انا لسا مخلص جيش بقالي تقريبا ١٥ يوم ومش لاقي شغل دوا مسبب ليا مشاكل كتير اوي وضغط كبير اوي خصوصا مع اهلي كل اللي يشوفني اشتغلت فين ومشتغلتش لي وقاعد لحد دلوقت مش بتدور علي شغل ليه مع اني بدرو وقدمت ف حاجات كتير ولجات لناس انا مكنتش احب ف يوم اني الجأ ليها او اطلب منهم حاجه بس اهلي شايفين اني فاشل واني كدا طول عمري علشان مشتغلتش واديتهم فلوس مع اني عمري ما طلبت منهم حاجه الاقليل وكنت بشتغل عادي بس شغل مش منتظم في الكليه وبساعد في مصاريفي بس هما شايفن ان دا مش كفايه واني افشل واحد خلقه ربنا واني عاله عليهم ومش زي اخواتي مع انهم برضو محدش اداهم حاجه بس بيحبوهم مع اننا حالتنا الماديه كويسه لدرجه كبيره الحمدلله ازاي اعدي الفتره دي لاني حرفيا تايه ومخنوق ومش عارف ابدء منين
الشغل مش بالساهل اوي، زي ما هما مفكرين و15 يوم وقت قليل اوي .. فيه ناس بتقعد بالسنة مش لاقيه حاجه مناسبة. هما ممكن بيحاولوا يشجعوك بس للاسف بطريقة سخيفة، المهم علشان تعدي الفترة ديه متحاولش تركز على كلامهم، ركز على نفسك .. على نفسك وبس. يعني اعمل ايه؟ شوف انت عايز الاول تشتغل في حاجة جديدة ولا حاجة في مجال دراستك، وهل عندك استعداد تتعلم حاجة جديدة ديه اول حاجة لازم تفكر فيها؟ اعمل cv كويس واعرضه على حد بيكون فاهم كويس في ال cv واعمل اكونت على لينكد ان وده كورس بيشرح الموقع ( شرح موقع لينكد إن، أفضل موقع للتوظيف. ) وظف فرصنا ولو ليك اي مهارة حاول تستغلها وتعرض الخدمة بتاعتك على مواقع العمل الحر
تم النشر الاثنين، ١٣ مارس ٢٠٢٣
اعمل اكونت ع لينك دي ان ونزل فيه الcvبتاعك ومهاراتك ومجالات خبرتك حتى لو كانت تدريب وكورس ونزل شهادات الكورسات واعمل سيرش عن المجال الي هيكون كويس ليك كوظيفه ف مناطق الي انت عايزها وهيظهرلك كل شويه تحديث لوظيفه كمان ممكن تشوف الاماكن الي مؤهلك ممكن يسمحلك تشتغل فيها و اعمل حصر بيها وابعت الcv بتاعك وممكن لحد متلاقي شغل مباشر استهدف طلاب الكليه نفسهم انك تشرحلهم المواد الدراسيه بشكل مبسط ككورس دراسي عادي
تم النشر الاثنين، ١٣ مارس ٢٠٢٣
خليك مع ربنا اشتكيله واطلب منه ديه اول حاجة تاني حاجة انزل بنفسك دور علي الشغل و متعتمدش علي مواقع الشغل بشكل كبير (في الحركة بركة) ، وبإذن الله هتلاقي شغل ، بس متسمحش ان الكلام اللي تسمعه يخش جواك وياثر فيك ... السفينة مبتغرقش بسبب ان هي بتتخرم، السفينة بتغرق عشان المياه تقِّلتها.
تم النشر الاثنين، ١٣ مارس ٢٠٢٣
تخصصك ايه
تم النشر الاثنين، ١٣ مارس ٢٠٢٣
لا مش كله وبنزل بس مبقاش ف شغل كدا بقا بالمعرفه اللي قدامه شغله بياخد حد يعرفه مبقاش فيه شغل للي يدور
تم النشر الاثنين، ١٣ مارس ٢٠٢٣
فيه ناس قعدت تدور سنين طول مابتسعي كبر دماغك من اي كلام ومن اي احاسيس وحشة وقت ما توصل كل ده هيتنسف من دماغك كانه ماحصلش وبعدين بص حواليك اكتر الشباب من الجنسين بيحاربوا زيك لو كله شغال الا انت في بقي الغلط فيك لكن كله نفس الحال افضل اسعي وادعي بس
تم النشر الاثنين، ١٣ مارس ٢٠٢٣
لعرض السؤال في فدني اضغط هنا