انا جربتها هي اني اكتب يومياتي كنت برتاح اوي ونوعا ما الزهق بينتقل طبعا لو معاكي فلوس تروحي لمختص فده الأولي
تم النشر الاثنين، ٣٠ ديسمبر ٢٠٢٤
والله ما أحنا بأكرم من النبي صلى الله عليه وسلم وأصحابه فقد أوذوا أكتر مننا والمعتقلين الي في سوريا والناس الي فيه غزة والله سبحانه وتعالى مافيش حاجة بتم إلا بمشيئته والله تعالى يقول وما خلقت الجن والإنس إلا ليعبدون اصبري واحتسبي...ما أصاب من مصيبة في الأرض ولا في أنفسكم إلا في كتاب من قبل أن نبرأها أي نخلقها إن ذلك على الله يسير والله سبحانه وتعالي أمرنا بالصبر والرضا وعدم التسخط على قضاء الله وقدره والله تعالى يقول { وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَنْ يَكُونَ لَهُمُ الْخِيَرَةُ مِنْ أَمْرِهِمْ وَمَنْ يَعْصِ اللَّهَ وَرَسُولَهُ فَقَدْ ضَلَّ ضَلَالًا مُبِينًا } والله تعالى الدنيا لا تعدل عنده جناح بعوضه مش بعوضه وإن كانت الحياة كلها راحة فما الفرق بيننا وبين الأنعام بل فيه جنة ونار واحنا هنا في اختبار { إِنَّا هَدَيْنَاهُ السَّبِيلَ إِمَّا شَاكِرًا وَإِمَّا كَفُورًا } { أَفَحَسِبْتُمْ أَنَّمَا خَلَقْنَاكُمْ عَبَثًا وَأَنَّكُمْ إِلَيْنَا لَا تُرْجَعُونَ } { أَيَحْسَبُ الْإِنْسَانُ أَنْ يُتْرَكَ سُدًى }
تم النشر السبت، ٤ يناير ٢٠٢٥
قال تعالى:(ولا تقتلوا انفسكم ان الله كان بكم رحيما). حرام عشان روحنا مش ملكنا، ربنا هو اللي خلقها وهو اللي ينهيها، لا روحنا ملكنا ولا ارواح غيرنا ملكنا فزي ماهو حرام نقتل غيرنا حرام برده نقتل نفسنا. ربنا سبحانه وتعالى خلقنا عشان نعبده، ف لو كل واحد فكر انه يقتل نفسه بمجرد م يلاقي مشكلة قدامه، دا هيهدد البشرية ومش هيحقق الغرض اللي ربنا خلقنا عشانه. بالنسبة للمشاكل اللي بنواجهها، فهي رحمة من ربنا عشان بتكفر ذنوب عملناها وبتعلمنا حاجات كتير. ف الأهم بقا ان احنا اما تواجهنا مشكلة لازم نقرب من ربنا اكتر عشان تكون بجد تكفير ذنوب ماتكونش سبب في بعدنا عن ربنا وزيادة الذنوب
تم النشر الاثنين، ٣٠ ديسمبر ٢٠٢٤
رحمة، أشعر بالألم الذي تشعرين به، ويُدرك الكثيرون كيف يمكن أن تكون ضغوط الحياة مروعة وصعبة. دعيني أوضح لك بعض النقاط حول موضوع الانتحار. في الإسلام، يُعتبر الانتحار من الكبائر، لأن الله سبحانه وتعالى خلق النفس وأعطاها قيمة عظيمة. الحياة هدية من الله، ومن الضروري أن نتحلى بالصبر على المصاعب والضغوطات. تحديات الحياة ليست سهلة بل قد تكون مؤلمة، ولكن من المهم أن نتذكر أن كل مشكلة لها حل، وأن هناك دائمًا أملًا حتى في أحلك الأوقات. التمنّي للموت قد يكون تعبيرًا عن الألم أو الضغط النفسي، لكن ذلك لا يعني أنه الحل. من الأفضل السعي لطلب المساعدة والدعم من الآخرين، سواء من الأصدقاء أو العائلة أو المتخصصين في الصحة النفسية. لذا، إذا كنت تشعرين بشدة بالمعاناة، فإنني أنصحك بالتحدث مع شخص تثقين به، أو حتى مع أخصائي نفسي يستطيع مساعدتك في تخطي هذه المشاعر. تذكري دائمًا أن طلب المساعدة هو قوة وليست ضعفًا. أنت لست وحدك، وهناك من يهتم بك ويريد مساعدتك.
تم النشر الاثنين، ٣٠ ديسمبر ٢٠٢٤
الضغوط الى بتتكلمى عليها مش هتروح بتمنى الموت بالعكس انتى بتدخلى نفسك ف دايرة التعب والحزن زيادة.. لو كانت دى حل مكنش حد غلب.. احنا بنتمنى الموت ع اساس انى كدا هرتاح من حياتى ؟! دا استسلام وضعف فعلا.. فين ايمانك ؟ سيدنا النبى لما حس بضعفه دعا ربنا ( اللهم إليك أشكو ضعف قوتي وقلة حيلتي وهواني على الناس، يا ارحم الراحمين انت رب المستضعفين وأنت ربي إلى من تكلني إلى بعيد يتجهمني، أم إلى عدو ملكته أمري إن لم يكن بك غضب علي فلا أبالي غير ان عافيتك هي أوسع لي أعوذ بنور وجهك الذي أشرقت له الظلمات وصلح عليه أمر الدنيا والآخرة أن يحل على غضبك، أو ينزل بي سخطك لك العتبى حتى ترضى ولا حول ولا قوة الا بك)... كلنا عندنا ضغوط وبلاوى ولكن مأمنك فين.. افتكرى دايما سيدنا لوط لما قال ( قال لو أن لي بكم قوة او آوي إلى ركن شديد) فين ركنك الشديد وقت الشدة والضيق ؟ فين اتكالك على ربنا ؟
تم النشر الاثنين، ٣٠ ديسمبر ٢٠٢٤
قال الله تعالى: (وَلا تَقْتُلُوا النَّفْسَ الَّتِي حَرَّمَ اللَّهُ إِلاَّ بِالْحَقِّ)... هل قتل النفس حلال ؟.. اين الحق فى قتل نفسك ؟
تم النشر الاثنين، ٣٠ ديسمبر ٢٠٢٤
لعرض السؤال في فدني اضغط هنا