عندي رغبة كبيرة جداً في الانتقال من البيت اللي بنسكن فيه أنا وأختي وأمي ويا ريت لو نقدر ننتقل من المدينة كلها خاصةً إننا منعزلين تقريباً عن أهلنا ومفيش أي علاقة بيننا وبين جيراننا وغير مرحب بينا من أصحاب البيت اللي ساكنين فيه دا غير الذكريات الصعبة في البيت دا. أنا مستعد أسيب الشغل عادي لأنه أصلاً غير مناسب من نواحي كتيرة ووالدتي على المعاش وأختي سابت شغلها من فترة. يا ترى هيكون قرار صح؟! هل مش هندم عليه ولا هيكون ليه تأثير نغسي سلبي بعد مغادرة الشقة اللي عشنا فيها سنين طويلة خصوصاً إني شخص بيشعر بالذنب تجاه كل حاجة في حياته ومريض بالوسواس القهري. محتاجة مساعدة من حد على دراية بعلم النفس.
ما تاخد هالخطوة الا باستخارة وسؤال الله التسديد والرشاد، فإن الله يعلم ونحن لا نعلم واكيد في اشياء لازم تاخدب الاسباب وتدرسها زي مكان السكن الجديد والفلوس والشغل رح يتعوض او لا.. لازم تدرسها واستخير بكل خطوة وربنا مش هيضيعك. قصة الوسواس بتحتاج تتخلص منو عند المختصيين والله اعلى واعلم
تم النشر الثلاثاء، ٢٠ يونيو ٢٠٢٣
الاسبااب الدافعة للانتقال كتيرة ومفيهاش تفكير طبعا والانتقال ممكن يساعد فى الوسواس اصلا لانك هتراعى فى المكان اللى تنتقلوا فيه النضافه واى حاجة تفرق مع الوسواس. الاحساس بالذنب اعتقد هيكون شبه مش موجود لان مفيش حاجة هتخسروها بالانتقال
تم النشر الثلاثاء، ٢٠ يونيو ٢٠٢٣
في الحقيقة القرار ده بيترتب عليه حاجات كتير جدا ... لازم تكون محسوبة كويس المكان اللي هتروحوا فيه هيكون احسن ولا لا، والفلوس طبعا .. حاجات كتير لازم تكونوا ع علم بيها .. اما الوسواس القهري هل اتشخصتي بيه من قبل مختص؟
تم النشر الاثنين، ١٩ يونيو ٢٠٢٣
وقت ماتحط اللي بيحصل في نفسيتكم و ذكرياتكم في كفتين هتختار بلا شك علاج نفسيتكم من السلبيات اللي مزعلاكم في المكان روح و اتكلم علي الله غير السكن بمكان افضل و اهدي وان شاء الله هتبقوا بخير
تم النشر الاثنين، ١٩ يونيو ٢٠٢٣
لعرض السؤال في فدني اضغط هنا