عندي مشكلة اني دايما بخاف من ان الناس تنتقدني مع اني بقعد أبين عادي مش فارق معايا بس لاحظت أنه بيفرق معايا و اوي كمان و ببقا مستنية دايما اسمع تعليقاتهم عني الإيجابية علشان احس ان ليا قيمة مع ان بحاول كتير اظهر لنفسي الحب و الاهتمام علشان احب نفسي بس حقيقي معرفش لو حد سألني سؤال ده هل انا بحب نفسي فعلا هقول اه ولا لا ....انا عندي احلام كتير اوي اهمها و اولها اني ابقا كاتبة كتباتي كلها بخاف اعرضها علي حد و لما بعرضها لحد بيبقا قريب مني عملت اكونت مش ب اسمي و بنزل في كتباتي علشان بس خايفة من حكم ناس الي تعرفني علي كتباتي دي و يحكموا بيها عليا نفسي يكون مش فارق معايا و عادي نفسي يبقا طبيعي بالنسبة لي و دماغي تبطل تنشغل ب آرائهم و ابطل استني كلمة حلوة من اي حد
في حاجات تانية كتير بتخليني احس اني مش بحب نفسي ممكن تساعدوني
اهتم بنظر ربنا عليك بس، ركز انك تعبد ربنا بس، بتعرف يعني ايه تعبده؟(من المعاني) يعني تعمل الي ربنا بحبه احله لعباده بس وتبعد عن كل اشي ربنا بيكرهه وحرمه لعباده. لما تركز ع نفسك انو ما تعجب حدا غير ررنا في السر والعلن دا هيفرق معك كتير بكل اشي، ركز على رقابة الله واترك الناس واراءهم، لو عملت جبل دهب مش هتعجبهم برضو ، فخليك على رضا ربنا بس ومن رحمة رينا فينا انو جعلنا نركز على رضاه بس، وطبعا رضاه يتطلب رضا الوالدين وكدا.
تم النشر الأربعاء، ٢١ يونيو ٢٠٢٣
انا كنت زيك زمان وكانت من اولوياتي اني اعمل اللي يعجب الناس بس لما نضجت شوية فهمت اني اعمل الي يريحني انا واللي يعجبني انااا طول ما هو مش غلط ولا حرام يعني لازم تعرفي ان اللي بيبقي راضي عن نفسه الناس بتشوفه كويس
تم النشر الأربعاء، ٢١ يونيو ٢٠٢٣
اقرى كتير عن ال self confidence هيفرق معاكي كتير دايما افتكرى كلنا بشر كلنا فينا عيوب محدش كامل محدش جميل الجميل بيبقي شايف نفسه جميل ف بيحسسنا بكدا الجمال بيبدا من جوانا و بعدين مفيش بنت وحشه😂♥️ شويه فيمينست بقى😂 بس بجد لو حطيتي ف دماغك ان كلنا بشر محدش احسن من حد كلنا اتخلقنا من طين محدش له حق يعلق على حاجه فيكي
تم النشر الأربعاء، ٢١ يونيو ٢٠٢٣
مهما حاولنا وسعينا مش هنعجب الناس كلها لأن ربنا خلقنا مختلفين عن بعض... فمستحيل تلاقي كل أراء الناس عنك حلوة ومستحيل تلاقيها كلها وحشة في نفس الوقت وده عشان اغلب الناس مش بيكون وراها غير القيل والقال.. ملحوظة:اللي بيشغل نفسه باللي عمل واللي سوا بيكون إنسان بلا هدف او فاشل
تم النشر الأربعاء، ٢١ يونيو ٢٠٢٣
مش لازم نستغنى خالص عن انتظار رأى الاخرين فينا ....المهم نستنى بس المقربين مش كل الناس بقى . لان دى طبيعة فى البشر واحتياج لابد منه انه يتشاف حلو ويشوف التقدير من اللى حواليه. قبل بقى ما استنى ده لازم كمان مخافش اوى ممن الانتقاد ..لان خوفك الحقيقى هو من الانتقاد هو الاصعب واهم حاجة تعديكى من الخوف ده هو توقع اسوأ شىء هيحصلك بعد الانتقاد وتحضرى نفسك هتعملى ايه لو ده حصل...يا اما هرد برد معين او بابتسامه او هطلب من الشخص ميقولش رأيه تانى ولا هاخد كلامه واشتغل عليه. وافكر فيه . طيب هل انا بشوف انى المفروض اكون مفييش غلطة عشان ابقى مقبولة ....دى هتبقى فكرة غلط خالص لان البشر خطائيين ...فلو اللى قدامى بينكر عليا فكرة الغلط يبقى المشكلة عنده . كونى متقبلة لنفسك واخطائك قبل مميزاتك مش هتلاقى حد معاه حاجة يضايقك بيها اصلا ....ما انتى متقبلة نفسك هو هيضايقك ازاى بقى . رضا الناس غاية لا تدرك .
تم النشر الجمعة، ٢٣ يونيو ٢٠٢٣
انتي قولتي انك بتحاولي تظهري لنفسك الحب او تحبي نفسك .. ممكن تقولي بتعملي كده ازاي؟ وقولتي كمان ان لو حد سألك بتحبي نفسك او لا ؟ هتقولي اه او لا .. ليه اه، وليه لأ؟
تم النشر الأربعاء، ٢١ يونيو ٢٠٢٣
لعرض السؤال في فدني اضغط هنا