لو حد يقدر يفيدنى يتفضل وشكراً مقدماً
انا لسه متخرجة من الكلية ومن وقت ما بدأت الاجازة وانا حاسه بملل رهيب ومش عارفه اعمل ايه حاولت اجرب كذا حاجه اعملها بس بحس انى بزهق منها بسرعة أو ان مش هى دي الحاجه اللى حباها سواء كانت قراءة او خياطة او تعليم لغة جديدة بحس ان بزهق بسرعه وحتى حاولت ادور على شغل والشغل الوحيد اللى لقيته حاسه ان مش هكون مبسوطة وانا فيه فمشكلتى دلوقتى هى ازاى اتخلص من الملل ده وفى نفس الوقت حاسه ان محتاجه اتعرف على ناس جديدة لو حد عنده تجربه زي كده يفيدنى وشكراً مقدماً
فى البداية كده.ممكن الفترة اللى ما بين انتهاء الدراسه وممارسة عمل بيكون فيها ملل لانك بتكون مش عارفه تعملى ايه وازاى هتقدمى فى شغل وهل هتتقبلى ولا لاء وهل الشغل ده مناسب ليا ول لاء . بيكون فى أسئلة كتير والفترة دى احيانا مش صغيرة ومش محددة فى الفترة دى حاولى انك تشتغلى على كل اللى بتحبى تعمليه وبتلاقى نفسك فيه.لو فى تجمعات عائليه أو أصدقاء انضمى ليها وشاركيهم الأفكار والموضوعات اللى بيتناقشوا فيها ده هيفرق معاكى جدا ممكن فى الفترة دى تخدى كورس فى مجال معين هيكون مهم فى شغلك وهيفيدك ابدئى فيه ممكن تشغلى وقتك انك تعرفى ايه اللى ناقصك ومحتاجه تدعمى نفسك بيه وابدائى فيه علطول. اكتبى كل اللى جواكى باستمرار واللى بتحسى بيه هيفرق معاكى جدا لو ليكي صديقه مقربه أو لايف كوتش اتكلمى باستمرار معاهم وشاركيهم افكارك لأن الدعم النفسى مهم جدا. افتكرى دايما ان ربنا معاكى فى كل خطواتك وبيساعدك وانك قوية وهتقدرى 🌷
تم النشر الثلاثاء، ٦ أغسطس ٢٠٢٤
السلام عليكم جربي تعملي ليكي روتين يومي اول متصحي من النوم تحددي هتعملي ايه ف يومك بلاش تشغلي نفسك بتعلم لغه او غيرو لإنك لسه مخلصه ف طبيعي دا مش هيمتعك انصحك ب انك تمارسي هوايه جديده ذي تروحي ورش رسم أو في أماكن بتعلم رياضات مختلفه ذي السباحه و ذي كُره السله و جيم بردو و نصيحه عشان تلاقي راحتك اكتر ف روحي اماكن مخصصه للبنات بس بتعلم فيها الحاجات دي وقتها هتلاقي نفسك بتشاركي ف انشطه اجتماعيه مختلفه و تتعرفي على ناس جديده جربي تعملي حاجات جديده ف يومك ذي تطبخي اكله مطبختيهاش قبل كدا او مثلا تروحي كافيه تختاري مشروب مشربتهوش قبل كدا او جربي تشتري كل اللي نفسك فيه و تقعدي تشوفي فيلم مثلا او تصحي الفجر و تشربي مشروب حلو تخترعيه ف البلكونه بيبقا الجو جميل وقتها جربي تروحي مكان جديد و مختلف تشتري لبس جديد مش ستايلك و تجربيه و اسمعي بودكاست دا هيساعدك انك تعملي حاجات جديده و تمتعك بردو و طبعا متنسيش صلاتك و انك تقربي لربنا و اتمنى اكون أفدتك
تم النشر الثلاثاء، ٦ أغسطس ٢٠٢٤
السلام عليكم بصي يعني انا هكلمك اكثر يعني>>>> في اجابتين قالوا لك نفس انا كنت ممكن اقترحها عليك في موضوع انك يعني ازاي تعرفي على ايه مساله الملل دي خلي بالك كويس قوي لانه ده بيدل على انك منغمسه قوي في الريلز وفي السوشيال ميديا لان دي اكتر حاجه بتخلي البني ادم يبقى مش مستحمل يعيش تجربه جديده ممكن ينتظر نتيجتها بعد مده اييي ده بيبقى سبب الملل اللي انت حاسه بيه اتعودتي على فكره حاجات السريعه جدا بما انك لسه بقى رايحه تتعلمي خياطه او لغه جديده ولسه الموضوع في اوله وياده انا قدامي قد ايه كم شهر عشان خاطر اوصل لنتيجه ومحتاجه اتدرب. في جهد وحيات كتير وانا مخي ااا من متستسلم متعود على الحاجات اللي هو بيشوفوا اصلا الرحله كلها بيشوف وصفه بتتعمل من الالف للياء معموله في فيديو كله على بعضه دقيق رغم انه التوقيت الحقيقي اللي اتعمل فيه الاكله دي وان الدنيا تنظفت والمطبخ رجع زي ما هو؟ والحاجه استوت وكل الكلام ده ممكن يكون خد نص ساعه ساعه الا ربع لكن انا بقيت غايبه عن التوقيت الحقيقي بسبب ان انا اندمجت قوي قوي ففكره. الشورتس والفيديوهات القصيره اللي بتبقى مضغوطه علشان السوشيال ميديا خلي بالك من الموضوع ده كويس لو عايزه اتعلم الملل ابعدي عن الحاجات دي خالص وابداي شوفي حاجات شوفي فيديوهات يكون وقتها طويل فيديوهات شرح وقسميها الاول على نفسك يعني الفيديو مثلا يكون ساعه كل شويه شوفي ربع ساعه منفصله او عشر منفصله لحد ما تخلصي الفيديو عشان تبداي تستعيدي ثاني لمخك انه الحاجات بتاخذ وقت. ربنا معاك.
تم النشر الاثنين، ٥ أغسطس ٢٠٢٤
حبيبتي ممكن تجربي تنزلي تطوع ف الجمعيات الخيرية هيفرق معاكي ان شاء الله بما انك عايزة تشوفي ناس وتتعرفي عليهم
تم النشر الاثنين، ٥ أغسطس ٢٠٢٤
أهلاً يا حبيبي، أول حاجة مبروك على التخرج! 🎉 الملل بعد التخرج حاجة كلنا مرينا بيها، خاصة لو كنتي مش عارفة تنجذبي لحاجة معينة. حاولي تتبعي شغفك وتعرفي أكتر عن الحاجات اللي فعلاً تهمك. ممكن تعملي شوية فعاليات جديدة، مثلاً: التطوع : الدور في جمعيات أو مؤسسات خيرية. هتتعرفي على ناس جديدة وهيكون ليكي هدف تحققيه. كورسات جديدة : لو بتحبي تتعلّمي حاجات جديدة، ابحثي عن كورسات أونلاين في مواضيع تهمك. ممكن تطوري نفسك في مجال دراستك أو تجربي حاجة جديدة خالص. المجموعات الاجتماعية : انضمي لمجموعات على السوشيال ميديا تهتم بهوايات معينة أو أنشطة معينة. دي وسيلة كويسة للتعرف على ناس جدد. استكشاف محيطك : لو عندك أماكن جديدة في مدينتك، روحي وجربي تزوريها. السفر، حتى لو كان داخل البلد، يفتح لك آفاق جديدة. الخلاصة، حاولي تحسني من مزاجك بالقيام بالأنشطة التي تحبيها، وغالباً الملل هيتلاشى لما تستكشفي نفسِك وحاجات جديدة. لو حسيتي بأي ضغوطات أو عايزة توجيه أكتر، أنا هنا لكي! 💪💕
تم النشر الاثنين، ٥ أغسطس ٢٠٢٤
لعرض السؤال في فدني اضغط هنا