كونك بتدورى على انك تصلحى اللى اتعودتى عليه غصب عنك ...ف دى بداية كويسة والصوت اللى بيقولك لازم توقفى ضعفك ده ....ده دليل ان جواكى قوة عاوزة تطلع لبره على هيئة افعال . طب هنعمل ده ازاى خلينا نبدأ ده بحاجات صغيرة يعنى ثبتى لنفسك جمل صغيرة تردى بيها . مثال ( لا مش حابه اعمل ده ) ( كفاية عشان تعبت ) ( انا ماشية عشان اضايقت ) الجمل دى تقوليها وتمشى ومن غير ما تبصى للى قدامك ده هيبدأ يديكى ثقه فى ان جواكى قوة وانك تقدرى لحد ما بالممارسة هتقدرى تقولى اكتر وتقدرى تقولى وانتى قدامهم من غير ما تمشى ولا حاجة اعملى ده الاول وتابعى معايا لو حبيتى على رساي الصفحة عندى وانا امشى معاكى خطوة خطوة او هنا فى نفس السؤال
تم النشر الأربعاء، ٢ أغسطس ٢٠٢٣
الدنيا مش حرب عشان نمشي بمبدأ دوس يا تنداس الدنيا دي دار اختبار للآخره و بصي يا ستي انتي مش مضطره تدخلي ف حروب مع حد و دايما اللي مش كويس اتجنبيه و خليكي بس مع الكويس اللي زيك و لما حد يجي عليكي خدي حقك بالعقل و بالطريقه و خليكي واثقه ف نفسك و عارفه انك تقدري تاخدي حقك و صدقيني بجد انتي قادره تواجهي الماضي و تتغلبي عليه و من جواكي خليكي عارفه انك قد اي حاجه و متحكميش ع نفسك من خلال حد غيرك متخليش حد يأثر عليكي بالسلب و اعرفي انك دايما انتي الصح و هما الغلط
تم النشر الثلاثاء، ١ أغسطس ٢٠٢٣
احنا مش لازم ندوس علشان نبقى فوق .. مش لازم نكون زيهم .. بس بامكانك ان لو حد منهم جه وداس ليكي ع طرف توقفيه عند حده، ويومها الكل هيفكر قبل ما يعمل ليكي اي حاجه. ضعفك مش لازم يستمر للنهاية .. وكونك انك اتربيتي على الخضوع بالطريقة ديه، مش لازم يستمر .. بس انتي خايفة من ايه؟ يعني ايه اسوء حاجه ممكن تحصل لو انتي وقفتي اي شخص عند حده لو اتكلم بكلمة ضايقتك مثلا .. وبالادب خايفة ل ليحصل ايه؟ انتي عارفه المفروض تخافي من ايه؟ المفروض تخافي من سكوتك .. مش من قوتك!
تم النشر الأربعاء، ٢ أغسطس ٢٠٢٣
عادي يا اختي كلنا تربينا على هذا الشيء من الصغر وهو اسلوب خاطيء جدا لازم يعلمون الابناء اخذ حقهم والا سيطلع الطفل مش واثق بنفسه
تم النشر الأربعاء، ٢ أغسطس ٢٠٢٣
لم تكبرى هتتفتكرى ايامك دى وهتعرفي قد اى المواقف دى علمتك أن محدش هيبقالك غيرك متفكريش في حد ولا تفكير ولا كلامو خلى كل تفكيرك ازى تطورى من نفسك ابسط حاجه اقرئى كتير اسمعى فديوهات تفيدك اكتشفي نفسك وحبي نفسك دفعتك مش باقيه كلها فطره وهتتفرقو وهتشوفى ناس جديده وخليكى فاكره أن مش هيبقالك غيرك وخلى قلبك صافي للناس ادعلهم بلخير وقربي من ربنا على قد متقدرى وادعى كتير وربنا يسعدك ويحفظك
تم النشر الأربعاء، ٢ أغسطس ٢٠٢٣
بصي انتي ممكن مش عاوزه تواجهي الخوف دا أصل تخسري صحابك ..بس لا اتكلمي و وقفي كل واحد عند حقه وانجحي ف مجالك ..وربنا سبحانه وتعالى هيجبلك حقك من اللي بيتكلمو عليكي دول ..وربنا ينصرك يارب 🤍
تم النشر الخميس، ٣ أغسطس ٢٠٢٣
فهماكي كويس .. كل اللي عليكي انك هتتجاهلي اي حاجه ممكن تعكرلك مزاجك او تضايقك لان حرفيا الدخول ف نقاش مع ناسه سامه ومش سويه ده بياثر عليكي اكتر منهم .. متعمليلهمش قيمه وتردي عليهم تجاهليهم وبس مش خوف منهم لا لكن اعتزاز بالنفس ان مش قيمتك تناقشي مع ناس شبههم وقربي م اللي بيحبوكي بجد وبيحترموكي ويخافون عليكي وبس♥️
تم النشر الأربعاء، ٢ أغسطس ٢٠٢٣
لعرض السؤال في فدني اضغط هنا