احساس انك بنت مش مرغوب فيكي وان مفيش حد عاوز يتجوزك مفيش حد بيتقدملك مع انك شكليا مقبوله وكويسه ان ممكن تلاقي اللي في سنك واللي أصغر منك اتخطبو واتجوزوا حاجه مؤلمه اوي بينك وبين نفسك ازاي اقدر التعايش مع الاحساس دا او ازاي اغير الحاجه دي
من رأىي نحاول مناخدش موضوع ارتباط الناس الي حوالينا بالشكل دا، انه بسبب عيب فينا او اننا أشخاص غير مرغوب فينا، عشان ممكن يأثر ع قرارنا ف الارتباط اما تيجي فرصه ( اول حد نقابله نرتبط بيه لمجرد الرغبه ف الارتباط) ممكن تفكري ف الموضوع بايجابيه، انك ليكي شروطك ومعاد معين للارتباط وطموح تحققيها الأول وهكذا يعني، وعموما كل حاجه بتيجي ف وقتها.
تم النشر الأربعاء، ١٨ أكتوبر ٢٠٢٣
الموضوع والله ما بالشكل .. المشكلة مش فيكي في موضوع الارتباط، في الاخر حتى اللي بيتقدم لها عشرة ما هي بتختار واحد في الاخر، مش هتختار العشرة ولا العشرين. وموضوع الجمال نسبي جدا، ف ليه تقارني نفسك بناس تانيه، ولا تحطي اساسا السن مقياس؟ في الاخر ده نصيبها، ونصيبك الله يعلمه.
تم النشر الخميس، ١٩ أكتوبر ٢٠٢٣
ليه ممكن تربطى الزواج بحالتك النفسيه ؟ يعنى ليه ممكن تتعبي وتدايقى لمجرد أن مفيش فرص زواج واكيد ربنا مخبيلك الاحسن حاولى تكونى اجتماعيه اكتر عشان الناس تشوفك بس متغيريش حاجه من نفسك أو تجبرى نفسك علي حاجه لمجرد إرضاء الناس الي يقول يقول الي اتجوزوا خدوا ايه منها ؟ احنا مخلوقين عشان نعبد ربنا الجواز شىء اختيارى وكمان انا شايفه انك اكيد حد كويس بس صاحب النصيب لسه مجاش وربنا يجبر بخاطرك وتلاقي الي يعوضك عن كل التعب الي شوفتيه 💖💖
تم النشر الأربعاء، ١٨ أكتوبر ٢٠٢٣
صدقيني الجواز دا قسمه ونصيب والاحساس الجواكي دا مش منك انتي دا من كلام الناس الحوليكي لحد مقتنعتي بيه بمعني انهم بيقولوا انك هتعنسي او محدش عاوزك وكلام الستات الكبار دا صدقيني رزقك هتخديه عيشي حياتك بس واخرجي مع صحابك اهلك عشان مش هيكون عندك رفاهيه تعملي دا كله بعد الجواز اشتغلي وجيبي العوزاه لحد ما رزقك يجي وربنا يرزقك ب ابن الحلال ان شاء الله
تم النشر الخميس، ١٩ أكتوبر ٢٠٢٣
انا هقولك حاجه واحده الذهب جذاب عشان كدا كلو بيجري عليه لاكن الجواهر غاليه عايزه الي يتعبلها فانتي ثقي فالله ان عوضه قريب واذا سألك عبادي عني فأني قريب استيعني بيه والله وصلي الفروض والنوافل
تم النشر السبت، ٢٨ أكتوبر ٢٠٢٣
لعرض السؤال في فدني اضغط هنا