عارفة ان اللى عملته دة غلط بس هحكى الحكاية من الأول
كان فى علاقة خطوبة سنة ونص وبعد كدة ماحصلش نصيب بسبب مشاكل بين الأهل ماليش علاقة بيها وتم فسخ الخطوبة على أمل ان لو المشاكل اتحلت هنرجع بس أهلى قالوا مش هيكون فى كلام بينا لحد ما نشوف هنرجع ولا لا
بس للاسف بعد فترة رجعنا نتكلم تانى من غير حد من الاهل يعرف وكان بيحاول يحل المشاكل دى علشان نرجع عارفة ان رجوعى للكلام معاه غلط جدا وندمانى عليه لحد النهاردة وبدعى ربنا يقبل توبتى
قبل رمضان كنا لسه بنتكلم ولاقيت مبلغ على محفظتى هو بعته وقالى علشان لو احتاجتى حاجة لنفسك عارف ان مصاريف رمضان كتير قولت شكرا وسيبتها زى ما هى قولت لنفسى هدور على طريقة وارجعها ومن نص رمضان قولت بشكل صريح انى فوقت ومش هقدر اكلمك من غير خطوبة وجواز رسمى وبعدت تماماً عنه
محفظتى دى فيها فلوس شغل لانى شغالة اون لاين بس امبارح بعد ما وصلى فلوس شغل لاقيت فى فلوس كتير زيادة وانا مافيش حد بعتلى حاجة اعدت ادور فى الرسايل لحد ما لاقيت مسدج من الشركة انه بعتلى فلوس اول يوم العيد وانا ماشوفتش الرسالة وهو ماكتبليش اى مسدج انه بعتلى فلوس
انا دلوقتى مش عارفة اعمل ايه فى الفلوس دى ابعتها كلها ولا اسيبها على جنب زى ما هى ولا اعمل فيها ايه بالظبط مع العلم مافيش اى نية للرجوع تانى
السلام عليكم، أنتِ ذكرتِ بتعليق إنه على تواصل مع والدك وبيحاول يحل المشكلة لكن ده لا يمنع إنه حاليًا يُفترض إن مفيش علاقة رسمية بينكم ومفيش أي مبرر إنه يبعت لك فلوس هدية في المرتين، فالأفضل إنك ترجعي له الفلوس، وإذا بعت يسألك فاشكريه وفهميه إنك مكنتيش مرتاحة وطول ما لسه الأمور مش محسومة فمش من حقك تاخدي فلوس منه. وإن شاء الله ربنا يكتب لك اللي فيه الخير ويرضيك به.
تم النشر الأربعاء، ٩ أبريل ٢٠٢٥
انا رأيي ترجعيله الاتنين بدون كلام؛ طالما مفيش بينكوا حاجة رسمي فمفيش مبرر انه يبعتلك حاجة ومفيش مبرر انك تقبليها. وبيني وبينك... انه يبعت فلوس يعيد عليكي وانه يبعتلك في رمضان دي حاجة جميلة وتعجب أي بنت، بس اللي مش جميل انه يعمل كدا من ورا اهلك و يكلمك من ورا أهلك، فكان من الأولى انه يهدي الأمور من ناحية أهله، ييجي ويرضي باباكي ب أي كلمة حلوة مثلا و يتوصل لحل يرضي الطرفين. لكن يحاول معاكي انتي، انتي في ايدك ايه!! وبصراحة لو الخلاف اللي حصل بسبب الماديات فانا شايفة ان كل دا مش بيدوم. فلو كان السبب كدا مش السبب حاجة في دينه او اخلاقه مثلا، ممكن تكلمي حد قريب من باباكي وبيعرف يأثر عليه ويلين دماغ باباكي وبعدين يروح للشاب دا ويتفاهم معاه برده، وربنا ييسرهولك لو كان خير ليكي ويرزقك بالأحسن منه لو كان شر ليكي.
تم النشر الثلاثاء، ٨ أبريل ٢٠٢٥
عزيزتي، ما مرت به تجارب صعبة ومعقدة، وأفهم تمامًا أن مشاعرك متشابكة في هذا الوضع. من المهم أن تتخذي قرارًا يعكس قيمك ومبادئك. بالنسبة للمال الذي تلقيته، فإنه يعكس جزءًا من العلاقة السابقة التي كنت فيها. إذا كنت تشعرين بأنك لا تريدين الاستمرار في العلاقة، وأن السلوكيات السابقة باتت غير مقبولة لديكِ، فإن خيار إعادة المال يُعتبر خطوة إيجابية نحو التوبة والنفسية السليمة. قومي بالتواصل مع الشخص الذي أرسل لك المال وأخبريه أنك تعتقدين أن من الأفضل إعادة المبلغ إليهم، حيث لا ترغبين في الاستمرار في العلاقة أو قبول شيء منه. ستساعدك هذه الخطوة في تعزيز شعورك بالمسؤولية، وتكون بمثابة طريقة لتنقية نفوسكما من آثار الماضي. تذكري دائمًا أن من المهم أن تكوني صادقة مع نفسك أولًا، ومع الآخرين ثانياً، وأن تسعي لتحقيق السلام الداخلي. يُمكن لأي شخص أن يخطئ، ولكن الأهم هو كيفية التعامل مع الأخطاء والتعلم منها. وفقك الله في مسيرتك نحو الأفضل.
تم النشر الثلاثاء، ٨ أبريل ٢٠٢٥
هذه فتوى دينية انصحك انك تطرحي سؤالك على منصة اسلام ويب او الاسلام سؤال وجواب أو دار الإفتاء ولو تعرفي شيخ تسأليه بشكل مباشر هيكون افضل ولو كنت محروجة ممكن تحذفي الجزء بتاع انكم رجعتم تاني وتقوليه أنه بعتلك فلوس من غير ما يتكلم وإنك مش عارفة تعملي بيها إيه
تم النشر الثلاثاء، ٨ أبريل ٢٠٢٥
لعرض السؤال في فدني اضغط هنا