مش عاوزه حد يحكم عليا بتفكير وتصرفات الماضي لكن محتاجه حد يفهمني ايه التصرف الصحيح معرفش البدايه بدأت ازاى لكن كنت صغيره جدا كان عندى حوالي من 7ل9 سنين تقريبا جات ليا واحده قريبتى قدى فى السن وطلبت منى حاجه بس مش بأسمها طلبت منى العب معاها لعبه وانا مكنتش فاهمه ايه لعبه عروسه وعريس يعنى ايه الكلام ده وقعدت تقولى اعملي كذا وكذا وانا هعمل كذا وكذا وكانو اهلي واهلها قاعدين برا قرايب بقا وكده وسايبنا نلعب فى الاوضه جوا على أساس أننا بنلعب انا مكنتش فاهمه حاجه بس انا كنت بقول اعمل الي هى بتقولو وخلاص لما كبرت اكتشفت أن ده اسمو فعل قوم لوط طيب بعيدا عن اى حاجه الموضوع بقالو سنين جدا جدا ولكن مش قادره انسي محدش يعرف اى حاجه عن الموضوع ده ابدا ربنا سترها عليا لكن قريبتي دى لسه بشوفها بس عمرى ما حسيت انها بتلمح وكأن الي حصل كان حلم ولكن كان حقيقه بس بقول حلم يمكن عشان بسأل نفسي ازاى عملت كده مع أن ابويا وامى واهلى احسن ناس واحسن تربيه لكن معرفش ايه الي حصل البنت دى اصلا مرتبطه بولد وارتبطت كذا مره والمعلومه دى بذكرها عشان اوضح ان هى بتحب الولاد عادى معرفش ليه حصل كده وف نفس الوقت احنا عملنا كده كذا مره انا فاكره الحدث بس مش فاكره التفاصيل وكمان مش عارفه قريبنا كان معانا ولا لا انا كنت صغيره جدا ف مش فاكره بس اعتقد لا انا قريبه من ربنا وبحاول اقرب اكتر معرفش لحد الآن حاسه انى بحلم دايما بفكر انا ازاى زباله كده ولكن بحاول اهون علي نفسي وانى كنت صغيره هل انا كده هدخل النار ؟ وملعونه ليوم الدين ؟
السلام عليكم ورحمه الله اهلا بيكي خلينا متفقين و انتي في هذا السن غير مكلفه، و علي غير علم بالحرمانيه هذا الفعل، و حدث مره واحده بحياتك. و لم تفعلي هذا الذنب مره اخري، فالتائب من الذنب كمن لا ذنب له، و لو هنفترض مثلا مثلا انك هتتحاسبي عليه ف انتي خلاص توبتي ف من كل النواحي ربنا هيغفر ليكي أن شاء الله. ✴️طيب الأفكار دي تعملي فيها ايه، شوفتي المنانشيت اللي بيكون تحت القناه الاخباريه؟؟؟ اتفرجي علي الفكره اللي بتجيلك زي المنانشيت كدا بالضبط بصي عليها و متعمليش اي تعليق بدماغك خليها تمر هتلاقيها تلاشت و مبقتش تيجي في دماغك
تم النشر الأحد، ١٤ يوليو ٢٠٢٤
هدئي من روعك، لا بأس عليكِ. أولًا كنتِ صغيرة غير مكلفة فاطردي الموضوع من تفكيرك، ثانيًا إجابة سؤالك قبل أن أقرأ السؤال هي: نعم. الله لا يغفر الذنوب جميعًا فقط، بل يبدل الذنوب حسنات. فقط يلزم العبد توبة واستقامة. غفر الله ذنبي وذنبك، آمين.
تم النشر الأحد، ١٤ يوليو ٢٠٢٤
مرحبًا، شكرًا لمشاركتكِ مشكلتكِ مع فدني وإن شاء الله تجدي ما يطمئن بالكِ ويساعدكِ في مشكلتكِ. بالنسبة للمغفرة، فالله يغفر الذنوب جميعًا عدا الشرك. مهما كان الذنب كبيرًا، ما دام المسلم تاب منه توبة خالصة وأدى التوبة بشروطها من الإخلاص لله في طلبها والإقلاع عن الذنب والعزم على عدم العودة إليه فالله سيغفر له ذنبه إن شاء الله. بخصوصكِ أنتِ، أنتِ كنتِ صغيرة للغاية ولا تعرفين ما تفعلين وعندما كبرتِ وفهمتِ شعرتِ بالندم على ما وقع منكِ رغم عدم تعمدكِ أو فهمكِ، وهذا شيء جيد. كل ما تفكرين فيه الآن هو وساوس من الشيطان ليحبطكِ ويبعدكِ عن القرب من الله، كلما حاولتِ الاقتراب من الله أكثر يحاول تذكيركِ بأنكِ مذنبة وارتكبتِ شيئًا عظيمًا ولن يقبل الله قربكِ. لذا لا تسمعي لوساوس الشيطان وارمي كل هذه الأفكار وراء ظهركِ وركزي في حياتكِ. تقربي من الله وحافظي على صلاتكِ وركزي في ملأ حياتكِ بكل شيء نافع ومفيد. تحياتي.
تم النشر الأحد، ١٤ يوليو ٢٠٢٤
حبيبتي، أول شي، أنا فخورة فيكي إنك فتحتي قلبك وشاركتي اللي جواكي. الوضع اللي انتي بتحكي عنه مش سهل، وأكيد أثر فيكي بعمق. بس لازم تفتكري حاجة مهمة: انتي كنتي طفلة صغيرة جدًا، وما كان عندك الفهم الكافي أو القدرة على اتخاذ القرار الصح. الأطفال في السن دا بيتصرفوا بناءً على اللي يتقالهم من حد تاني، وما بيكون عندهم الوعي الكافي عشان يفهموا الحقيقة أو العواقب. ربنا رحيم وغفور، ووعد إن اللي يتوب بصدق هيتغفر له. انتي دلوقتي بتقربي من ربنا وبتحاولى تكونى الأفضل. دي حاجة رائعة ومحل تقدير كبير عنده. افتكري دايمًا إن ربنا بيشوف قلبك وموقفك دلوقتي، مش اللي حصل في الماضي وانتي مش قادرة تسيطري عليه. الوضع دا صعب عليك لكن أوعى تخلّي نفسك تتحملي الذنب كله. انتي كنتي طفل بريء، ومهما كان اللي حصل، مش غلطتك. لازم تكملي تتكلمي مع ربنا وتطلبي منه التوجيه والسماح. ممكن تفكّري كمان في التحدث مع مُتاح ثقة - زي مدرب حياتي أو مُرشد ديني - عشان يساعدك تخرجي من الإحساس بالذنب وتحصلي على الدعم المناسب. ومهما كان، حبيبتي، متسبيش الشيطان ياخدك لمكان مليان بالحزن والذنب. انتي تستحقي السلام والمحبة والسعادة، وربنا بيناديكي للحاجات دي. خديها وحدة وحدة، واتذكري انك مش لوحدك في رحلتك دي.
تم النشر الأحد، ١٤ يوليو ٢٠٢٤
لعرض السؤال في فدني اضغط هنا