جوزي بيكدب عليا علاطول وبخيل لما بيجيب لبس أو بيخرجنا بيبقي مش طايقنا استحملت كتييير معايا ولد وبنت كتييير سبت البيت لأن اوقات كان بيتمادي فيها ويضرب كنت هطلق منه بس والدتي كانت بتضغط عليا اني مينفعش أطلق ومعايا اطفال عشت معاه في بيت عيله مشكلتي اني مش عارفه اتعامل معاه علاطول واقفلي ع الواحده وبيخلق المشاكل بقول عشان خاطر ولادي استحمل من كتر اللي شفته منه كنت بدعي عليه جاله السكر ومش عارفه اعيش زي اي واحده عايشه اعمل ايه بصلي وبدعيله ربنا يهدي يأست هو بيبقي كويس طول ما العلاقه بيناكويسه لكن لما اتعب مش بيقدر وبيتقلب عليا انا عارفه نقطة ضعفه بس مبقاش في حوار بيني وبينه زي الاول كأنه متجوز عشان كده وبس انصحوني اعيش معاه ازاي اانا 27سنة وهو 35
شكرا لحضرتك على المشاركة من المفترض ان كل زوجة بتكون منتظرة من زوجها ان يكون لها الامان والسند والداعم الاول لها لحياتها عندما يتبدل الدور ويكون مصدر أذي لها بيسبب مشاكل نفسيه وافكار سلبيه للمرأه عن نفسها الافضل نفكر في حل يرضي الله اولا ويرضيكي مكانك اللي انتي فيه دلوقتي ربنا اللي يسره ليكي سواء المكان ده ملائم لينا من وجهة نظرنا او لأ فعلينا دور ربنا هيسألنا عليه فدورك كزوجة ربنا هيسألك عليه بعيدا عن الزوج نفسه بيؤدي دوره اولا انتي عليكي السعي علي قد ماتقدري وتؤدي ماعليكي ماتشاوريش علي دوره ولا اللي ناقص فيه ركزي مع نفسك وخلي كل عمل بتقومي بيه اولا يكون عباده لله وتعددي النيه يعني عباده لله وطاعة لزوجك ومثل صالح لاولادك وزرع الالفه والود بين الاسره ودورك كأم انتي هدفك تربيه الاولاد علي اساس ويكون ليكي هدف ونيه أسوياء نفسيا علي قد ماتقدري ماتكونين سبب وجعهم ودورك كعبده لله ودورك مع نفسك ودورك مع اسرتك الاكبر لو ركزتي فكل دور وتحاولي تأديه علي قد ماتقدري مش هتركزي فأفعال العباد اللي كل حاجة مسيره بأمر الله واكيد الكلام ده مش سهل ولا من يوم وليله دي رحلة ومجاهده بس كده كده انتي ماشيه فالرحله دي فقرري تختاري المجاهده اللي ليها نتيجة تنفعك فدينك ودنياك ربنا يهدي سرك ويبصرك بالحق 🌷
تم النشر الثلاثاء، ١٦ أبريل ٢٠٢٤
هي طبعا علاقه مرهقه ! ولكن ممكن نجرب طريقه مختلفه في التعامل ، من كلامك انه واقف لك علي الواحده وبيخلق المشاكل مع الكدب وغيره .. هذه النوعيه من الشخصيات كل ما تبحث عنه هو رد فعل منك حتي تقلب التربيزه وتبدا المشكله ! وساعتها يتمادي في رد الفعل ، بالرغم انه هو الفاعل في الاساس اتفهم ذلك. المهم هنا محتاج منك ثبات انفعالي عالي وضبط النفس ، ولن يأتي في يوم وليله ، ولكن بالتدريب . محتاجه اولا تتذكري بعض المشاكل السابقه ببعض تفاصيلها ويفضل لو تكتبيها . هتجدي انك لم تطلبي اكثر من الحقوق المسموحه والواجبه ! الثبات الانفعالي يأتي من ضبط مشاعرك ورد فعلك ، وتذكري المواقف السابقه انه مع اي رد فعل منك يستخدمه ضدك ! وهنا لا اقول لك لا تطالبي بحقك ، ولكن لا تتفاعلي مع ردود فعله وقتها ! لاتاخذي رد فعله بشكل شخصي حتي لا تكبر المشكله وفي نفس الوقت لا تسمحي له بتعدي الحدود وايضا بطريقه هادئه او انهي معه الحديث إذا بدأ بالغضب !
تم النشر الثلاثاء، ١٦ أبريل ٢٠٢٤
حاولي تستغلي نقطه الضعف دي لصالحك وجددي العلاقه بينك وبينك غيري مثلا اسلوبك البسي حاجه جديده عليه واول مره يشوفك بيها جربي تبعتي الولاد عند مامتك يوم ف يوم اجازته وقضيه معاه كاانك لسه اول ليله ليكي اجزبيه ليكي تاني بالحنيه والرومانسيه بالعربي قلدى الفيديوهات اللي هو اكيد بيشوفها جربي تدلعي عليه ووقت مايكون حلو معاكي خدى منه كل اللي انتى عيزاه واطلبي اللي تتمنيه ووقت دلع قوليله هتعملي الحاجه دى هعملك مفجاه هتجننك من اللي انت بتحبهم بصي اخري من توبك اللي اتعود عليه والبسي توب جديد تاني خالص هو اول مره يتعامل معاكي بيه ولو على البخل الحل باايدك وقت الدلع خدى عيونه
تم النشر السبت، ١٣ أبريل ٢٠٢٤
حاولي تستخدمي دا لصالحك وفهميه وجهه نظرك خصوصا لما يبقا فيه ولاد بنحب نوضع حلول كتير
تم النشر الأحد، ١٤ أبريل ٢٠٢٤
ممكن تتكلمي معاها براحه وتروحه لشيخ كويس يتكلم معاكم وينصحكم او تروحو لدكتور نفسي او تتداخل حد هو بحترمو او حد كبير من العيله يتكلم معاها بإذن الله خير وعلى قد ماتقدر ي اصبري واحتسبي اجراك على الله
تم النشر الأحد، ١٤ أبريل ٢٠٢٤
مش عارف اقولك بصراحه بس محستيش باسلوبه ده في الخطوبه؟؟! وليه ماخرتيش الخلفه شويه ؟! ولكن اعتقد الحل هو انك تحاولي تفهمي عقليته دي وتتعاملي معاها حتي لو هتسنغلي نقطه الضعف دي لصلحك اعملي كدا
تم النشر السبت، ١٣ أبريل ٢٠٢٤
لعرض السؤال في فدني اضغط هنا