أنا بنت في سن ١٧ سنه ابن عمتي جه طلبني للزواج وهو أكبر مني ب ٥ سنين وانا بتعلم وقلي هيخليني هكمل تعليمي وانا فرحت اني حد ممكن يخليني هكمل تعليمي بس بعد مصليت صلات الاستخاره قلبي مقبوط وانا رفضه وانا حاليا شيفاه زي اخويا وانا خايفه ارفضه عمتي تزعل مني انا عاوزه اقولهم اني مش عايزاه بس مخسرش ابن عمتي كأبن عمتي ولا نخاصم عمتي ولا عمتي تزعل
قولي صليت استخارة ومش حاسة اني مرتاحة واتكلمي مع عمتك انك مش عايزة تخسريها ولا تخسري ابنها بس ك أخ وكلام بقى ان هو مفيهوش عيب بس انا مش مرتاحة وكدا ومتجيش على نفسك وتعملي حاجة تندمي عليها طول عمرك
تم النشر الأحد، ١٢ مايو ٢٠٢٤
اوعي تيجي علي نفسك عشان خاطر حد ده جواز لو اي اوعي توافقي ارفضي بشياكه
تم النشر الأحد، ١٢ مايو ٢٠٢٤
حببتي دي حياتك لحد ما تموتي بلاش تدمري نفسك عشان تقولي خايفة وخايفة انتي مش مرتاحه قولي كل شيء قسمه ونصيب وهو بالنسبة ليا اخويا ومش اكتر من كدة وحاولي تدوري علي نفسك وعلي الي هيزعلها لان كل واحد بيقول يلا نفسي وسهلة اتكلمي معاه هو ابن عمتك وفهميه وباذن الله ربنا يقدملك الي فيه الخير
تم النشر الأحد، ١٢ مايو ٢٠٢٤
نضج الشخصيه من الحاجات المهمه جدا والاساسيه في الجواز ,17 سنه لسه صغيرين أننا ناخد قرار الزواج من عدمه ( انا وافقت لمجرد أنه هيخليني اكمل دراستي ، ورفضت بسبب الاستخاره ) الاستخاره مش سبب الرفض لان الاستخاره بعدها بنمشي في الموضوع ولو وقف لاي سبب بيقي هو دا الخير ملهاش دلالاه بضيق صدر ولا احلام ، وتكمله الدراسه او الشقه أو فرق السن مش هما المعيار اللي نبني عليه بيت محتاجين نسيب لنفسنا فرصه نكبر وننضج عشان ناخد قرار صح الجواز مش فرح وفستان ، أما عن الزعل لو رفضنا فلو الرفض بأسلوب كويس مش هيكون في مشكله وحتي لو فمش منطقي أننا نعيش حياه كامله مش مبسوطين فيها عشان اللي حوالينا ميزعلوش مننا
تم النشر الأحد، ١٢ مايو ٢٠٢٤
حقيقي بشكركم أنا كنت خايفه بس كلمكم طمني شكرا جدا ليكم
تم النشر الأربعاء، ١٥ مايو ٢٠٢٤
كدة كدة هايزعلوا شوية بعدين ينسوا لكن قرار حياتي زي ده هايفضل يأثر عليكي طول عمرك لذلك قوليلهم بشكل مباشر انا مش موافقة انا شايفاه زي اخويا و انك مش عايزة تفكري بأي حاجة غير دراستك و ربنا يوفقك
تم النشر الخميس، ١٦ مايو ٢٠٢٤
اهم حاجه راحتك انتي تقولي مرتحتش ومفيش نصيب والحكاية بسيطه دا جواز مش بضاعه بتتقاس حطيها فبالك ياغالية
تم النشر الأربعاء، ١٥ مايو ٢٠٢٤
ارفضي دي حياتك وهذا شريك عمرك اللي هتعيشي حياتك معاها فارفضي ومش شرط يكون في سبب حتي لو من غير سببب انت حرة محدش هيجبرك و اتجوز اللي انتي مرتاحه معاه مفيش فيها زعل دي حياة كامله مش حاجه بسيط و اخبري امك انك رفضة وخالي وابوكي او امك هما اللي يقولوا لمعتك انك رفضه لانها لو سمعت من ابوكي مش هتزعل من اخوها
تم النشر الاثنين، ١٣ مايو ٢٠٢٤
لعرض السؤال في فدني اضغط هنا