هو ده مش رهاب ده بس خوف من انك تكونى اقل من التوقعات ....بتحصل من مرحلة الطفولة لان الاهل غالبا كانوا بيضغطوا عى حتة انك ازاى تعملى كده ومينفعش تغلطى فانتى بشكل لاواعى وانتى كبيرة بقيتى تتجنبى انك تتعرضى لنظرة حتى فيها لوم او نقد او اى حاجة معناها ..انتى ازاى تعملى كده . عشان تقدرى تتعاملى بقى ...محتاجة تتقبلى فكرة الغلط وفكرة انه دى طبيعة بشرية وان مهما حصل فاحنا ممكن نتعامل مع نتيج الاخطاء وبعدها نطلع احسن منها كمان اكتشفى نفسك ومميزاتك وتعمدى تتعاملى بيها وتظهريها حتى لو مش هتتكلمى مع حد . من غير كلام مع الناس ممكن تسيبى اثر حلو وهما اللى يحبوا يقربوا منك كمان ...مجرد انك تكونى مبتسمه او خلى فى جيبك بونبونى و اديه لاى حد جنبك ...هتبقى مميزة ومعروفة بحركة بسيطة وجميلة حتى لو مش بتتعاملى مع ناس اصلا .
تم النشر الأحد، ١٣ أغسطس ٢٠٢٣
مش عارفه اقولك اي بس انا عندي نفس مشكلتك تقريبا و فعلا معنديش صحاب خالص 🙂
تم النشر الأحد، ١٣ أغسطس ٢٠٢٣
قرأت تعليقاتك.. ديما اي مشكلة بيبقى لها مسبب رئيسي لها .. والسبب هنا (اهلك) انتي قولتي انهم كانوا ديما بيوجهوا ليكي النقد والمقارنات .. محتاجة اعرف هما لسه بيتعاملوا معاكي بالشكل ده ولا لا؟ وايه نوعية النقد او المقارنة ..؟ يعني نقد ع ايه بالظبط؟ والمقارنة كانت مثلا بين احد اخواتك او اقاربك مش كده ؟ سواء هما اشطر، هما احلى، اي ما كان .. هل ده بيحصل؟ انتي قولتي ان اهلي مش بيحبوني ف ليه الغريب هيحبني لما اهلي لا! انا هفترض معاكي اسوء الاحتمالات .. يعني هفترض معاكي انهم فعلا بيتعاملوا بجفاء معاكي، بيتعاملوا بطريقة سيئة وفعلا قاصدين ده، كمان برضه مش بيحبوكي. شوفي انا افترضت معاكي كل الامور السيئة .. في الاول .. هل ده يعني ان برضه محدش هيحبك او مثلا حد ميكونش عايز يقرب منك من صحابك؟ هل ده يعني ان مثلا انك زي ما هما وصفوكي؟ هو مين بالظبط اللي المفروض يحدد ده، واللي هيحدد ده المفروض يحدده بناءا ع اي اساس؟ يعني مثلا لو انا جيت وقولت ليكي انك مش شاطرة؟ انا ع اي اساس هحدد ده، وع اي اساس اصلا حكمت عليكي؟ طيب ده جزء .. الجزء التاني هل تعتقدي ان لو فيه حد عايز يقول لحد حاجه يقولها بالطريقة ديه اساسا .. يعني على سبيل المثال لو فيه طفل قدامنا واحنا شايفين ان الطفل ده مستواه ضعيف في المذاكرة .. هل الاسلوب الصح اني اروح اقوله ع فكرة مستواك سئ جدا، انت فاشل، على فكرة ابن خالك احسن منك، واشطر منك .. وانت متستاهلش تتحب اصلا لانك مش شاطر .. هل تعتقدي بقى ان ديه التربية الصح؟ هل تعتقدي انه الاهالي دول اشخاص بالفعل اسوياء نفسيا؟ اكيد لا .. طيب هو فيه اهالي بتعمل كده؟ طبعا فيه طيب بيعملوا ليه كده؟ هما فعلا ليه قاصدين يدمرونا نفسيا .. هو للاسف بيعملوا كده ع امل ان الاطفال ديه تكبر وتكون كويسة وشاطرة .. لكن هما مش بيعرفوا انهم بيعملوا جريمة ف حق الاطفال ديه. ومن وجهة نظرهم ان ده تحفيز علشان يبقوا احسن .. يعني انا بحفزك ولكن بطريقة عكسية علشان تبقى احسن حد في الدنيا .. ولكن طبعا الطريقة غلط جدا. الحل ايه؟ اولا - علشان تبقى احسن فعلا لازم تواجهي نفسك بس من وجهة نظر نفسك انتي مش من وجهة نظر اهلك مع احترامي الشديد ليهم. وجهة نظر الانسان عن نفسه هي تعتبر بمثابة افعاله اللي هيعملها اتجاه نفسه والاخرين .. يعني ببساطة شديدة لو انا شايفة نفسي بطريقة كويسة .. واقعية يعني ولا سوبر مان برضه ولا سئية خالص .. لا شوفي نفسك على حقيقتها ب مميزاتها وعيوبها زي باقي الناس .. ولكن عايزاكي تركزي على مميزاتك وتعملي فوكس عليها بل واشتغلي عليها اكتر ونميها .. اما العيوب تقدري تططلقي عليها (نقاط التحسين الشخصية) يعني ايه الاشياء اللي محتاجة بالفعل اشتغل عليها. ثانيا - محتاجة كمان تتكلمي مع اهلك وقولي لهم المشاكل اللي انتي فيها حاليا، بسبب طبعا معاملتهم .. وانك مش عارفه هل هما بيحبوكي اساسا ولا لا .. مش عارفه اذا كانوا بيعملوا ده علشان تبقى كويسة فعلا ولا هما شايفينك كده فعلا؟ ايا ما كان اللي هما هيقولوه .. هتظل ديه نظره اشخاص اليكي بس انا محتاجة منك انتي اللي تصنعي وجهة نظر نفسك عنك انتي بناءا ع انتي شايفة ايه .. مش اهلك شايفين ايه .. هما مش (الله) اكيد فهامني . ثالثا - ( ارمي نفسك البحر ) بالظبط كده زي ما سمعتي ارمي نفسك البحر .. حاجه مش فهماها ارمي نفسك فيها لازم تسألي .. اول مرة ممكن متعرفيش تقولي مثلا السؤال بطريقة صح .. وهنا ممكن اقولك فكرة علشان تدي ليكي ثقة بنفسك اكتر .. اي حاجه تقف قدامك والمحاضر بيشرح مثلا تقدري تكتبيها ف ورقة بكده صياغتها هتكون سهلة عليكي وانتي بتقرايها .. فيه واحدة قاعدة جمبك .. حاولي تتعرفي عليها، ارمي نفسك البحر برضه يمكن متعرفيش تعومي اوي .. بس مع كثرة التعاملات هتبقى احسن .. وثقتك في نفسك هتعلى. رابعا- كل انجاز اكتبيه .. كل انجاز تعمليه ف حياتك سجليه وحطيه قدامك علشان يحفزك اكتر .. واكتبي مميزاتك برضه في غرفتك ف مكان برضه يبقى متشاف علطول. اتمنى لكي السلامة
تم النشر الأحد، ١٣ أغسطس ٢٠٢٣
لازم تغيري من نفسك يعني بالمختصر( تطوري من نفسك ) ويجب أن تزيدي من ( معنوياتك ) لأن المعنويات أساس النجاح وأساس الحياة لأن بدون معنويات لا يوجد للإنسان شغف للحياة لهذا عليكي بالمعنويات و تطوري من نفسك يعني تغيري شخصيتك الي خلتك بعيده عن الناس كوني متفاعلة لكي يكون لديك وجود و بتوفيق لك ✨❤️
تم النشر الأحد، ١٣ أغسطس ٢٠٢٣
ارشحلك العادات السبع للمُراهقين الأكثر فعاليه تقرئِه هتستفادي منه بجد متتجهليش الموضوع هو الكاتب شين إتكلم في مجمل الحجات اللي حضرتك بتوجهي فيها مشكلةة. و تسمعي بودكاست دكتور يا سر الحزيمي عن العلاقات في فنجان ثمانية دول هيفيدو حضرتك جدا ربّ يبارك فيكِ
تم النشر الأحد، ١٣ أغسطس ٢٠٢٣
انزلي شاركي بعمل تطوعي ايفرق معاكي جدا
تم النشر الأحد، ١٣ أغسطس ٢٠٢٣
لعرض السؤال في فدني اضغط هنا