انا بتعرض للضرب من صغير وامي شغاله في احد دول الخليج مش معي وانا مكنتش بحكيلها عن الي بيحصل عشان كنت بقول انها عندها هموم بلاش ازود عليها وفعلا مكنتش بحكيلها بس لم كبرت واختي بدأت تضربني اجمد قررت احكي لماما بس انصدمت هي مخدتش اي رد فعل وبابا لم بحكيله بيقولي انو عندوا هموم ومش فاضي وانا تعبت ان اهلي بيعملوها كد انا عارفه انهم بيلعبوا عشاني بس انا بضرب من الكبيره والصغيره وتشتم وبتهزق من الاب والام وانضف و بهتم بدراستي و بعمل كل الي اقدر عليا بس انا عايزه ابعد عنهم واسيب البيت وعارفه انوا صعب عشان انا مليش حد و عندي ١٣ سنه وبنت وهيكون صعب اعمل اي حاجه ممكن نصيحه
انتى مش صغيره ومهما كانوا اكبر منك فانتى ضرورى يكون ليكى رد فعل قصاد اى محاوله للاذى مفيش حاجة تخليكى تسكتى على اى اهانه ...مفيش حد اعلى من التانى فى البيت اذا الكبار اللى هما الاب والام معرفوش يقدروا اللى بيحصل صح ..فانتى استمرى فى رفض ومقاومة اللى بيحصل ..يارب حتى تكونى كل مره بتعملى مشكلة والكل يسمعها ..اوعى تسكتى
تم النشر الخميس، ٢٨ مارس ٢٠٢٤
نصيحتي ليكي .... ارفضي اي اهانه أو عنف بتتعرضيله واعملي حدود لنفسك ومتسمحيش لحد يتخطها.. اقعدي واتكلمي معاهم عن سبب فعلهم ده وقوللهم انك رافضه اسلوبهم.. حاولي تشاركيهم اهتمامتهم وقربي منهم دوري على حاجة بتحبيها اعميلها وانجحي فيها هيفرق معاكي جدا
تم النشر الجمعة، ٢٩ مارس ٢٠٢٤
فاهم طبعا انك بتعيشي تجربة صعبة جدا وأنكِ حاسة بالألم واليأس. مقدّر صراحتكِ وقدرتكِ على التعبير عن مشاعركِ. و إن رغبتكِ في الابتعاد عن العنف والبحث عن بيئة آمنة أمر طبيعي ومفهوم تمامًا. من المهم أن تعترفي بمشاعركِ وتُعبّري عنها بطريقة صحية. ما تتكسفيش ابدا من البكاء أو انك تعبري عن مشاعركِ مع حد تثقي فيه. احكي للمدرس او المدرسة بتاعتك اللي بتحبيها عن اللي بيحصل معاكي و اطلبي منها هي اللي تتكلم مع اخواتك او مامتك او باباكي . شوفي حد من قرايبك عمتك او خالتك او عيالهم حتى لو سنهم كبير و بترتاحي مع حد في الكلام , او حتى اطلبي منهم انك تروحي تقعدي معاهم يومين مثلا . و لو مش عارفة تتكلمي مع حد خالص و بتتعرضي للضرب جامد اتصلي بخط المساعدة للطفل الخط الساخن 16000 أو من خلال رقم الواتس اب على الأرقام 01102121600 ، 01016609579 او عن طريق الصفحة الرسمية لــ المجلس القومي للطفولة والأمومة على الفيس بوك - الموقع الرسمي للمجلس القومي للطفولة والأمومة http://www.nccm.gov.eg/ المهم أنك تفتكري و تتاكدي أنكِ مش لوحدكِ وأن فيه كتير بيحبوكي و يمكن اخواتك حتى لو بيضربوكي عشان بيحبوكي ف ممكن تعرفيهم انهم لو بيحبوكي يتكلموا معاك و يقولولك ايه الغلط اللي عملتيه و اوعديهم انه مش هيتكرر . بس خليكي عارفة ان فيه كتير بيحبك و عايز يساعدك . و احتاجتي مني مساعدة كلميني يا حبيبتي . واثق في قدرتكِ على التغلب على الظروف الصعبة دي وتحقيق أحلامكِ و انك مهما حصل هتفضلي بتنظي و بتعملي اللي عندك و تهتمي بدراستك . مع تمنياتي ليكي بحياة سعيدة.
تم النشر الجمعة، ٢٩ مارس ٢٠٢٤
حبيبتي إنك تسيبي البيت ده مش حل.حاولي إنك تتكلمي مع اختك وقوليلها إنك مالكيش غيرها حاليا 🥺 وانتي حاولي تساعدي من غير ما هي تطلب
تم النشر الخميس، ٢٨ مارس ٢٠٢٤
ضربتها قبل كد بس اضربت اكتر انا مسامحه و مش عايزه حاجه غير كفايه شويه انا بجد بحبهم بس هم ثقه لا كل حاجه لا عندي از الكبيره والصغيره ماشي علي كل حاجه
تم النشر الجمعة، ٢٩ مارس ٢٠٢٤
حبيبتي إنك تسيبي البيت ده مش حل . حاولي تتكلمي مع اختك وقوليلها إنك مالكيش غيرها حاليا🥺
تم النشر الخميس، ٢٨ مارس ٢٠٢٤
اتعلمي تدافعي عن تفسك وده مش معناه انك تضربيها بس تتعلمي علي الاقل لما تيحي هي تضربك صدي الضرب عن نفسك واتكلمي معاها انه ليه اصلا ضرب وان لو عايزه منك حاحع تطلبها براحه وانتي هتعمليها بس اوعب تسيبي البيت ده مش حل
تم النشر الجمعة، ٢٩ مارس ٢٠٢٤
استهدي بالله و اعرفي أنهم بيحبوكي و اهلك و متخليش تفكيرك يروح بعيد انتي متعرفيش اي الي في بالهم و ربنا يهديهم و يهديكي
تم النشر الجمعة، ٢٩ مارس ٢٠٢٤
مش حل انك تسيبي البيت. اقعدي. وخدي حقك. مش تسليه. وزي ما بتضربك اضربيها. المعامله بالمثل لما تلاقيكي قويه هتحترم نفسها. متخليش حد. اقوي منك.
تم النشر الخميس، ٢٨ مارس ٢٠٢٤
لا حول ولاقوة إلا بالله..بجد انت الحل الوحيد من وجهة نظري انك تاخدي حقك ومنها ومتسكتيلهاش ولو مدت ايديها عليكي تاني انت كمان اضربيها وهدديها وقوليلها لو مديتي ايدك عليا هزعلك،انت ازاي تسكتلها بجد دي مش كويسة دي نفسيتها سودة انا فاهماكي وحاسة بيكي اوعي تخافي منها وخدي حقك هتلاقيها احترمتك بعد كده
تم النشر الخميس، ٢٨ مارس ٢٠٢٤
لعرض السؤال في فدني اضغط هنا