مساء الخير
انا مش بعرف اعتمد علي نفسي في اي حاجه ومش بعرف اتعامل مع المواقف بتكسف جدا ودايما ببقي عايزه شكلي يكون كويس دايما يعني متحطش في موقف محرج ماحدش يحرجني علشان كده بخاف اتكلم لاحسن ده يحصل ودائما اهلي بينتقدوني في الحته دي ويقولولي انتي مبتتكلميش خالص خصوصا لو قاعده مع ناس كتير وبجد ببقا ممله جدا
هو أهلك بينتقدوا سكوتك ولا كلامك؟ خدي بالك إحنا ال بنتحكم الناس تشوفنا إزاي من معاملتنا لنفسنا بينعكس ده ويحدد لهم إزاي يتعاملوا معانا. فطول مانتي حاسه مجرد إحساس إن لو اتكلمت حد هيحرجني كلامك هيخرج منك ملعبك ومهزوز وتعملي للناس انتباه لحاجه مكانتش فبالهم أصلا. فلازم تكتسبي ثقه بينك وبين نفسك وتحفزي نفسك دايما وتهديها وتقبلي عادي غلطاتك وامشي بمبدأ {كل نفسك قبل ما حد يكلك} يعني تصالح ذاتي . وهتلاقي اسأله كتير متشابهه عن الثقه ممكن ترجعي تشوفي اجابتها بردو 🌻
تم النشر الخميس، ١٦ فبراير ٢٠٢٣
عندي نفس المشكله للاسف
تم النشر الخميس، ١٦ فبراير ٢٠٢٣
هل اهلك كلنوا دايما بيقولوا ليكى ...لا بلاش انتى مش هتعرفى ؟ اوخليكى انتى لحسن خايفين عليكى ؟
تم النشر الخميس، ١٦ فبراير ٢٠٢٣
لو حضرتك بتتكسفي من اهلك لازم ما تتكسفيش عشان دول اهلك لازم تتكلمي معاهم
تم النشر الخميس، ١٦ فبراير ٢٠٢٣
لا انتي مش ممله خالص انتي بس ممكن بتقلقي شويه وبتتحرجي ومحتاجين شويه حاجات بس نضبطهم وهتبقي تمام محتاجه انك بس تطمني وتثقي اننا مش ملايكه كلنا بنغلط ممكن يحصل مننا اي سلوك تلقائي او عفوي ومن الطبيعي اننا مش طول الوقت كويسين وماشيين بالمسطره وارد يحصل اخطاء ومش كل الناس بتدقق فيها اعتقادنا بس ان الناس بتاخد بالها والاعتقاد ده بيزيد مع القلق ف لما تكوني ف مجموعة من الناس طمني نفسك وواجهي الافكار دي بأنك طبيعي يحصل منك اخطاء انتي بشر ومش ضروري الناس تاخد بالها من كل الاخطاء كمان انتي جميله وهيئتك مرتبه ومفيكيش غلطه تخلي اي حد يعلق عليكي واول متلاقي الافكار دي زادت شتتيها بانك تستغفري تدندني اغنيه تاخدي نفس عميق من وقت للتاني وطبعا ممارستك لتمارين الاسترخاء العضلي والتنفسي هتساعدك جدا انك تتحسني
تم النشر الخميس، ١٦ فبراير ٢٠٢٣
ممكن تحكيلي شوية عن معاملة اهلك ليكي وانتي صغيرة؟ وانتي كده من زمان؟
تم النشر الخميس، ١٦ فبراير ٢٠٢٣
لعرض السؤال في فدني اضغط هنا