اللي كنت مرتبطه بيه سنه و ٣ شهور اتقدملي بالفعل و خلال ال سنه و ٣ شهور دول كنت بقنع نفسي دايما بيه و احساسي اني دايما اني هشوف الاحسن منه يمكن عشان بيموت فيا .. حبيته لمجرد حبه الشديد ليا بس الفكره ان بعد ما اتقدملي قولت كل شئ قسمه و نصيب و سايبين بعض بقالنا ٤ ايام و حاسه بتأنيب الضمير اني خليته يحس بنفس الاحساس اللي كنت حسيته ب الإنسان اللي كنت مرتبطه بيه قبله و قسي عليا و سابني معرفش انا ليه عملت مع اللي اتقدملي كده يمكن من حبه فيا استقويت عليا و لما قولتله كده قالي انا قوي بس حبي ليكي اللي ضعفني مش عارفه اعمل ايه و الفكره أنه بينزل حاجات كتير اوي صور و ڤيديوهات لي و عينيه كلها دموع صعبان عليا اوي و حاسه اني عايزه اخدو ف حضني و اطبطب عليه و اقوله حقك عليا غصب عني متزعلش مني انا حاولت اقنع نفسي بيك دايما بس مقدرتش حاسه اني هتلاقي الشخصيه اللي نفسي فيها مع أنه مفيش اكرم ولا احن و لا حتي حبه موجودين ف الدنيا بقيت احس اني بقيت انسانه توكسيك لمجرد اتعمل كده فيا ف يوم من الأيام ف بطلعو عليه و هو ملوش ذنب ذنبه الوحيد أنه حبني بجد انا مش عارفه اعمل .. حد يقولي ارجعلو ولا اسيبه خايفه ارجعلو افضل حاسه احساس أنه مش احسن حد ف الدنيا و بفكر اسيبه و خايفه ملاقيش حبه ده تاني و ابقي خسرته و اندم عليه بس حقيقي من ساعه ما سبته و انا مدايقه مش عارفه انا بحبه ولا لاء و مش عارفه أقرر اعمل معاه ايه ! حد يقولي
بصي يا بنتي انتي ممكن تتكلمي معاه وتشرحي لي انتي عملتي كده لي وحاولي تخليه يتفهم ويسامحك بس اياكي ترجعي ليه تاني هتأذي اكتر لانك مش عايزاه اصلا انتي لما دخلتي معاه في علاقه كنتي بتحاولي تعوضي الا فراغ الا سابه حبيبك الاول بس ملقتيش دا وهو حبك جدا وانتي غلطي من الاول انك علقتيه بيكي فحاولي تصلحي دا بأنك تقعدي تتكلمي معاه وتفهميه أنه مفهوش عيب اصلا وان المشكلة من عندك انتي مش من عنده ودا كله يكون بطريقة كويسة واوعي تقولي حاجه تدايقه اكتر هو مش معني كده أنه هيبقي احسن بس علي الاقل تبقي وضحتي الموضوع وانك المشكلة مش هو وانتي برضو حاولي تتصالحي مع حوار حبيبك القديم عشان تعرفي تعيشي حياتك ولو معرفتيش لازم تروحي عند حد يساعدك عشان متغلطيش نفس الغلط تاني وعايزة اقولك انك مش وحشه وانك ضحيه زيك زيه اصلا بسبب الا عمله إلا كنتي مرتبطه بيه الاول فيكي. بس انتي غلطتي برضو بس احنا بشر ودا طبيعي وانا مش بيرد الا عملتيه انتي غلطتي بس هتصالحي من غلطك والدليل انك سبتيه ومعشمتيهوش اكتر بيكي أو اتجوزتيه وانتي بتحبي حد تاني
تم النشر الأربعاء، ١ مايو ٢٠٢٤
هل كنتِ مرتبطه بيه سنه و 3 شهور بس كل الفتره دي مش مقتنعه بيه؟ طب ليه كنتِ مكملة معاه ؟ أو إيه كان هدفك من العلاقه في النهايه طالما إن الهدف مش الزواج ؟ هل العلاقه كانت حلوة وهي مش حلال لكن بمجرد إن الأمر أخد إتجاه جاد حسيتي إنك كنتِ بتسلي وقتك مش أكتر؟ نصيحتي ليكي إنتِ مش بتحبيه فعلا إنتِ كنتِ بتضيعي وقت. إمسحيه من جميع وسائل التواصل وإمسحي رقمه وإمسحي كل حاجه تخصه من موبايلك وإقطعي كل سبل التواصل وإنسي اللي حصل وهو كمان هينسى مع الوقت .. بالنسباله هو إتقدم وإترفض و شويه وهيكمل حياته .. لكن مينفعش ترجعيله شفقه على حاله أو لشعورك بالذنب وترجعي تإذيه تاني وتالت ورابع لأنك مش عايزاه.. أما نقطه إنك خايفه متلاقيش حد يحبك زيه وتندمي عليه إنتِ كدا حاطاه في الإحتياطي عايزاه موجود عشان لو مفيش حد غيره يجي هو ؟ صدقيني لو كملتي معاه هتحسي دايما إنك فوتتي فرصه إنك تلاقي الشخص اللي عايزاه ونتعلم من اللي حصل إننا منرتبطش بحد ونتعلق بوجوده ونعلقه بينا برغم إنه مش مناسب لينا . لو كان من الأول إتقدملك كنتِ هتشوفي إنه مش مناسب من غير كل التعب ده.. فالأفضل فيما بعد لما يحصل وحد يحاول يدخل حياتك تطلبي إنه يتقدم بشكل رسمي وتفكري فيه كـ شريك مستقبلي فعلا مش كـ شخص هتكلميه عشان تضيعي وقت وخلاص.
تم النشر الأربعاء، ١ مايو ٢٠٢٤
هذا فعل منكر كيف لكي ان تعلقي شخص. بك ثم تتركيه. ما كان عليكي ذالك من البدايه كما انك لم تنظري الا ان. ما فعلته محرم اذا. كنتي مسلمه ولماذا انت متوتره انت لست مقدمه على زواج بل هي فتره خطوبه ارجو ان لا تتهوري لكي لا تندمي كل ما عليكي هو صلاه الاستخاره ومن رايي ان تقبلي به وراجعى مشاعرك لانك ارسلتي هذا الكلام فهذا دليل على استقبالك ل فكره الرجوع الذي اره هو انك لست خائفه ان تخسريه لكنك. مستسخراه هو وحبه ف حد غيرك كما انك قد رايتي عواقب الرفض بدون سبب من الحبيب ماذا فعلت بك فكاذا. تراها ان تفعل به انا لا اقسو عليكي ولا تخبرك انكي ملزمه ان تكوني معه لكن ان تتاكدي من مشاعرك لكي لا تندمي وان شاء الله ربنا يرزقك الزوج. الصالح
تم النشر الأربعاء، ١ مايو ٢٠٢٤
صلي صلاة استخارة و استخيري ربنا في اللي انتي حيرانة فيه، بس هو حبك و جه اتقدملك و سعى ليكي و عمل كل حاجة عشانك فتوكلي على الله يمكن هو ده نصيبك
تم النشر الأربعاء، ١ مايو ٢٠٢٤
لعرض السؤال في فدني اضغط هنا