بنحب بعض وعاوز يبعد عشان حرام

Question

بحب واحد وبيحبني جدا ولكن كان حب واحده قبلي لمده ٤سنين ودلوقتي هوا معايا وبيحبني لكن دايما يفتكرهاومش قادر ينساها واتفاهمت معاه وقولت هحاول وهينساها هي اتخطبت وبردواهوا لسه بيفكر فيها دلوقتي بيقولي لازم نبعد وحرام كلام ال ما بينا وانا حبيته اووي ولما قال نبعد ومش تفكري فيا ومش هاجي اتقدمللك نانسي كل حاجه عشان احنا كلامنا علاقه محرمه ومش هكمل عشان ربنا قولتله ماشي ومش نتكلم تاني بس انا بحبك وانت بتحبني عاوز تسبني خالص ليه قال انتي مش بتفهمي وبتعندي في دين انا بحبه بحبه حب مش طبيعي وقالي انا بحبك اكتر منها لكن مش هيحصل واجي اتقدمللك وحلف كتير وانا مش عرفه اعمل اي وموجوعهاووي

Accepted Answer

طيب اولا مفيش ادنى شك انه حرام طبعا .. لكن الشخص ده مش صادق معاكي .. وللاسف انتي اتلعب بيكي .. اولا لو هو بيقول ان كلامنا حرام، ماشي حرام همشي وراء الكلام للاخر .. مجاش يتقدم ليه؟ علشان تبقوا في الحلال؟ اللي عمله بيفسرلي حاجه واحدة بس بالنسبالي انه بيستخدم الدين علشان يقطع علاقته بيكي مش اكتر. متحاوليش مع حد مش عايزك، ثم انتي قولتي ان سنك 19 سنة .. انتي لسه صغيرة اوي يا قمر، يعني هو كمان برضه اكيد سنه صغير مش كبير ف وارد زي ما بقوك انه يكون بسضحك عليكي وبيتشلى، ثم الابشع مة كده انه يكون كان بيحب البنت الاولى ديه وواخدك انتي ك علاقة بديلة علشان ينسى الاولي. خاصةً انه كان بيوقلك انه لسه فاكرها ولسه بيجيب سيرتها .. مينفعش اصلا حد يدخل علاقة وهو لسه جواه حاجه من علاقته اللي قبل كده. الحل ايه؟ اشتري كرامتك وابعدي، متحاوليش ترجعي .. هو على فكرة ممكن يرجع .. بس متحاوليش ترجعي له .. العلاقة ديه اخرتها مش حلوة بالذات طبعا ليكي. لو عايزك يجي البيت .. غير كده صدقيني انتي مش ف امان.

Answer

بصي خليني صريحة معاكي هو يا اما مش بيحبك وهيسيبك عشانها لانه طبيعي يكون بيقارنك بيها وانتى لو سمحتى له أنه يقارنك بيها تبقي غلطانه يا اما فعلا تاب بس لو تاب مش هيقولك مش عايز اتقدم ف بالى هنعمل ايه هتقوليله لما يقولك نبعد قولى تمام بس لا اكتر ولا اقل ومتعمليش بلوكات ولا تمسحي رقمه أو صدقته الا اذا هو عملك بلوك هتعمل بلوكات زيه وتقعدى حاولى اسبوع مختفيا تماما حتى لو كلمك مترديش وكأنك بعيد الشر موتي هنقرب من ربنا اوي ونستغفر كتيييير دى اهم حاجه نتهم بنفسنا ونعمل اسكين كير وهير كير احلوي اتصوري صور حلوة وحطيها بعد الاسبوع دة على البروفايل تفتحي لو بعت تردي على الاقد جدا وكانكه صحاب واوعي تضعفي لو مبعتش شهر او اتنين بالكتير هيبعت وتردي بردوا على القد وبرخامة انجحى في حياتك ولما يقولك نرجع قولى لا واعملى بلوك ومعتيش ترجعيله اوعي تضعفي أو متمشيش على حاجه من دى ومترطبتيش الا بحد متقدملك اصلا

Answer

اعمل اي عوزة حد يفيدني انا صدقت ورديت عليه كلمته

بنحب بعض وعاوز يبعد عشان حرام

اجتماعية

حب

سؤال من احد أعضاء فدني

تم النشر الثلاثاء، ١٨ يوليو ٢٠٢٣

4 إجابة

24 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك