عكس الشباب صداقاتهم كتيرة ولكن حتى لو في نفسنة بينهم بيعرفو يتخطو دا ويبقو اصحاب مدى الحياة
عكس البنات كلهم نفنسة وتوقيع بين بعض وبيحبو يغيظو بعض ومبيكملوش في صداقة
انا كنت بقعد لوحدي طول السنين الدراسية مفيش بنت فكرت تتصاحب عليا وتخرجني من غزلتي لانها عندها اصلا صحاب فا مش محتاجة
يعني هو الستات او البنات فالجواز لازم الراجل هو اللي يبادر بالاعجاب كمان هما نفس الكلام فالصداقات يعني لية اناناتيات كدا وبخلا؟!؟!
انا كرهت البنات والله عشان بحسهم لازم عايزين كل حاجة لنفسهم ولو حصل العكس ممكن تبعد عشان مش لاقية مصلحتها وفنفس الوقت بلاقي الرجالة جدعة معايا وبتقف جنبي وببتسأل عني لما تحس اني متضايقة رغم اني كنت ممكن اعاملهم معاملة وحشة بلاقيهم جدعان عكس البنات خالص بياكلو وبينكرو وفيهم كيد مريض
أول حاجه أنا بعتذر لو كلامي ممكن يوريكي واقع غريب بس ديه الحقيقة الصحاب كتير لكن صديق خير من ألف صاحب يعني أى و إيه الفرق بين صديق و صاحب المعني صديق : رفيق العمر و طول ما فى أيدي يساعدك و يقف جنبك بيساعدك و بيحبك فى الله و مش عايز ليك ضرر غير لو الضرر ظه هيفيدك صاحب : ديه جايا من كلمة ساحب و على رأي المثل الصاحب ساحب ده بيبقى أقل من درجة الصديق و فى كذه مسمى ليه زي زميل الدراسة طب برضوا مجوبتش على سؤالي؟؟؟؟ بالنسبة للبنات مقدرش أفيدك علشان أنا مجربتش اصاحب بنات ولا بعترف بكده أصلا لكن بالنسبة للشباب فأنا أحب أقولك أى ولد مش شاب هيعمل معاكي كده و هيكلمك بجدعنه و بصوت واطي و بطبع حنين ليه؟ لأنهم عايزين يتقربوا منك عايزين يرتبطوا بيكي و نخرج سوا و نطلع مصيف سوا و ننام مع بعض سوا و نتصور سوا و كل ده علشان يقول لصاحبوا أنا مصاحب بات و بخرج مع بنات (دول أغلبية الولاد اللي بيعملوا كده و اقليه جدآ من الشباب اللي مش بيعملوا كده) و على فكره هو مش بيسأل عليكي علشان أنتي صحبته لا علشان برضوا يبقى أسمو بيكلم بنات اللي عايز اوصلهولك طبيعي إن الولاد يكلموكي حلو و يبانوا قدامك ملائكة الرحمة لكن الله أعلم بنيتهم و أخلاقهم و ده غلط أصلا إنك تختلطي بيهم ليس كل صاحب صديق و ليس كل صديق صاحب و على فكره ممكن تكوني أنت أخلاقك مش متقبله تصرفاتهم فمش عارفه تختلطي بيهم وبس أتمني إني أكون وصلتلك الفكره صح و لو قولت حاجه فيها تعدي فى الكلام أنا بعتذر و لو فى نقطة مش مفهومه أقدر اوضحلك بمثل بس.
تم النشر الخميس، ١٣ يوليو ٢٠٢٣
بس مش كل البنات زي بعضه. فيه بنات كتير جدعة وحنينة وهتقف جنبك في اي وقت. بس في بنات كتير كمان صعب التعامل معاهم. البنات زي الشباب، فيه منهم اللي بيهتموا بالصداقة والحب والعلاقات واللي بيهتموا بالنجاح والماديات. بس في النهاية، كل واحد فينا بيختار اللي يناسبه. فخلي بالك لما بتتكلمي عن البنات، مش كلهم زي بعضه.
تم النشر الجمعة، ١٤ يوليو ٢٠٢٣
طيب هنتكلم في كذا جزء ... اول حاجه مش كل البنات بتاعة مصلحتهم... مش كل البنات وحشة... مش كل البنات منفسنة... مش كل البنات زي ما انتي متخيلة ... طيب ليه؟ علشان من الغلط جدا اننا نعمم على ان كل البنات كده .. ده مش واقعي .. طيب انتي ليه بتعملي كده؟ بتعملي كده علشان ل اما ملقتيش صديقة مناسبة ليكي، ل اما لقيتي وكانت تجاربك معاها مش لطيفة. وفي الحالتين ده مش دليل ان كلهم وحشين والعالم كله وحش .. لو هتبقى ديه نظرتك بقى في كل شئ ف الحياة وع اي حاجه تجربيها وهتقولي كلها وحشة .. عمرك ما هتقابلي الحلو ... وهقولك مثال تاني كمان:- لو فرضنا مثلا ان واحدة جوزها خانها، هي طبعا بعد كده هتكون في حالة صدمة شديدة .. وممكن يوصل معاها الحال انها تدخل في اضطراب ما بعد الصدمة وتبقى في حالة ذعر وقلق من الرجالة كلهم بقى، وتقولك كل الرجالة خاينة! طيب هي حكمت بأن كل الرجالة خاينة لانها اساسا مش في حالة طبيعية ... هي في حالة صدمة من اللي حصلها مش اكتر. ولكن لما سلوكها يتحسن وتبقى في حالة تسمح لها انه تشوف الامور على طبيعتها وتحكم وتستدل على الاشياء بمنطق وعقلانية .. كل حاجه هتتغير. الجزء التاني اللي عايزة اكلمك فيه .. وهي الصداقة ما بين الرجل والست .. اولا مفيش حاجه اسمها صداقة ما بين ولد وبنت .. (الكلام هنا مبني على الدين) لو هنتكلم بقى في الناحية اللي خارج الدين .. اه برضه مفيش حاجه اسمها صداقة ما بين ولد وبنت ؟ طيب ليه برضه؟ لأن انتي قولتي بنفسك اهو مفيش راجل مي بيدخل يتكلم معايا ويقولك مالك ويعرف اللي مضايقك .. طيب ما ده طبيعي من الراجل انه يعمل ده وبالذات مع واحدة ست .. ده ممكن ينفض لصاحبه الراجل واول ما يلاقي بنت يكلمها بدل صاحبه اللي بيكون محتاجه! هو الراجل عايز من البنت ايه غير انه يكلمها، وشوية شوية الكلام يبدأ ينعم، شوية شوية يقولك انا حاسس بحاجه، وهكذا بقى وانتي فاهمة انا قصدي ايه كويس... طيب هو ممكن يكون كويس؟ مفيش علاقة ما بين اتنين لو لو حد من التاني عايز حاجه منه... والاحتياجات بتختلف طبعا من شخص لشخص .. ولكن احتياجات الرجالة ناحية البنت بتختلف تماما .. عن ما تكوني انتي مصاحبة بنت .. طبعا فهماني .. حتى لو بالكلام .. يعني حتى لو كنتوا بس بتتكلموا .. يعني يروح يكلم راجل ولا يكلم بنت؟ هسيب ليكي الرد. + ان وارد جدا احد الطرفين سواء انتي او هو مشاعره تتحرك وده طبيعي .. طيب لما حد منكم مشاعره تتحرك او يبدأ انه يفكر في التاني ولكن باسلوب مختلف؟ هل ده ينفع ؟ طيب ليه نوضع نفسنا اساسا من الاول في مواضع احنا في غنى عنها اصلا! ليه نعلم كده؟ ف سبحان الله ... ربنا اعلم بكل شئ والموضوع ده جه واضح وصريح بأنه محرم. قصة بقى انك كرهتي البنات .. مش يمكن انتي اختيارتك غلط؟ متصاحبيش اي حد ومتقوليش ع ايه حد ديه حبيبتي وروحي من اول وهلة .. استني ومتحكميش علطول .. ادرسي اي شخصية قدامك الاول لحد ما تطمني ليها، اعرفي هل فعلا ديه شخصية متوافقة معاكي ولا لا. وهكذا اتمنى اكون افادتك بشئ
تم النشر الجمعة، ١٤ يوليو ٢٠٢٣
• هذه نظرتكِ أنتِ ونحن غير مسئولات عنها ، بادري بالصداقة مع الصالحات وإن لم يُبادلوكِي نفس الإهتمام سطحي علاقتك معهم ويكفِي أن يكُونواْ زُملاء ، ولا تُعممي حديثك لأن هذا عدم سواء نفسي.
تم النشر الخميس، ٢٥ يناير ٢٠٢٤
مع احترامي ليكي طبعا بس انتي زيك زيهم فيكي نفس الخصله و ده اللي انا خت بالي منه من كلامك انك مستنياهم هما اللي يجوا يصحبوكي ليه انتي متشوفيش الشله اللي تكون شبهك ولايقه عليكي و تحولي تقربي منهم و تصحبيهم و ساعتها هتلاقي بقي ليكي صحاب كتير من نحيتهم ان كل واحده فيها عندها صحاب وانتي معاها هتلاقيها بتعرفكوا ع بعض
تم النشر السبت، ١٥ يوليو ٢٠٢٣
لأنه لازم تعرفي تصاحبي، يعني حاولي لمرة انتِ تبدي الكلام مع البنت لأنه ممكن هم كمان بستنوا منك! ومش أي صاحب بكون جد صاحب، ومش مهم كتر الصحاب المهم صاحب واحد تقدري تشاركيه كلشي وتقدري توثقي فيه! 🤍 ومبدأيًا، في بنات صاحبات عسل وبتقدري تأمنيها ع كل حياتك، وفي بنت ما بتقدري تأمنيها ع اشي لأنه هتغدرك، أصابعك مش واحد والناس كلها مش واحد 🤍 **أما معلومة إنه الشباب أحسن من البنات، صحبة الشباب بين بعض غالبًا بتفرق عن صحبة البنات، وإذا شب بيهتم فيكِ أو ببيِّن هيك فهاد طبيعي لأنك بنت وهم طبيعي عندهم يهتموا بالجنس الآخر، بس هاد مل بيعني إنه مافي صحاب بيّاعين وغدّارين🤍 بكل مكان في الصالح وفي العكس المهم تعرفي تختاري وتصاحبي، وبرجع بحكيلك حلو كمان انتِ تبلشي الحكي مع الناس ما تستني منهم هم يحكوا معك🤍
تم النشر السبت، ١٥ يوليو ٢٠٢٣
لعرض السؤال في فدني اضغط هنا