انا بنت وحيده ف اولي جامعه عندي اخين ولاد واحد اكبر مني وواحد صغير... ماما دايما بتقلل مني وبتهيني وتهزقني قدام اي حد وتفضل تقول للناس دي غبيه وبغل وصفرا وتدافع عن اخويا الكبير وتقول دا الي حنين عليا وكلام حلو ولما نكون قاعدين وف ناس وكدا وبيتكلموا واجي اتكلم تفضل تشتمني انت بتتدخلي ف الكلام ليه مع ان ممكن يكون حد موجهلي كلام وبرد عليه عادي ممكن توصل انها تديني بالقلم قدامهم وف اي مكان ومع اي حد تفضل تشتمني وتقلل مني وتهيني لدرجه ان الناس تفضل تقولها دي بنتك الوحيده وبتاع تقولهم دي مصيبه وتفضل تشتمني حقيقي انا نفسيتي بقت زي الزفت ومبقاش عندي ثقه ف نفسي خالص وبقيت ارد عليها رد وحش وبتفضل تزعق وتشتمني وممكن تضربني ..... انا بحب واحد عارفه انه حرام بس غصب عني مفيش حد بيسمعني ومفيش حد بيشجعني وبيخلي عندي ثقه ف نفسي وبيفرحني ضميري بيأنبني بس مش عارفه ابعد عنه نفسيتي بتبقي زي الزفت مش عارفه اعمل ايه ومش قادره اتخطي اي حاجه وحشه امي بتعملها معايا ودا غير بابا الي بيجي عليا كتير عشانها حتي لو انا مش غلطااانه بس عشان ميزعلهاش يجي عليا اناااا واخويا الكبير طبعا بيفضل هو وهي يتريقوا عليا وكدا لدرجه اني بقيت اكره الوقت الي بيجي فيه تعبت حد يقولي اعمل اي
من اسوأ الحاجات اللى بتحصل من الامهات ..تفضيل الذكور على الاناث بالشكل ده بدون اى ردود سيئة ...لما تلاقى كلام مش كويس قومى وانسحبى من المكان لو لقيتى اى اذى منها بالشكل ده بردوا انسحبى بدون ولا كلمه فوضى امرك لله وانتى ان شاء الله اجرك كبير عشان صبرك على اهلك انتى بقى كل ما يعملوا وحش انتى خليكى الجزء الحلو وهيجى يوم وهتكون حنيتك وادبك هى السبب فى انهم يشوفوا غلطهم
تم النشر السبت، ١١ نوفمبر ٢٠٢٣
انا مش هقول ان حبك ده حرام او في نفس الوقت حلال لانه حصل في وقت انتِ كنت محتاجه فيه الاحتواء والحب والاهتمام طبعا اي شخص في الطرف الثاني هيديكي كل ده بس خلينا متفقين ان العلاقه دي ما ترضيش ربنا ولازم تبعدي او تطلبي من الشخص ده انه يتقدم وتخلوا ربنا راضي عنكم في العلاقه دي بالنسبه لمامتك خليكي عارفه ان كل حاجه مهما خدت وقت بتعدي وحاولي تتجنبي المشاكل معاها واي تريقه خديها في محل الهزار وهنصحك نصيحه كوني صداقات مع البنات هتخفف عنك الزعل هيكونوا اخواتك ومش هتحسي بالوحده الي حد ما دا غير ان الصحبة ونس
تم النشر السبت، ١١ نوفمبر ٢٠٢٣
احسن حاجه انك تتجاهليها شويه وتحسيسيها ان هيه عادى ولا حاجه انا عارفه انتى هتقوليلى ازاى ده ماما تجاهليها شويه ومش تتكلمي معاها وخليها تحس بقيمتك وحاولى تغيري شخصيتك يعنى لما تزعقلك اسكتي واهدى وخليها تكمل عادى وطلع إلى جواها وبعدين أمشى من قدامها وكنها مش موجوده مره على مره هتحترمك وتبدأ تحترم اسلوبها انا عارفه الموضوع اللى بتشكى منه بيحصل مع ناس كتير حاولى تدخلى على اليوتيوب وتتعلمى تقوى شخصيتك وتخليها هاديه ورزينه ولما تبدأ الموال بتاعها بدل ما تتخانقى معاها سبيها تكمل واقعدى ساكته وهاديه وبعدين قوللها لسه فيه حاجه مزعلاكى لو فى طلعى وكملى انا سامعه ولا خلاص معادش عندك طيب الحمد الله اقوم اشوف ورايا ايه بعد اذنك ياماما وبوسيها من راسها وامشى صدقينى هتحرجيها بالادب ومش عادت هتعمل كده تانى وخلى بالك من نفسك ومش تخلى اى حاجه تفقدك ثقتك فى نفسك ثقتك في نفسك شيئ نابع من داخلك لا تسمحى لأى شيء بنزعه وربنا يوفقك فى دراستك ودايما خلى المواقف الصعبه تبنيكى مش تهدمك
تم النشر السبت، ١١ نوفمبر ٢٠٢٣
الصبر مفتاح الفرج ادعى ربنا و حافظى على صلواتك و ادعى كتير أن ربنا يحنن قلب امك عليكى أما بخصوص ارتباطك فلازم تسيبيه لان صدقينى دا مجرد لعب مش اكتر يعنى الموضوع هينتهى بكسرة نفسك و قلبك و هتتعقدى اكتر من الاول لازم تثبتى لنفسك انك تقدرى تسيبيه عشان ثقتك فى نفسك تعلى فيبقى عندك تقدير لذاتك فبالتالى مش اى كلمة من اى حد هتضايقك أو تأثر فيكى ربنا يوفقك و يهديكى و يهدى أهلك و يحنن قلبهم عليكى
تم النشر السبت، ١١ نوفمبر ٢٠٢٣
اقعدى معاها واساليها؟ لى بتعاملك كده وان ربنا خلقك جميلة وانك بتحبى اخواتك مش بتكرهيهم وانك بتتمنى رضاها وانك اسفه لو عملتى حاجه مزعلاها منك لحد الان
تم النشر الثلاثاء، ١٤ نوفمبر ٢٠٢٣
حاول تصبر وتلمح ليها بده بس بهدوء حتى لا تدخل فى عقوق الوالدين
تم النشر السبت، ١١ نوفمبر ٢٠٢٣
بصي يا حبيبتي اول حاجة تعمليها تتجنبيها خالص اعملي معروف في نفسك وتجنبي الاذي دا بكل السبل لو المكان يجمعكوا حني اقعدي لوحدك اكرملك دا اولا ثانية مترديش عليها رد وحش خالص لوجة الله وصاحبهما في الدنيا معروفا تالت حاجة بقي والأهم هي قصة حبك دا مبدأيا كدا يجي البيت يتقدم او حتي يكلم اهلك عشان متتصدميش ف الدنيا اكتر من كدا انا اختك وبقولك لو سابك هتتدمري ف حطي نقط علي الحروف وواجهية ومتسبلهوش فرصة انو يقولك الظروف ماشي وربنا يعديلك همك وييسر أمرك بحق جاه النبي
تم النشر السبت، ١١ نوفمبر ٢٠٢٣
بصي انا مش في مكانك عشان اعرف حالتك بس الي اقدر اقوله أن دي مامتك عامليها كويس وخلاص و خليكي مع نفسك و شوفي كل حاجه انتي بتعمليها لو انت شايفه أن الي بتعمليه صح تمام بس دايما راجعي نفس في الحاجه الي انت شاكه فيها انها غلط او لا و طوري من نفسك لحد ما ترضي عنها و بصراحه احينا انا كمان كنت بحس بوحده و مبلاقيش حد أكلمه بس صدقيني مفيش غير نفسك بس الي هتساعدك اقعدي مع نفسك و اتكلمي معاها و شجعي نفس بكلامك و تخيلي نفسك الشخص الي انت عايزه تبقيه لحد ما توصليله وانتظمي ف صلاتك و قيمي الليل لأن صدقيني مفيش حد هيكون احن عليكي من ربنا ادعيلو و اشتكي و كلميه و قولي كل الي فقلبك منها ترتاحي و منها أن شاء الله ربنا يفك كربك
تم النشر الاثنين، ١٣ نوفمبر ٢٠٢٣
خلاص حاولي تمشي الأمور وتظبطي الدنيا عشان تمشي من عندهم وترتاحي ويبقي ليكي حياتك
تم النشر السبت، ١١ نوفمبر ٢٠٢٣
حاولي تتكلمي معاها تسأليها ليه بتعمل كدة ، او زعلانة منك بخصوص اي عملتيه قبل كدة.
تم النشر السبت، ١١ نوفمبر ٢٠٢٣
حاولي تتجاهلي اي كلام لان بكدا حياتك هتقف ومش هتعرفي تحققي حاجه فخليكي متجاهله ليها ولكلامها وبصي لحياتك هترتاحي اكتر
تم النشر الثلاثاء، ١٤ نوفمبر ٢٠٢٣
حاولى تتناقشى معاها بهدوء
تم النشر الثلاثاء، ١٤ نوفمبر ٢٠٢٣
هو السنه الجايه هيجي يتقدم وكان عاوز يكلم والدتي او والدي السنه دي بس انا الي مانعه دلوقتي عشان خايفه يقعدوني من الكليه وهما دماغهم صعبه ومش هيتفهموا معايا عشان كده قولتله السنه الجايه هتكون جاهز من كل حاجه وتعالا هو عنده شقته وبيشتغل بس شغل مش قد كده السنه الجايه هيكون اتوظف وحياته اتظبطت واستقر اكتر.... انا فاهمه وواعيه اني مش هسيب نفسي تتكسر تاني هو متمسك بيا اووي وبعدت عنه كذا مره وبيرجع يكلمني او يخلي حد من عنده ناس كبيره يعني تكلمني انه مش بيلعب بيا وكدا الصراحه
تم النشر السبت، ١١ نوفمبر ٢٠٢٣
لعرض السؤال في فدني اضغط هنا