ليه اللي بيحب بيكون قلقان علي طول ؟
ليه خوفه علي حبيبته وقتها بيكون اكثر من خوفه علي نفسه ؟؟
ليه الفراق دايما بيكون صعب علي الرغم من إننا عارفين إننا هنفارق بعض سواء بإنهاء علاقه او بالموت ؟؟؟
يومك روقان يافنان هو شعور طبيعي أن الحبيب يخاف على محبوبته لكن مش طبيعي التعلق المبالغ فيه فكل ما كان تعلقك بالله أكبر كل ما قل تعلقك بالاشياء او الاشخاص يعني اتعود تحب وتخلص في الحب لكن تكون مأقلم نفسك على ان سنه الحياه الفراق فلو حصل فراق دايما ردد "عسي ربنا يبدلنا خيرا منها ان الي الله راغبون" "ان لله وان اليه راجعون اللهم اجرني في مصيبتي واخلف عليها بخير منها" وقتها بس هتحس بالسكون والطمأنينة
تم النشر الأحد، ٢٠ نوفمبر ٢٠٢٢
اهلا ومرحبا بك. طبيعي جدا تكون خايف، شعورك طبيعي جدا، أي حد طبيعي هيكون في موقف زي مثلا أنه يكون خايف يتعرض للخذلان، أو الفراق. طبيعي يكون قلقان ومتخوف، طبيعي أنك تكون اساسا مش متقبل الفكرة من أساسه، مش قابل فكرة الفراق، مش عايز تصدق اصلا. وليه الفراق يكون صعب؟ لأنه فعلا صعب. تخيل واحد في أوائل تعافيه من مخدر معين وشوفه عامل ازاي؟ وشوفه بعد ما بيتعافي بيبقى عامل ازاي؟ بس الأكيد أنه بيعيش، وبيحب تاني الحياة، وبيحب نفسه، وبحب كمان حاجات تانيه كتير، لأن أي مشكلة عمرها ما هتكون النهاية أبدا. حبيت مرة وفشلت، هتحب تاني، وممكن تالت، ورابع لحد فعلا ما تلاقي نصيبك، أو بمعنى أدق الشخص المناسب فعلا لك. اومال ايه اللي بيحصل دلوقت ده من تجارب وهكذا، أعتبرها تجارب، دروس. لأن هي ديه الحياة، تجارب ودروس وهنفضل نتعلم منها. أتمنى ليك التوفيق
تم النشر الثلاثاء، ٢٢ نوفمبر ٢٠٢٢
والله المستعان
تم النشر الاثنين، ٢١ نوفمبر ٢٠٢٢
علشان الفعل الغلط بيتبعه شعور بالندم و الخوف دايما .. ثانيا الحب بدون خطة معدة مسبقا للزواج و الحب اللي مش هينتهي بزواج شريف شرعي بيبقي مضيعة للوقت و المشاعر و بيبقي ظلم لأربعة أطراف .. لنفسك و للي بتحبها و للي هتتجوزها بعد كده و للي هيه هتتجوزه .. لأنك أنت و هيه استهلكت مشاعركم علي بعض و انت مش لبعض اصلا و مفيش إمكانية لارتباط و بعد كده لما هتتجوزها شخصين تانين هيتظلموا معاكم لأنهم مش هيلاقوا منكم الحب و المشاعر اللي يستحقوها ..
تم النشر الثلاثاء، ٢٢ نوفمبر ٢٠٢٢
لعرض السؤال في فدني اضغط هنا